กำลังแสดงผล 1 ถึง 10 จากทั้งหมด 10

หัวข้อ: ผญาสอนหญิง

  1. #1
    ร่วมถ่ายทอดความรู้สู่สังคม สัญลักษณ์ของ บ่าวดอนโบม
    วันที่สมัคร
    Sep 2007
    กระทู้
    1,421

    ผญาสอนหญิง

    เป็นหญิงให้ใจอ่อนน้อม คำเว้าอ่อนหวาน
    เทียมดั่งพธูเผิ้ง หวานเลิงบ่ฮู้หล้า
    เป็นหญิงอย่าได้ปากกล่าวต้าน คำกล้ากว่าชาย
    ให้ค่อยเอาใจตั้ง คำโบราณสอนสั่ง
    ให้มีใจอ่อนน้อม ประสงค์ตั้งต่อผัว นั้นเนอ
    ให้คึดกลัวความฮ้าย ใดดีให้คึดฮ่ำ
    แม่นว่ามีโฉมฮ้าย ฉันใดอย่าประมาท
    เป็นแต่ชาติก่อนพุ้น บุญสร้างแต่หลัง
    อันว่าอิตถีเชื้อ ฝูงหญิงงามยิ่ง
    เห็นว่าได้มิ่งต้น อย่าโงแง้นว่าโต นั้นเนอ
    อย่าได้เอโกอ้าง บ่เอาไผเป็นที่เผิ่ง แพงเอย
    ชาติที่นอนป่าฮ้าย แปลงห้างให้ใหญ่ดี
    เห็นว่ามีทางซ้อน อย่าหวังคอยสิวางง่าย หลายเนอ
    บาดน้ำเขินขาดแล้ง ตมสิแห้งไหง่ผง
    ชาติที่แนวนามบ้ง แปนโตกาสิตอด เอาแหล่ว
    ให้เจ้าเป็นดั่งม้อน ใยหุ้มห่อตัว
    ชาติที่เป็นหญิงให้ มีชายเพทียมพ่าง
    หญิงบ่มีคู่ซ้อนเสียเชื้อชาติหญิง ยิ่งแหล่ว
    คันสิเอาผัว ให้ถามนามนักปราชญ์
    ชาติที่ยาวลื่นด้าน งามแย้มก็อย่าเอาเจ้าเฮย
    ชายใดเนาในห้อง เฮือนตนเป็นวาด
    สัพพะการเวียกเว้า กระทำสร้างสู่วัน
    ชายนั้นหญิงใดได้สบายใจหมดทุกสิ่ง จริงแหล่ว
    พากันลุลาภได้ ของเข้ามั่งมูน
    ยูถ่างทำบุญสร้าง ทานไปบ่ได้ขาด
    ให้มีใจอ่อนน้อมประสงค์ตั้งต่อทาน นั้นเนอ

  2. #2
    ดูแลตรวจสอบเนื้อหา สัญลักษณ์ของ ตะวันนา
    วันที่สมัคร
    Aug 2006
    กระทู้
    1,598

    ...ใจประสงค์ต่อตั้งดังคำโบราณกล่าว
    ตั้งแต่น้อยจนเป็นสาวคำพ่อแม่เพิ่นสอนไว้ยังจำได้บ่เคยเลือน
    คำเพิ่นเตือนไว้นั้น เป็นแม่ญิง ให้ฮู้ค่า ให้ฮู้ฮักรักษา พรมจารีไว้ให้ไผต้องบ่แม่นแนว
    อันงานเฮือนต้องให้แล้ว ปัด กวาด เช็ด ถู
    วาจาสู ให้ผ่องใส อย่ามัวใส่สิ่งชั่วร้าย
    อย่าเป็นคนผู้ฮ้าย ใจต่ำ ตามกระแส
    ให้ดูแลรักษา ตามโบราณเพิ่นกล่าวไว้
    ขอเอาใจขันยู้ ไผบ่ฮู้กะตามซ่าง
    สิขอเอาเป็นแนวทาง....เป็นตัวอย่างดำเนินไว้....ชีวิตนี้ได้ฮุ่งเฮือง...แท้แล้วววว...
    :heart:~?*??*?~*... คื อ วั น ห นึ่ ง ที่ หั ว ใ จ....
    ................จ ะ ห อ บ รั ก ไ ป ซ บ อุ่ น ไ อ ดิ น... .....
    * ~?*??*?~:heart:

  3. #3
    ดูแลตรวจสอบเนื้อหา สัญลักษณ์ของ โป้ยก่าย
    วันที่สมัคร
    Jun 2007
    กระทู้
    1,603
    เป็นหญิงนี้ทำเนียมให้งามค้องลักษณะให้ถูกต้องโบฮานเค้าเพิ่นสอน
    อย่าเป็นหญิงสำส่อนสอนลอนออกหาเที่ยวแงงแต่คีงท่าโก้โซร่างอวดผู้ชาย
    มันสิอายไทบ้านนินทาทางบ่แม่นคนทั่วแดนซ่าเว้าทางเรื่องแต่บ่ดี
    กุลตรีให้จำไว้เอาใจใส่ทางการเฮือนให้คอยเตือนใจตนอย่าสุไปแต่ทางฮ้าย
    ซุมผู้ชายเห็นแล้วแนวบ่ดีไผสิเบิ่งมีแต่เขาสิเลาะเซิ่งพอได้ม่วนใจท้อนั้นแหล่ว
    บ่มีไผอยากได้มาเป็นคู่เฮียมสองไผสิปองมาเป็นเมียแนวบ่ดีให้จำไว้
    ไปทางไกลทางใกล้เอาใจใส่ประเพณีถือทำเนียมกุลสตรีจั้งสิงามเด้อน้อง
    จงเอาชนะในความยาก มิฉะนั้นความยากจะชนะท่าน

