หมกปลาปึ่ง
ปลาปึ่ง หรือปลาเทโพ อยู่ในตระกูลปลาเนื้ออ่อนมีรูปร่างคล้ายกับปลาสวาย เนื้อมีรสชาดอร่อย ทางอีสานบ้านเฮาพบได้ในแม่น้ำโขง แม่น้ำมูล ไทบ้านเฮา นิยมเอามานึ่ง หมก แล้วกะต้มยำ พอดีพี่น้องทางฮิมโขงมาหยามฅนภูไทเพิ่นเอาปลาปึ่งมาฝาก ฅนภูไทเลยสิหมกสู่พี่น้อง มาเบิ่งวิธีเฮ็ดกันเลยครับ
พอได้ปลาปึ่งมาเฮากะเอามาล้างทำความสะอาดแล้วกะสับให้เป็นชิ้นๆ
ทีนี้เฮากะเอามาปรุง ใส่ ผักอีตู่ ต้นหอม ข้าวเบือ บักพริกตะไคร้ตำลงไปปรุงรสด้วยน้ำปลาแดก คลุกเคล้าให้เข้ากัน
ตักใส่ใบตองทำการห่อ ให้สวยงาม
เอาใส่ซึ่งไปนึ่งให้สุก ให้น้ำเดือดก่อนเด้อจั่งเอาขึ้นไปนึ่ง ปลาจั่งสิบ่คาว
(ตุ๊กตาอ้ายพยามห่อให้งามที่สุด ได้ส่ำนี้หละ ห้ามติเด้อ ห่อบ่งามแต่เฮ้ดแซบเด้อสิบอกให้ ::))
พอสุกดีแล้ว เอามาแกะใส่จานเสริฟพร้อมข้าวเหนียว 8)
Bookmarks