กำลังแสดงผล 1 ถึง 6 จากทั้งหมด 6

หัวข้อ: ผญาเกี่ยวสาว

  1. #1
    ธีรวัฒน์ ผู้เจริญ
    Guest

    ผญาเกี่ยวสาว

    (ชาย) .... สุขซำบายหมั้นเสมอมันเครือเก่าบ่นอ เทิงพ่อแม่พี่น้องซำบายถ้วนอยู่สู่คนบ่เด
    (หญิง) .... น้องนี้ สุขซำบายหมั้น เสมอมันเครือเก่าอยู่ดอกอ้าย เทิงพ่อแม่พี่น้องซำบาย พร้อมสู่คน
    (ชาย) .... อ้ายนี่อยากถามข่าวน้ำ ถามข่าวเถิงปลา ถามข่าวนา อยากถามข่าวเถิงเข้า อ้ายอยากถามข่าวน้องว่ามีผัวแล้วหรือบ่ หรือว่ามีแต่ซู้ ผัวสิซ้อนหากบ่มี
    (หญิง) .... โอนอ อ้ายเอย น้องนี้ปอดอ้อยซ้อยเสมอดั่งตองตัด พัดแต่เป็นหญิงมาบ่มี ซายสิมาเกี้ยว ผัดแต่สอนลอนขึ้นบ่มีเครือสิเกี้ยวพุ่ม พผัดแต่เป็นตุ่มไม้เครือสิเกี้ยวกะบ่มี
    (ชาย) .... น้องอย่ามาติแถลงเว้า เอาเลามาปลูก บ่แหม่นเซื้อซาติอ้อยกินได้กะบ่หวาน
    (หญิง) .... คันบ่จริงน้องบ่เว้า คันบ่เอาน้องบ่หว่า คันบ่แม่นท่า น้องบ่ไล่ควายลง ตีลงแล้ว ถอยคืนมันสิยาก มันสิลำบากน้องเทียวหยุ่งอยู่บ่เซา
    (ชาย) .... อ้ายนี่เป็นดังอาซาไนม้า เดินทางหิวหอด มาพ้อน้ำส้างแล้วในถ้ำกะส่องดาย กลายไปแล้ว ผัดคืนมาก้มส่อง อยากกินกะกินบ่ได้ เลียลิ้นอยู่เปล่าดาย
    (หญิง) .... น้องนี้เป็นดังเฮือคาแก้ง เสาประดงคุงหาด หาผู้คึดซ่อยแก้ ให้หายฮ้อนกะบ่มี


  2. #2
    ร่วมถ่ายทอดความรู้สู่สังคม สัญลักษณ์ของ แป้งป๋อง
    วันที่สมัคร
    Sep 2006
    กระทู้
    1,224
    เอ๋า เว้าเองตอบเองน้อ ว่าสิมาตอบผญาจักหน่อยแม๋จ้า อิอิ

  3. #3
    นางน่อย
    Guest

    พบปะพูดคุย

    หาผู้คุยนำยาก เว่าผู้เดียว ตอบผู้เดียว มวนผู้เดียว บ่เผื่อไผเลยน้อ::)::)

  4. #4
    ดูแลตรวจสอบเนื้อหา สัญลักษณ์ของ โป้ยก่าย
    วันที่สมัคร
    Jun 2007
    กระทู้
    1,619
    เป็นจั้งใด๋น้อหล้าสุขสำบายดีบ่อ
    บ่ได้พ้อหน้าเจ้ามาคือเศร้าเก่าศรี
    คิดฮอดคราวตั้งแต่กี้เฮาเคยนั่งคุยกัน
    สายสัมพันธ์เคยมีหากแม่นลืมแล้วบ้อน้อง
    สองเฮาเคยสัญญามั่นบ่ลืมกันจำได้บ่
    หรือแม่นพ้อผู้ใหม่แล้วผัดลืมถิ่มผู้หลัง น้องเอ้ย

  5. #5
    ผู้ช่วยผู้ใหญ่บ้านมหา สัญลักษณ์ของ sompoi
    วันที่สมัคร
    Mar 2007
    ที่อยู่
    japan
    กระทู้
    6,363
    บล็อก
    23
    อยู่ดีสุขขีมั่นเสมอดั่งกันแหน่บ่อ..
    น้องกะพออยู่ได่บ่อเจ็บไข้..ตั้วอ้าย
    อยู่ทางนั่นยากป่านได๋..คือบ่ได่ยินข่าว
    เรื่องผู่แส้ผู่สาว..ถึงคราวดีแหล่วไป้..
    พ้อหน่ากันเทื่อสุดท้าย..อ้ายได่ถามควมจา
    ว่าเบิ่งดวงให้แหน่หน๋า.สิมีคู่ได่แหล่วไป้..
    นางยังเอิ้นสั่งไว้ ว่าปีนี้บ่คลาดแคล้ว..เด้อ้าย..

  6. #6
    ดูแลตรวจสอบเนื้อหา สัญลักษณ์ของ โป้ยก่าย
    วันที่สมัคร
    Jun 2007
    กระทู้
    1,619
    โชคชะตาอ้ายส่วยคือคันบวยขาดแอ่ง
    คือจั้งแกงขาดหม้อบ่มีพ้อดอกคู่ครอง
    ฮักผู้ใด๋ผัดว่าน้องบ่มีป่องสิเป็นไป
    จักสิหาทางใด๋จั้งสิมีนำบ้าน
    เลยได้ขึ้นคานค้างหาทางลงสังมายาก
    ลำบากหลายแท้ๆบ่มีแล้วผู้สิเอา นางเอ้ย

กฎการส่งข้อความ

  • You may not post new threads
  • You may not post replies
  • You may not post attachments
  • You may not edit your posts
  •