ปราถนานำน้อง

[โป้ยก่าย]

หล้านางเอ้ย
อ้ายนี้ใจประสงตั้งหวังสิซมแก่มอ่อน
ไผเด้อน้อสิได้ซมก่อนอ้ายสิคองถ้าเพิ่งมือ
พออยากเพพังม้างฝาแดนกลางให้ขาดถ่อง
พังเทิงอุแอ่งน้ำให้ไหลล้นทั่วเฮือนแท้แหล่ว
ใจประสงค์แม้งฮักฮ่วมจิตแสวง
แสนที่แพงคำฮักแม่นบ่ไลให้มันฮ้าง
หวังสิเป็นคู่สร้างบารมีเฮียงฮ่วม
อยากขอเข้าอยู่ร่วมนางน้องว่าจั้งใด๋
ใจประสงค์อยากได้น้ำจั้งคอนคุมาหา
ใจประสงค์ปูปลาจั้งแต่งดางลงส่อน
ใจประสงค์ต่อเจ้าไผต้องขุ่นบ่เป็น
ใจประสงค์ต่อตั้งนำนางทุกบาทย่าง
สิบ่วางนารถน้องไลถิ่มให้แก่ไผ น้องเอ้ย

[ธีรวัฒน์ ผู้เจริญ]

ปราถนายังนอครับ