หน้าที่ 1 จากทั้งหมด 2 หน้า 12 หน้าสุดท้ายหน้าสุดท้าย
กำลังแสดงผล 1 ถึง 10 จากทั้งหมด 15

หัวข้อ: ซินนามอนโรล...

  1. #1

    ซินนามอนโรล...


    ตั้งแต่แฟนเข้ามาอยู่นำกะหลายมื้อแล้ว...ติ๋มบ่ได้เฮ็ดขนมให้เขากินกับกาแฟตอนบ่ายเลย
    มีแต่เลาไปซื้อมากินเอง...หยุดงานอยู่นำติ๋มกะบ่เคยคึดเฮ็ดให้กิน..กับข้าวส่วนมากเขาสิเป็นฝ่ายเฮ็ดให้กินจ้า
    มื้อนี่นอนตื่นขึ้นเขากะไปทำงานตามปกติ8.00-16.00ส่วนติ๋มกะเริ่ม15.00-23.00
    เวลาทำงานสวนทางกันคัก อิอิ...แต่กะดี..เพราะติ๋มมักอยู่บ้านคนเดียว...

    ซินนามอนโรล...


    ซินนามอนโรล...

    มื้อนี่ช่วงเช้าขอเฮ็ดขนมไว้ถ่าให้เลากินก่อน...คึดอยากเฮ็ดให้กิน...เลิกงานมาพ้อขนมแทนกะแล้วกัน...
    ส่วนผสม..เนยสด50กรัม
    นมสดชนิดจืด2.5dl(เคิงของเคิงลิตรจ้า)
    ยีสต์สด25กรัม..แป้ง450กรัม
    น้ำตาลทราย50กรัม
    กระวานผงครึ่งช้อนชา(Cardamom)
    เกลือหยิบเดียว..บ่ใส่กะได้จ้า
    ลงมือผสมแป้งจ้า...หม้อตั้งไฟละลายเนย ใส่นมสดกะเอาพออุ่นๆ...
    เทลงอ่างผสมใส่ยีสต์ละลายจนเข้ากัน แล้วใส่ทุกอย่างที่เหลือ..คนด้วยพายไม้ก่อนจ้า แล้วกะนวด
    ซินนามอนโรล...
    สิได้เป็นก้อนแบบนี่จ้า
    ซินนามอนโรล...

    เอาก้อนแป้งคืนใส่อ่าง...เอาผ้าหรือพลาสติกใสปิดไว้ พักแป้ง30นาที
    30นาทีผ่านไป...แป้งสิไข่ขึ้นเป็น2เท่า..แบบนี่
    ในระหว่างนี่กะผสมไส้ขนมไว้เลยจ้าเนยสดเอาออกจากตู้เย็นให้นิ่ม80กรัม
    น้ำตาลทราย50กรัม
    อบเชยผง1ช้อนกินข้าว(Cinnamon)
    วานิลาผง1ช้อนกินข้าว..เอาใส่ถ้วยคนให้เข้ากัน..เตรียมไว้จ้า
    ส่วนไส้ขนมนี่ ดัดแปลงตามมักได้จ้า เช่น...ใส่ผลไม้อบแห้งหั่นเล็กๆลงไปนำกะได้

    ซินนามอนโรล...

    แล้วนำแป้งมาแผ่ออก กะให้ยาวประมาณ30เซ็นติเมตร..ติ๋มบ่วัดดอกกะเอา อิอิ
    เอาไส้ขนมที่เตรียมไว้มาทาบ่ต้องให้ทั่วเด้อจ้า...แล้วกะม้วนจากทางที่มีไส้เข้ามา ปิดให้ดี

    ซินนามอนโรล...

    สิเป็นท่อนแบบนี่จ้า...แล้วกะจัดการหั่นให้ได้จัก20ชิ้น...ติ๋มเฮ็ดมื้อนี่ได้23ชิ้นจ้า
    เหตุเกิดจากกะเอา55++

    ซินนามอนโรล...

    ใส่ถ้วยกระดาษแบบนี่กะได้ หรือวางบนถาดที่รองด้วยกระดาษไขกะได้จ้า
    เอาผ้าคุมไว้ พักแป้งอีก15นาที...เปิดเตาอบ200องศาC ไว้โลด
    ทาหน้าขนมด้วยไข่ไก่..โรยด้วยถั่วแล้วแต่มักจ้า...จัดการอบ15นาที..ติ๋มอบ18นาที

    ซินนามอนโรล...

    แล้วกะจัดใส่จาน เตรียมไว้ให้ผู้ที่กลับจากทำงานมากินจ้า..ส่วนติ๋มไปทำงานหนีจาก..อิอิ
    กาแฟเฮ็ดเองเด้อ...ติ๋มเฮ็ดขอบคุณดอกไม้กำนี่หละจ้า...ผู้ใด๋ตาดีกะเห็นแหวนนำเด้อซินนามอนโรล...
    คือติ๋มยังบ่ได้ให้หยังตอบแทนเลย..ให้อย่างเดียวคือโอกาส...จักสิว่าจังใด๋...ให้เวลาฉันหน่อยนะ..แค่นี่หละจ้า
    แก้ไขครั้งสุดท้ายโดย ติ๋ม เปอร์โย; 29-03-2010 at 06:11.

