มื้ออื่นเขาสิสู่ขัวญ

[โป้ยก่าย]

เป็นของเขาซะเด้อหล้างานวิวาห์เจ้ามื่ออื่นฝืนไปเห็นบ่ได้นางน้องเข้าแต่งดอง
ยามไปเห็นหน้าน้องเข้าสู่พาขวญย่านแต่วายชีวาอ้ายเฮ็ดใจบ่ทันได้
สิขอใกลในคืนนี้ขอลาทีคนต่อยต่ำไปกรรมบักอ้ายหายหน้าบ่อยากเห็น
ขอหลีกเว้นเหินห่างวางหนีแสนเต็มทีทางใจจั้งสิพังทะลายม้าง
ไปตามทางคนไฮ้ไปตามกรรมขอลาก่อนขออวยพรให้น้องจงสุขล้นอยู่สะบาย หล้าเอ้ย

[nuzing]

เข่ามาอ่าน + ให้กำลังใจสื่อดอกจ้าท่านตือโป๊ยบก่วยเว่ากลอนหือผญาบ่เป็นไหย่ศรี +ส่มป่อยตั๊วเผิ่นเอาดีแนวหนิ มาแหมะคาตายแต่นอนเว็นเนาะ..

[โป้ยก่าย]

ขอบคุณหลายๆเด้อคุณยายครับที่เข้ามาแวะ
เห็นว่าบอร์ดผญาเงียบเหงาบ่มีผู้ไปหามาแวะปานใด๋
มีแต่โป้ยก่ายผู้เดียว คิดหาเรื่องสิเว้ากะบ่พ้อย่อนบ่มีหมู่มาเว้านำ
เฒ่าทิตศรี อาวโจ่โร่ ส้มป่อย ไก่น้อย พากันไปหาแย่ไข่มดแดง
อยู่ทางใด๋บุนี อิอิ

[sompoi]

ฮ่าๆๆ..ได่ยินเสียงผุเฒ่าจ่มหา ว่าสิหลอยไปนอนเวน กะจนสะเดิดตื่น..

มะจ่มเป้นตาบ่ม้มแล้งแท่ะอ้ายยุทธ..

อกหักอยู่เหมิดปีเนาะอ้าย..หามักแต่สาวสำน้อย..ซั่นล่ะ เลยอกหักสำเฒ่า ฮ่าๆๆ

..มื้ออื่นสิมาตอบเด้ออ้าย มื้อนิหัวมันตึบคัก..ตากะบวมๆบ่เซาแต่มื้อวานนิ ไก่น้อยเอาไม้แหย่ไข่มดแดงถืกตายังวะ..

..ป่านนิบ่อยู่บ้านยายหนู พุ่นติ เห็นจ่มว่าสิเอาไปฝากยายนำพะนะ..::)

อ้ายศรีคาแวะเก็บเห็ด ยังบ่กลับจ้า..มื้ออื่นพุ่นล่ะม้างอ้าย..

[โป้ยก่าย]

มาซ่างว่าแท้หละนางตาบวมว่าติ
ไปทางใด๋น้อเฒ่าทิตศรีผู้เพิ่นมีคาถาดี
มาเป่าตาให้ส้มป่อยแน่เป็นหยัง ท่ายเอ้ย

พอได้เว้าหยอกเล่นบ่เป็นไปคือว่าดอกนางเอ้ย
บ่เคยมักสาวซ้ำน้อยออยเล่นพอม้วนใจซื่อๆนี้หละ
สมหัวใจกะอยากมาจาต้านคำหวานๆนำส้มป่อย
แต่ว่าบุญอ้ายหนอยคอยเจ้าหากบ่เห็นตั้วหละนาง

[ธีรวัฒน์ ผู้เจริญ]

คือมาเป็นตาไปกินลาบงานแต่งแท้นอ::)

[ต่วง]

ข่อยกะบ่าวซ่ำน้อยคอยหาผู้สาวอยู่
ปานได่น้อบุญซิยู้ได้พอหน้าคู่เคียง
ว่าซิเอียงแก้มท่าสาวบ้านมหาจักหน่อย
บ่มีไผสนใจจ้อยข่อยเลยม้อยเหมื่อยลง

::)

[เจ้าซายน้อย]

เว่าผญายังทันเป็น เอาเพลงมาฝากซือๆด่อก...
....อกหักตอนแก่....
พะนะว่า
::)::)::)
:g

[WMA]http://www.hotlinkfiles.com/files/1318949_9ot2h/____________________________.MP3[/WMA]

[โป้ยก่าย]

ใสหละท้าวเพลงคือบ่ได้ยิน

โป้ยก่ายเป็นบ่าวน้อยบ่ฮู้เรื่องเดียงสาบาดเถิงคราวอกหักนั่งงงคือผีบ้า
อนิจจาโตข้อยหลงคารมณ์ผู้สาวแก่เพิ่นบอกว่าฮักแท้คราวพ้อพบกัน
บาดมาเถิงบ่อนบั้นเพิ่นมาบั่นเมินหมางเพิ่นบ่หมายมามองดั่งเดิมคือเค้า
เหงาพระทัยทนแค้นแสนโศกากลั่นโศกทุข์อยู่ในโลกนี้มาโอมท้อนอั่งใจ เด้น้อ

[เจ้าซายน้อย]

แก้ให้แล้วอ้าย...ตอนแรกเซี่ยงไว้