ข้าวปุ้น สูตร ฅนภูไท
มื้อวานคนภูไทไปตึกแหอยู่หนองนาแม่ใหญ่สีได้ปลาค่อมาโตบักใหญ่ กะเลยสิเอาปลาค่อใหญ่มาเฮ็ดน้ำข้าวปุ้นสู่พี่น้องบ้านมหากิน อันนี้เป็นของสูตรฅนภูไทเองครับ ผุได๋ได้กินรับรองต้องติดใจในฝีมือและหลงเสน่ห์ปลายจวักของฅนภูไท ::) มาเบิ่งกันเลยครับ
อันดับแรกเฮากะจัดการเอาปลาค่อไปต้มกับน้ำปลาแดกก่อน (ให้น้ำเดือดก่อนเด้อจั่งใส่ปลาลงไป)
พอปลาสุก เฮากะมาแกะเอาแต่เนื้อมาตำกับเครื่องแกง เครื่องแกงสูตรคนภูไทกะบ่ยากบ่มีหยังหลาย มีกระชาย หอมแดง อันนี้เอามาซอยแล้วกะตำให้ละเอียด เอามาผสมกับกับพริกแกงที่ซื้อมาจากตลาดตำใส่กันกับเนื้อปลา
ตักใส่หม้อ ใส่ใบบักกรูด ตะไคร้ทุบ แล้วเอาขึ้นตั้งไฟคั่วไปเรื่อยๆ
พอเริ่มได้กลิ่นหอม เครื่องแกงเริ่มติดหม้อเฮากะใส่กะทิลงไปนิดหน่อยแล้วกะคั่วต่อไป
คั่วจนกะทิแตกมัน
ใส่หางกะทิลงไปเคี่ยวจนได้ที่แล้วจั่งใส่น้ำปลาแดกที่ต้มไว้ลงไป
พอน้ำเดือด เฮากะใส่ใบบักกรูด ต้นหอมลงไป ปรุงรสตามใจชอบยกหม้อลง
ใส่บักพริกทอดลงไปเพื่อเพิ่มกลิ่นหอม
อันนี้ผัก ที่สิกินกับข้าวปุ้น กะมีกะหล่ำซอย บักถั่วซอย ผักอีตู่ ผักขะ(ชะอม) ฯลฯ แล้วแต่ผุมักครับ
ตักใส่จานเสริฟได้ทันทีครับ รับประกันความแซ๊บ (t
ส่วนจานนี้ฅนภูไทขอน่ำก่อนหมู่เด้อ ::)
ปล.เคล็ดวิชา น้ำข้าวปุ้น ต้องปรุงให้มีรสเค็มจักน่อยเด้อครับ เผื่อเฮาใส่ผักใส่ข้าวปุ้นจั่งสิพอดี บ่ต้องเติมน้ำปลาอีก
Bookmarks