กำลังแสดงผล 1 ถึง 8 จากทั้งหมด 8

หัวข้อ: ...ผญาคิดฮอด ... ทิดคำศรี

  1. #1
    Super Moderator สัญลักษณ์ของ ไก่น้อย
    วันที่สมัคร
    Aug 2006
    ที่อยู่
    นครโคราช
    กระทู้
    5,310
    บล็อก
    8

    ...ผญาคิดฮอด ... ทิดคำศรี

    ฝากผญา จาต้านเป็นคำหวานฝากส่ง

    ถึงหมู่พงศ์พี่น้องมหาบ้านได้อ่านเห็น

    อันศรีพลัดพรากเว้นบ่อแม่นเหม็นหมางหน่าย

    บ่อได้ซังน้องอ้ายหมายแค้นคั่งเคือง

    แต่หากมันเกิดเรื่องเคืองจ่องหมองจิต

    ในเรื่องราวชีวิตอ้ายทิดศรีคนไฮ้

    บ่อยากไกลจากซุมท่านแต่มารมาบังเบียด

    บ่ได้เคียดให้พี่น้องเฮือนห้องแห่งมหา

    แต่หากเวียกข้างหน้าปัญหาใหญ่ในตัว

    ในครอบครัวเฮือนซานย่านหลังเดิมเค้า

    บ่ยากมาเขยเว้าให้คนเขาเพิ่นได้ส่า

    คันบ่จากะบ่แจ้งแถลงท่านผ่านกลอน

    ยามเมื่อหายส่วงฮ้อนสิฟ้าวฮีบคืนมา

    เฮือนมหาเคยเซาบ่เปล่าแปนแปรม้าง

    สิหาทางมาเทียวห้องเฮือนทองมหาใหญ่

    ศรีบ่ได้ไปไกลมีปัญหาที่ต้องแก้สิมาแน่ท่านทุกคน



    ปล...คิดฮอดหลายพี่น้องเอ้ย ใจสิขาดเเล้วว่าส่าน


  2. #2
    ดูแลตรวจสอบเนื้อหา สัญลักษณ์ของ โป้ยก่าย
    วันที่สมัคร
    Jun 2007
    กระทู้
    1,619
    พี่น้องเอ้ย...
    นับแต่ศรีห่างบ้านใจบ่บานพอหน่อย
    คอยแนมทางอยู่บ่แล้วคิดเห็นหน้าหมู่สะหาย
    แม่นไปเลาะเลียบค่ายเขตถิ่นแดนใด๋ น้อศรีเอ้ย
    แนวเป็นเขยไทไกลซั่วดีบ่เห็นฮู้
    ให้โตอดทนสู้ดุดันฟันฟ่าบ้านมหาหมู่พี่น้อง
    เอาใจตั้งแม่นต่อหา เด้อท่านเอ้ย
    แม่นไปอยู่ฟากฟ้ากะยังคิดเห็นกัน
    ความสัมพันธุ์เฮียมฮักห่วงหาทุกแลงเซ้า
    อันแนวเฮาเคยเว้านำกันบ่ผันเปลี่ยน
    สิเมือเฮือนยามผู้เฒ่าเฮาเคยเว้าแม่นต่อกัน
    แต่เบอร์โทรโตนั้นเฮาผัดล่าลืมหลง
    จักแม่นปลงวางใสซอกหาบ่มีพ้อ
    ว่าสิขอนำไก่น้อยกับส้มป่อยพอโทรหา
    ย่านไปกวนเวลาบาดฮ่าโตบ่มีว่าง
    ให้โตวางใจถ่อนผญากลอนโตเคยบอก
    เฮาสิซอกเที่ยวค้นบ่ไลถิ่มให้เป่าแปน ดอกหมู่เอ้ย

  3. #3
    ท่องเวบ สัญลักษณ์ของ pui.lab
    วันที่สมัคร
    Jul 2006
    ที่อยู่
    โสดไม่มีใครเอา หรือว่าเราไม่เอาใคร
    กระทู้
    10,172
    บล็อก
    9
    ขอฝากนำแน๊ คิดฮอดอ้ายหลายอีหลี

  4. #4
    ผู้ช่วยผู้ใหญ่บ้านมหา สัญลักษณ์ของ sompoi
    วันที่สมัคร
    Mar 2007
    ที่อยู่
    japan
    กระทู้
    6,363
    บล็อก
    23
    บ่อเป็นหยังดอกอ้าย..น้องทั้งหลายยังถ่าอยู่
    เคยอุ้มชูพี่น้องท่านสุขสำราญม่วนหัว..
    เจ้าผู่พั้วดอกกะถิน..บ่อลืมสิ้นดอกโตอ้าย
    ส่วงเศร่าแล่วให้มากาย..ทางฝ่ายกําคืนเก่า..
    ยังคึดพ้อเด้อคำเจ้า..เอิ้นฝากเฝ้ายังม่วนหู..อ้ายเอ้ย..

