แกงเห็ดระโงก (ใส่แม่เป้งนำ)

ช่วงนี้อีสานบ้านเฮาเห็ดกำลังออก ฅนภูไทได้ข่าวว่าเห็ดระโงกออกอยู่โคกนาพ่อใหญ่สี ตื่นเช้ามาฅนภูไทกะเลยไปเก็บได้มาแกงหนึ่ง กะเลยสิแกงกิน พอดีพี่น้องทางร้อยเอ็ดเพิ่นบอกสูตรมาว่าให้ใส่แม่เป้งนำรับรองว่าแซบคัก มื้อนี้ฅนภูไทกะเลยสิลองแกงกินเบิ่งว่าสิแซบส่ำได๋ มาเบิ่งกันเลยครับ

แกงเห็ดระโงก (ใส่แม่เป้งนำ)

ไปเก็บมาใหม่ขี้ดินกะยังติดอยู่ ต้องเอามาล้างให้สะอาดก่อนเด้อครับ

แกงเห็ดระโงก (ใส่แม่เป้งนำ)

วิธีการล้าง กะเอาเห็ดไปแช่น้ำเกลือทิ้มไว้สักพักแล้วค่อยล้างออก

แกงเห็ดระโงก (ใส่แม่เป้งนำ)

ทีนี้เฮากะมาแกงกันเลย จัดการเอาน้ำใส่หม้อขึ้นค้างไฟ พอน้ำเดือด ใส่บักพริก ใส่เห็ด แล้วกะใส่แม่เป้งลงไป


พอน้ำเดือดอีกทีกะใส่ใบติ้วลงไป กะว่าเห็ดสุกดีแล้วกะใส่ผักอีตู่ลงไป ปรุงรสตามใจชอบ ยกหม้อลง

แกงเห็ดระโงก (ใส่แม่เป้งนำ)

ตักใส่ถ้วยเสริฟพร้อมข้าวเหนียว (t


แกงเห็ดระโงกต้องซดน้ำโก้กๆ เด้อมันจั่งได้บรรยากาศ ::)



ปล. สูตรใส่แม่เป้งกะเข้าท่าอยู่เด้อพี่น้องสุดยอดครับ...(t