อิอิอิ..หลังจากที่ติดห้องแชตคักจนลืมเฮ็ดเวียกมื้อนี้ได้เลิกกะเลยอ้อนลุกชายไปเฮ็ดเวียกซ่อยแม่ ช่วงนี้อยู่ฟามร์สิเป็นไก่น้อยจ้าเลี้ยงได้ 2อาทิตย์แล้ว ช่วงนี้จอยสิเวียกเพิ่มขึ้นมาอีกจ้า มาเบิ่งเวียกที่จอยกับลูกชายเฮ็ดจ้า
ภาพนี้จอยกับลูกชายไปเชค์ไก่ตอนเช้าจ้า โตได๋ตายกะเก็บใส่ถัง ตายมื้อหนึ่งกะประมาณ 15-20 โตต่อมื้อ ช่วงนี้สิดูแลยากจักหน่อย
หลังจากเชค์ไก่เสร็จแล้วจอยกะเอาถาดอาหารมาล้างให้มันเสร็จพร้อมกันซะเลย ถาดทั้งหมด 5ฟามร์เลยจ้า ประมาณ 250ถาดต่อฟามร์ เอาใส่อาหารให้ไก่ตอนมาใหม่ๆๆจ้า ประมาณอาทิตย์กว่าๆๆกะเก็บออกมาทำความสะอาดทุกครั้ง
ตอนนี้แม่เป็นคนเรียงลูกเป็นคนใส่น้ำแช่ให้มันล้างง่าย ทิ้มไว้แล้วกะกลับมาล้าง คว่ำตากแดดให้มันแห้ง เก็บเข้าไว้ฟามร์
ส่วนภาพนี้ จอยกับลูกยามว่างๆๆกะต้องขับรถไปเบิ่งงัวนำ บางครั้งมันกะกระโดดออกมาข้างนอก เพิ่นเลี้ยงสบายจ้า ล้อมลั้วไว้ปล่อยให้หากินหญ้าเอาเอง
นี้หล่ะจ้าหน้าที่การงานของจอยกับลูกชาย จอยจำเป็นต้องสอนลูกชายให้ฮู้จักเฮ็ดเวียกไว้แต่น้อย อยู่ไกลบ้านถ้าเฮาบ่ซ่อยโตเองจักไผ๋สิมาซ่อยเฮาเนาะจ้า (ปล. พี่ติ๋มจ้า ลูกชายจอยเป็นตาสอบไปเขยพี่ติ๋มผ่านบ่จ้า..อิอิอิ)::)::)
Bookmarks