  5. #5
    ฝ่ายเทคนิคและโปรแกรม สัญลักษณ์ของ บ่าวโจ่โล่
    วันที่สมัคร
    Dec 2006
    กระทู้
    1,961
    ไกลแต่โตเด้อลุงเอ๊ย ใจบ่เคยไกลจักเทื่อ มื้อได๋เมือกลับสู่บ้าน ยังขานเว้าได้ดั่งเดิม
    กลับมาเติมความหม่วนซื่น กลับมายืนอยู่หม่องเก่า ซุมพี่น้องบ้านเฮา กะยังรอถ้าท่านมาขานข้อต่อผญา
    ไกลมื้อนี้มีมื้อหน้า หากเวลาบ่คงที่ ความทรงจำดีดี กะยังรอถ้าเจ้า กลับมาเว้าให้ม่วนยิน
    หากตะวันแสงบ่สิ้น ฟ้ากับดินยังคือเก่า ลุงบ่ได้จากเฮา หากแต่เหงาจากบอร์ดบ้าง ยามได๋ว่างจั่งค่อยมา เด้อลุงเอย



    ฝากถึง ลุงทิดคำศรี มหากาฟจินตกวี และ ผู้มากมีคำผญา ครับผม

  6. #6
    ดูแลตรวจสอบเนื้อหา สัญลักษณ์ของ โป้ยก่าย
    วันที่สมัคร
    Jun 2007
    กระทู้
    1,619
    มื้อก่อนนี้แนมเห็นทิตคำศรีลัดท่งนามาไว่ๆ
    เหลียวแนมเบิ่งตั้งแต่ไกลสิไปใสน้อฮ่านี้ศรีสะท้านท่านเกลอ
    แบกถุงปุ๋ยเฮ็ดเท้อเล้อคือฟ้าวฝั่งทางไปสิเอิ้นถามมาคือไกลท่าทางทรงฟ้าว


    มื่อก่อนนี้ปรากฏว่าแนมเห็นหลังทิตศรีย่างผ่านมาทางบ้านมหานี้หละ
    เห็นแต่แบกถุงปุ๋ยย่างลัดท่งนาไว้ๆ คือสิลัดใส่เฮือนไก่น้อยพุ้นหละ
    ผู้ข้ากะคาแต่ยากนำงัวนำควาย กำลังสิเอาควายไปกินน้ำ อยู่ฝายน้ำล้น
    ว่าสิเอิ้นใส่เลยบ่ทันซ้ำจั้งไปถามไทบ้านว่าผู้ใด๋เห็นทิตศรีแน่
    เด็กน้อยเขาบอกว่าเห็นเลาแวะเข้าเฮือนไก่น้อยตั้วอ้ายว่าสั้น
    ขากลับเห็นแต่เลาเบิกรถซุมมาขายเกลือไปทางสารคามพุ้น
    หละ เลยบ่ได้ถามข่าวหมอซ้ำกะยังว่า คือสิอยู่ดีมีแฮอยู่ตี้เนาะ

  7. #7
    คึดฮอดอ้ายฮักทิดคำศรีข่อยเด้...ขอให้คุณพระคุณเจ้าคุ้มครองคนดีๆคืออ้ายจ้า...น้องๆสู่คนยังถ่าอ้ายอยู่บ้านของเฮาคือเก่า
    เป็นกำลังใจให้จ้า...สู้ สู้

  8. #8
    ผู้ช่วยผู้ใหญ่บ้านมหา สัญลักษณ์ของ sompoi
    วันที่สมัคร
    Mar 2007
    ที่อยู่
    japan
    กระทู้
    6,363
    บล็อก
    23
    คึดฮอดเด้ออ้าย..บ่าวพี่ซายคนโตดำ
    หน่ากะออกคลําๆ..เพราะว่าดำตลอดตัว::)
    อย่าสุมัวไหลหน่าหนีป๋าไปไกลดน
    ให้คึดพ้อเด้อสู่คน..ที่คึดนำโตอ้ายได่หลงเฝ่าคอยหา..นั่นแหลว..

Tags for this Thread

กฎการส่งข้อความ

  • You may not post new threads
  • You may not post replies
  • You may not post attachments
  • You may not edit your posts
  •