หนีไปโดนบ่เห็นหน้า คอยแต่ฟังความจา ผญาต้านของน้องพี่
แสนอุกใจเอานี่ เจ้าผู้มีความฮู้ เพิ่นจาต้านจ่ายกลอน
อ่านแต่คำออดอ้อน เบิ่งเพิ่นป่อนเข้าหากัน
ฟังแต่คำลำพัน ผู้บ่าวจากับสาวน้อย
ฟังคำหวานจ้อยๆ เพิ่นต้อยส่งเป็นคำจา
แม่นบ่เข้ามาหา แต่หากนำทุกคำเว่า
อดบ่ได้เลยเข้า มาจานำหมวดหมู่ท่าน
ฝากบทกลอนผลงาน เป็นผญาบอกเล่า จาต้านต่อกัน แหน่เด้อ
ไปไสมานอท่านจารย์ทองคำคนเก่า
สังบ่มากล่าวเว้าผญาเค้าคือเก่าหลัง
หรือมีหยังการหยุ่งลุงอาถามหาข่าว
พวกผู้สาวแตกวื้นวื้นเขาอยากทื้นจ่ายกลอน
เขาสะออนผญาสร้อยบทสำออยอ้อยอิ่น
พากันจ้อนต่งสิ่นสินำก้นแล่นตาม
เขาหละถามหาเจ้าว่าไปเซาอยู่ไสหน่อ
ข้อยเลยตอบว่าบ่พ้อดนแล้วหล่ะอีนาง
ย้านแม่นเลาบ่ว่างคาลูกอ่อนคนที่สาม
หรือแม่นหลงเมียงามผู้ปลายกะเป็นได้
เขาสงสัยหลายแท้เจ้าลองแปลแก้เบิ่ง
หมู่ข้อยถ้าดนเหิงเจ้ามาแล้วมื้อนี้ลองไขซี้เบิ่งดู๊
วรรณคดีล้ำลำนำเอื้อนเอ่ย เขยภาษาพากษ์เว้าลาวพื้นกล่าวไกล
สุขสำบายดีลําจารย์ทองคำคนส่า
หายไปดนบ่เห็นหน่าบ่อเห็นมายามพี่น้อง
หือขัดข้องแนวได๋ ..เซายากไป่น้องานการ
อย่าสุหายไปนาน..คนเหมิดบ้านเขาถามหา..นั้นแหลว
อนุญาติ..อาจหาญมาจาต่อเว่านำอาจารย์ผญาอิกคนเด้อจ้า..รับเอาเป็นศิษย์อิกจักคนนำแน่ะ(เนาะ อ้ายศรี)..ยังเว่าผญาบ่เก่ง พอได่แน่ะแต่กลอน กะอดสลาอ่านเอาเด้อค่ะ..
พี่น้องเอ้ย
บ่าวทองคำคนผู้ฮ้าย มาจาจ่ายผญาสาร
หายไปนานพอสมควร แต่หากยังคนิงพ้อ
ผมนี่เนาว์แห่งห้อง สารคามบ้านผมอยู่ พี่แล้ว
ยังบ่มีฮอดชู้ เมืยซ้อนจักอยู่ใส
อาวทิศศรีลาวว่าให้ ว่าไปเลี้ยงแต่บุตตา
มันบ่คาแนวสัง เป็นจริงคือเว่า
จดเอาไว้เด้อเจ้า อีเมลกระผมว่า
Sompong_ti@hotmail ดอกเจ้า คันอยากเว่าให้แอดมา
คันแม่นอยู่ใกล้หน้า อยากมาหากะบ่ว่า
มอสารคามนี่ล่ะน้า มาโลดหากสิเห็น
ยังเป็นบ่าวส่ำน้อย บ่ทันแก่กายแกง
เถิงยามแลงยังนอนทุกข์ อุกใจบ่เซาได้
คันสาวใด๋หลูโตนอ้าย ให้มาจาเบิ่งจักหน่อย
ย้านแต่ส่ำน้ำอ้อย หวานแม้งกว่าน้ำตาล พี่เอ้ย
บ่าวทองคำมาจาต้านอ้างเอ้ยเผยใจ
ว่าบ่ทันมีไผส่วนว่าใจกะยังว่าง
ทองคำเอ้ย จั้งแม่นหลายเหลือล้น
สาวงามมนุษย์โลกไปทางใด๋กะพ้อ
หลายล้นหมู่ผู้สาว
มีเงินหลายเขาแห่งห่าวเอิ่นใส่อยู่แซวๆ
แล่นนำหลังเป็นแถวให้เลือกเอาโลดเด้อเจ้า
จงเอาชนะในความยาก มิฉะนั้นความยากจะชนะท่าน
พี่น้องเอ้ย
บ่าวทองคำคนผู้ฮ้าย มาจาจ่ายผญาสาร
หายไปนานพอสมควร แต่หากยังคนิงพ้อ
ผมนี่เนาว์แห่งห้อง สารคามบ้านผมอยู่ พี่แล้ว
ยังบ่มีฮอดชู้ เมืยซ้อนจักอยู่ใส
อาวทิศศรีลาวว่าให้ ว่าไปเลี้ยงแต่บุตตา
มันบ่คาแนวสัง เป็นจริงคือเว่า
จดเอาไว้เด้อเจ้า อีเมลกระผมว่า
Sompong_ti@hotmail ดอกเจ้า คันอยากเว่าให้แอดมา
คันแม่นอยู่ใกล้หน้า อยากมาหากะบ่ว่า
มอสารคามนี่ล่ะน้า มาโลดหากสิเห็น
ยังเป็นบ่าวส่ำน้อย บ่ทันแก่กายแกง
เถิงยามแลงยังนอนทุกข์ อุกใจบ่เซาได้
คันสาวใด๋หลูโตนอ้าย ให้มาจาเบิ่งจักหน่อย
ย้านแต่ส่ำน้ำอ้อย หวานแม้งกว่าน้ำตาล พี่เอ้ย
....ฮ่วย ฟังความเว้า บ่ทันแก่กายแกง
มาแสลงในหูยามอ่านดูมันใจแป้ว
คือจั่งแซวคนเถ่าผมดอกเถ่าแท้นอห่า
เทิงอยากหัวฮ่าๆคนผีบ้าสังว่าไป
เพิ่นคนไคหนุ่มแหน่นคงมีแฟนอยู่เป็นโหง่น
ตาเหลือตนแต่ข้อยบ่คองต้อยเพิ่นผู้ได๋
หากินไปตามมื้อคือเฮือเฟือแต่ฝั่ง
บ่มีหวังคือจั่งเจ้าแนวคนเถ่าเพิ่นบ่แล นั้นแหลว อิ อิ อิ
วรรณคดีล้ำลำนำเอื้อนเอ่ย เขยภาษาพากษ์เว้าลาวพื้นกล่าวไกล
กฎการส่งข้อความ
อ้างข้อความนี้
Bookmarks