ช่วงนี่ดวงบ่ค่อยดีปานใด๋...มีแต่เรื่องที่บ่ดีกับเจ้าของปานใด๋...กะเลยอยากเฮ็ดอิหยังใหม่ๆให้เจ้าของแหน่...
เมื่อวันที่8-4-2008บักลายถืกรถชนช่วงฝ่ายขาหลังแตกละเอียดแต่บ่ตาย...กะพาไปหาหมอ
หมอบ่รักษาขอฉีดยาสลบแล้วกะตามด้วยยาที่มีผลเฮ็ดให้หัวใจหยุดเต้น...เพราะเอาไว้กะทรมานแมว
แต่ติ๋มบ่ยอม หอบบักลายกลับมาบ้านกะให้ยาแก้ปวดกับยาแก้อักเสบกิน พิการกะสิเลี้ยงได้ฮักแล้ว
ทีแรกกะเป็นห่วงระบบขับถ่ายบ่ทำงาน...แต่มื้อวานนี่บักลายเยี่ยว แสดงว่ายังใช้การได้
มื้อคืนนี่บักลายขับถ่ายได้ แสดงว่ามันกะยังบ่อยากตาย...มื้อเช้านี่ติ๋มกะเลยกุมเข้าเฝือกให้แมวลองเบิ่ง
ทีนี่กะถ่าเบิ่งอาการกันไป...วางแผนไว้ว่าสิไปสั่งรถเข็ญมาให้บักลายนั่ง แต่ให้หายก่อน

ทีนี่โตติ๋มเองกะอยากเปลี่ยนหม่องเฮ็ดงานใหม่...กะเลยลองหาเบิ่ง...เพราะงานที่ทำอยู่เวลาว่างหลายโพด
กะไปได้งานใหม่ที่ใกล้บ้านกว่าเก่า...ระบบเดิมทำ5มื้อหยุด2มื้อ แล้วกะทำ2มื้อหยุด5มื้อ
ช่วงมื้อวันหยุดกะเลยสิไปทำงานพิเศษ...ทีนี่เวลาว่างกะสิบ่มีหลายคือเก่าแล้ว
กะเลยอยากบอกพี่น้องบ้านมหาว่า...จากวันที่1-5-2008ติ๋มอาจสิห่างหายจากบ้านมหาไปแหน่จักหน่อย
กะเลยอยากฝากให้ทุกคนดูแลบ้านมหา...ฮักบ้านมหา แล้วกะฮักแพงกันให้หลายๆ
ส่วนติ๋มกะยังอยู่กับบ้านมหา สนับสนุนบ้านมหาคือเก่า...แต่สิบ่มีเวลามาพ้อหน้า พ้อตาดู๋คือเก่ากะทอนั่นหละ
แต่หัวใจยังฮักทุกสิ่ง ทุกอย่างที่เป็นบ้านมหาเต็มร้อยคือเก่าจ้า8)
ฮักกันไว้ สามัคคีกันไว้เด้อ...พี่น้องบ้านเฮา...:)