  4. #4
    ร่วมถ่ายทอดความรู้สู่สังคม สัญลักษณ์ของ บ่าวดอนโบม
    วันที่สมัคร
    Sep 2007
    กระทู้
    1,421
    เกิดเป็นหญิงทุกสิ่งทุกอย่างต้องสงบเสงี่ยม

  5. #5
    นางน่อย
    Guest

    พบปะพูดคุย ลองเบิ่งก่อนน้าหลังจากด่อมๆ มองๆ มาโดนเติบ

    แอะ แอ้ม อึมมมมมมม
    อ้ายเอ้ย ซุมื่อนี่มันมีแนวต่าง
    คันนางท่าอยู่บ้านกะสิอดตายดอกอ้ายเอ้ย
    แม่ยิงซุมื้อนี่ ต้องกล้าแกร่ง แข็งขัน
    ขยันเฮ็ดงาน เฮ็ดกาน ออกจากบ้านแล้วสู้ซุอย่าง
    คำสอนพ่อแม่นางกะจำได้ ใส่หัวใจ อยู่นั่นแหล่ว
    คันมื่อได๋อ่อนล้า คิดเห็นหน้าอีพ่อ อีแม กะมีแฮงอยู่แหล่วอ้ายเอ้ย 5555
    ::) ::) มือใหม่อีหลี๋ ขอบอก::) ::)

  6. #6
    บุหงาส่าหรี
    Guest
    แม่นแหล่ว แฮ่ๆ ต่อบ่เป็น

  7. #7
    ร่วมถ่ายทอดความรู้สู่สังคม สัญลักษณ์ของ บ่าวดอนโบม
    วันที่สมัคร
    Sep 2007
    กระทู้
    1,421
    น่านพึ่งเว่ากันจบ
    เอิ้นพ่อเอิ้นแม่ คือว่า อี หละบ่าน
    คุณสั่นตั๊ว
    อีพ่อ อีแม่ จั่งได๋ เว่าบ่ม่วนแล้วผู้สาว
    ::)::)
    ::)

  8. #8
    นางน่อย
    Guest

    พบปะพูดคุย

    ย้า วา จังซั่น เถาะ ซุ วา สิเขียนได้ คึดเหมิดมื้อ เอาโลด กลอนมันพาไป
    แต่วา เอิ้น จั๊งซี่แล้ว อบอุ่นดีเด้ เขียนออกมามันบ่สุภาพ แต่วา เวลาเว่า
    มันคนละ อารม เด้ อ้ายเอ้ย

    เกิดเป็น ผู้หญิง ซุมื่อนี่ มันยากแสนเข็น
    ระวังตัวทุกบาท ยาง เหนื่อยแทบขาดใจ ล่ะ อ้ายเอ้ย คอยๆ สอนเอา น๊อ

  9. #9
    ผู้ช่วยผู้ใหญ่บ้านมหา สัญลักษณ์ของ มั่วหน่าฮ่าน
    วันที่สมัคร
    Jan 2007
    กระทู้
    1,781
    โอ่น้ออ้ายเอ้ย น้องบ่เคย เฉยเมยดอกคำเก่า
    คำผุเฒ่าเพิ่นจา เพิ่นหว่ามา น้องกะฮู้

    โบราณตั้ง เพิ่นสอนสั่ง ให้อดสู
    ยามมีคู่ ให้อ่อนน้อม คอยยอมแต่สามี

    น้องนี่นั่น นับวัน แต่ใจเปลี่ยว
    หาคนเทียว ใจฮ่างๆ ของนางน้องแมนบ่มี

    สมัยซุมื่อ เสมอภาค และเสรี
    บ่าวผุดี บัดหายาก มีแต่หากกลายเป็นแต๋ว

    เกิดเป็นหญิง น้องบ่อาย อยากหาชายเข้ามาซ้อน
    มาร่วมหมอน นอนเคียงข้าง น้องนางแมนผุเดียว..ซั่นแหล่ว

    อ้ายต้องยอม น้องทุกด่าน สาวมาผ่านอ้ายอย่าแซว
    คันบ่เชื่อกันแล้ว แนวอันนั่น มันบ่เหลือแม้แต่ตอเด้...อ้ายเอ้ย

    ...อุอุ ขอมั่วแทนผุสาวจักหน่อยเน๊าะ..
    ไม่เข้าถ้ำมอง เหตุไฉนจะได้มอง...http://img198.google.co.th/img198/6016/iinjiisjiisj.gif

  10. #10
    ร่วมถ่ายทอดความรู้สู่สังคม สัญลักษณ์ของ บ่าวดอนโบม
    วันที่สมัคร
    Sep 2007
    กระทู้
    1,421
    เกิดเป็นหญิงมันกะดีอยู่แล้ว
    ซ่างมักแหวกแนวไปหลายอย่าง
    เหลียวเบิ่งขุมตาแหล่เป็นบ้างเป็นบ่าง
    ซุมย่างเลาะเล่นกินเหล้ายามกลางคืน


    อีกหนึ่งกะซุมอยากเป็นชาย
    ซ่างบ่ตายแล้วเิกดใหม่
    เฮ็ดไปได้จั่งใด๋เกิดเป็นหญิงแท้แท้
    อ้ายทุกข์ใจแทนพ่อแม่เจ้าเด้นาง

กฎการส่งข้อความ

  • You may not post new threads
  • You may not post replies
  • You may not post attachments
  • You may not edit your posts
  •