  2. #2
    ท่องเวบ สัญลักษณ์ของ pui.lab
    วันที่สมัคร
    Jul 2006
    ที่อยู่
    โสดไม่มีใครเอา หรือว่าเราไม่เอาใคร
    กระทู้
    10,172
    บล็อก
    9
    โอ๊ยน๊อ มดไต่เต็มโต๊ะเลยสาวติ๋มหวานโพด::)

  3. #3
    Super Moderator
    Guide & Photographer
    สัญลักษณ์ของ เจ้าซายน้อย
    วันที่สมัคร
    Sep 2007
    ที่อยู่
    อยู่ในใจเสมอ
    กระทู้
    1,550
    เกือบบ่เห็นแหวน...เพ่งจนตาสวด ::)

  4. #4
    เจ๊จ๋า...บ่ได้หวานปานนั่นดอกจ้า...ตามหน้าที่หละเนาะ...จังใด๋กะให้โอกาสกันแล้ว...
    ในเมื่อเขาดีมา...ติ๋มกะบ่อยากเฮ็ดให้เขาเสียใจ...ดูแลกันไปหนี่หละจ้าเจ๊...อิอิ

  5. #5
    เจ้าหน้าที่ประชาสัมพันธ์ สัญลักษณ์ของ ปีใหม่
    วันที่สมัคร
    Dec 2007
    ที่อยู่
    เมืองกรุงเก่า
    กระทู้
    569
    เพ่งจนตาลายกะบ่เห็นแหวนเลยจ้า ::) พี่ติ๋มขอซัก2ชิ้นนะค๊าของชอบเลยค๊า

  6. #6
    ผู้ช่วยผู้ใหญ่บ้านมหา สัญลักษณ์ของ มั่วหน่าฮ่าน
    วันที่สมัคร
    Jan 2007
    กระทู้
    1,963
    จั๊กหว่าขนมอีหยังดอก..ตั้งแต่ชื่อกะเอิ้นยากพอแฮงแล้ว...
    วาสนาข่อยคือสิพ้อแต่ขนมตาลหั่นแหล่ว...เอิ๊กส์ๆๆ

  7. #7
    ผู้ช่วยผู้ใหญ่บ้านมหา สัญลักษณ์ของ nuzing
    วันที่สมัคร
    May 2007
    ที่อยู่
    ตกฟากอยู่อุบล เป็นคนชราบางแคแล้ว
    กระทู้
    2,549
    บล็อก
    5
    อยู่ไสแหวนแทนใจ เพ่งจนตาสวดคือหว่ายังบ่เห็นยุแหมะ แนวได๋มันสิเฮ็ดให้เขาเห็นคุณค่าเห็นความดีของเฮาฟ่าวเฮ็ดโลดหล่าชีวิตคนมันบ่จีรังยั่งยืน (บ่เห็นโลงศพบ่หลั่งน้ำตา ) ยายกะหว่าสิบ่เล่นเน็ตฟ่าวไปฟัดผ่อใหญ่แต่เว็นๆจักมื่อยุถ่อนั่นเลากะยิ้มย่ามๆแล้วหล่าเอ๊ยบัดได๋ได้กะฟัดกับคอมคือเก่า ตี 1 แล้วยายกะยังมีอารมณ์อยู่กับคอมพุ่น..ใกล้หละผู่เถ่าสิป๋ากัน..รักของยายมันขื่นขมหน่ายจะของหลาย ::)

  8. #8
    Membership renewed สัญลักษณ์ของ Sweet_M
    วันที่สมัคร
    Oct 2007
    ที่อยู่
    USA
    กระทู้
    1,243
    แฮ่ๆ กินได้ยุพี่ติ๋มแต่ว่าบ่เอาชินนามอน ได้บ่จ้า แบบว่าบ่ถืกกันแม้เอื้อย อิอิ

  9. #9


    ::) โอ้ยยน้อ...แหวนกะสามาวงน้อยคัก...คั่นติ๋มซื้อเองกะคือสิใหญ่กว่านี่อยู่จ้า...::)
    เห็นแล้วยังจ้าคุณยาย...แม่นอยู่ดอกจ้าคุณยาย...เขาเฮ็ดให้หนูเบิ่งแล้วมีคุณค่าอิหลี...ทั้งๆที่หนูบ่น่ามีค่าหยังเลยสำหรับเขา...หนูสัญญาจ้ายายว่าหนูสิฮักเขาให้ได้ทอกันกับเขาฮักหนู...
    อันเรื่องเล่นคอมหนูกะอดบ่ได้ดอกจ้า...กะขอเขาแล้ว..คั่นหนูอยู่บ้านคนเดียวกะเล่นคือเก่าปกติ...
    แต่ยามแลง..ยามงายกะอยู่อยู่กินข้าวนำกัน...มีหยังกะเว้ากันคุยกัน...
    แต่ยามหลับยามนอนหนูกะนอนเดิกปกติอยู่แล้วจ้า เพราะหนูจำพวกนอนเดิกตื่นสาย...ทำงานบ่าย..แก้บ่หายแล้วจ้า
    น้องเหมียวจ๋า ปรับเปลี่ยนไส้ได้ตามมักเลย...อันนี่เอื้อยเฮ็ดตามสูตรซื่อๆจ้า...

  10. #10
    ท่องเวบ สัญลักษณ์ของ pui.lab
    วันที่สมัคร
    Jul 2006
    ที่อยู่
    โสดไม่มีใครเอา หรือว่าเราไม่เอาใคร
    กระทู้
    10,172
    บล็อก
    9
    :-*(t


Tags for this Thread

กฎการส่งข้อความ

  • You may not post new threads
  • You may not post replies
  • You may not post attachments
  • You may not edit your posts
  •