พืชผักสวนครัว...ของคนไกลบ้าน

[ติ๋ม เปอร์โย]

ความที่มาจากบ้านนอก...เห็นเฒ่าแม่ปลูกผักกินเองจนทุกมื้อนี่...ถึงติ๋มมาอยู่เมืองนอก กะยังปลูกผักกินคือกันจ้า
จากเดิมทีบ้านหลังนี่บ่มีสวนครัว...เจ้าของบ้านเดิมเขาสิมีแต่สนามหญ้า+สวนดอกไม้จ้า
พอติ๋มเข้ามาอยู่บ้านหลังนี่สวนหญ้าหลังบ้านเขาเลยกลายสภาพเป็นสวนครัวนิดหน่อย ::)



ติ๋มปลูกแต่พอกิน...ผักเมืองหนาวปลูกได้กะบ่ค่อยขึ้น+กับพื้นที่มีจำกัด...กะเลยมีทอเห็นหนี่หละจ้า
ผักสลัดเขียว แดงขาดบ่ได้...มักกิน แล้วกะผักชีลาว ผักชี ต้นหอม...ที่เหลือว่างๆว่าสิลงคะน้าจ้า
แล้วทีเห็นเป็นต้นนั่นมันฝรั่ง...แล้วกะมีผักแป้น(กุยช่าย)อยู่นิดหน่อย

อันนี่สะระแหน่จ้า...ยามหนาวกะตายบ่เหลือหยัง..พอเข้าหน้าฮ้อนกะเกิดขึ้นมาอีก...ปลูกครั้งเดียว
ที่เอามาลงให้เบิ่ง...มีมื้อหนึ่งอ้ายหล่อร้อยเมตรถาม.."ติ๋มเฮ็ดหยังคือมาเดิกแท้"
ติ๋มบอกเลาว่า "กำลังปลูกผักจ้าอ้าย เฮ็ดสวนครัวนิดหน่อย อากาศดีแล้วกะเลยปลูกผักกินเอง"
เลาหัวเราะคล้ายบ่เชื่อ"บุ๋ยย..เฮ็ดสวนครัวติ๊"...เว้าบาปเห็นว่าติ๋มกะบ่ได้ค้านปานใด๋เด้อ
คั่นอยู่เมืองไทย...ตลาดขายผักบ่ได้แหบเงินติ๋มดอกอ้ายหล่อ::)

[pui.lab]

ป๊าดดดดด สะออนผักสาวติ๋มมาคือปลูกหลายแท่ะ ผักปุ้ยกินบ่เคยเป็ดมากินแทนหมดจ้อย คึ คึ

ปล. คนปลูกกับคนสวนมาคือโรแมนติคแท้น้อ อิดสา

[sompoi]

อะปร๊าดด..หุ่นเฟิร์มแหล่วตั้วะเพิ่นแหม๋ะ..ซวดๆให้น้องติ๋ม.เก่งๆอิหลี.สงสัยย่อนผักสวนครัวแปลงนิล่ะเนาะ ปล.อันผุยุลางหลังฮั่นแม่ะ..แกะกะบ่ออกเด่ะเนาะเบิ่งทรงฮั่น..ฮ่าๆๆ::)

[นิลมณีหยก]

ปลูกได้งามเนาะเอื้อยติ๋มออนซอนแต่ผักชีแมะ เอาไว้ถ่าใส่ยามเฮ็ดแนวกินเนาะ

[สาวส่าเมืองอุดร]

ป้าด...แม่ดองมาหาคักแท้ จอยปลูกหมากพริกไว้ สองต้นกลายพันธุ์จ้อยจากพริกแดงเป็นพริกหยวกจ้อย งึดเจ้าของแฮง แม่เฒ่าปลูกผักเก่ง ลูกเขยหากินกะหมานเนาะพอดีกันเลย อิอิอิ ::):g::)

[น้ำตาล]

ป้าดดดดดดดดดดด//ผักงามเนาะจ้า...ดีแล้วบ่ได้ซื้อเพิ่นเนาะ..ประหยัดดีเนาะ..:g:g

[ขอโทษที่คิดถึง...เด็กดื้อ]

เอื้อยติ๋มขยันจังเลยจ้า...เด็กน้อยกะชอบคือกันจ้าแต่อยู่ กทม. บ่มีหม่องปลูกจ้า...

[ไม่สวยแต่เร้าใจ]

ผักกะงาม คนกะงามเนาะ
อยู่ทางพี้คาแต่หนาว ของกะได้หว่านในมื้อวานนี้หล่ะ คาแต่หนาวอาทิตย์ที่แล้วกลางคืน 0 อาศา จักอาทิตย์หน้าสิเป็นจีงใด๋เด้อ ขอผักสระแหน่มาใส่ลาบแหน่เอื้อย

[มั่วหน่าฮ่าน]

พาฝาหรั่งปลูกผักไทยติหล่า...เขากินนำเป็นบ่หล่ะ...คือบ่ปลูกบักหุ่งนำแหน่..คือมักกินคักแท้..อิอิ

[ตรี ศรีเมืองใหม่]

มาเถื่อหน้าเอาผู้ยืนอยู่ทางหลังมาดวลไวน์กับอ้ายแหน่เด้อ สิให้ดีถือไวน์มานําจักโหลกะพอดอกน้อง ... (หมายเหตุ สิกินไวน์เดนมาร์กให้ได้ พยายามมา 2 ปีแล้ว ฮือๆๆๆๆ)