กลอนลำเปิดฉาก แสดงโดยติ๋มเปอร์โย

[khonsurin]

ลำบ่ เป็น แต่ฟังเป็นเด้อ ลำหน้าฮ้านก็เป็นเด้อ เป็นหางเครื่องนำแหน่

[ไอ้เก่ง คนเลย]

ชายหล่ามาดามเอ๊ย...............ตอนนี้หยุ่งเวียกหลายครับ.....สาวลูกหินเพิ่นกะทวงบทมาคือกัน.เอาไว้ มื้อได๋ว่าง ๆ พู้นหล่ะเนาะ...........สิได้เขียนมาอีก..........เตรียมโตไว้เด้อครับเด้อ........จั่งได๋กะสิให้ทันงานบ้านมหา 2 อยู่น่ะครับ

[ชายหล่ามาดามศรี]

คราฟอ้ายเก่ง สิถ่าเด้อคราฟ ย้านลำแล้วไทบ้านมหา วี่ค้อนใส่สั่นดอกว่าหมอลำบ่

ท่องกลอนคือได่ หรือบ่ได้ซ้อมใส่กันบ่ พะน้า สิหัดเต้ยถ่าเด้อคราฟอ้ายชาย พอได้เงินติดเผิ่ง สิเอามาเป็นคาคายอ้อดอก

[ต่าย]

ป้าดดด....ต่ายเอาสาดมาปูหน้าฮ้านแล้วเด้อพี่น้อง..อิ อิ จองหน้าฮ้านจ้า

[โป้ยก่าย]

หล้าต่ายนางเอ้ย
อ้ายนี้อดบ่ได้นอนเสื่อคือนอนหนาม
มาตามแนวความฮักส่วนใจมันขอร้อง
อ้ายนอนหมองนอนเศร้าหลับบ่ลงกลิ่งไปทั่ว
นั่งลุกมือกุมหัวเห็นตั้งแต่หน้าเจ้าหลับได้พี่กะเห็น
หัวใจอ้ายคิดบ่เว้นฮ้อยเทื่อบ่ทันหนำคิดอยากลืมกะยังจำ
หย่อนฮักหลายสิตายแล้ว..........................

[ต่าย]

อิอิ...พี่โป้ยจ๋า ...กลอนลำเอื้อยติ๋มบ่แม้นตี้ พี่ชายลืมกระทู้อีกแล้วอิอิ..
ต่ายมาเป็นผู้ชมเด้อจ้า....บ่ได้อยู่เทิงเวทีนำเด้ อิอิ

[ศรีสะท้าน]

นอพี่น้อง พอแต่เดิกพอปานนี้เสียงแมงอีแกมจักจั่น
เสียงแคนงันเสพซร้องหมอลำฮ้องโอ่กลอน
สาวเหงานอนน้ำลายย้อยหาววอยวอยปูสาดนั่ง
อยู่ทางหลังผู้บ่าวเฝ้าถ่าจาเว้ากล่าวจา
เหลียวเบิ่งก้ำฟากฟ้านภาส่องดาวเดือนใส
เมฆมันไหลลอยวนดั่งใจคนที่ลอยเลื่อน
คือสิเตือนใจอ้ายชายหมอลำให้คิดฮ่ำ
คิดบ่เลือนเตือนความจำอยู่บ่แล้ว มันเป็นแป้วอยู่บ่เซา ละนา

[โป้ยก่าย]

ลำจีบสาวฟังลำเบิ่งก่อนน่า...


หละสาวผู้มาฟังลำเอ้ย
แนนบ่เคยนำห้อยแสนสิออยกะแสนยาก
บุญบ่คาดคู่น้องแสนสิใกล้กะซ่ำไกล...
ทางหลายเพิ่นเมาเหล้าอ้ายผัดเมาน้ำท่า
เมานำหลงฮักน้องมันอุกเอ้าแม่นอั่งซวง...
เจ้าผู้ดวงเกตแก้วกานก่องน้อบัวบาน
ไผผู้มีสมภารให้แบ่งปันน้อหาอ้าย....
ส่งสายตาลงฮ้านทรมานหัวใจพี่
สาวฟังลำคนดีมีไป้น้อคู่ซ้อน....
สะออนหน้า....จั่งแม่นงาม...แท้น้อน้อง...

[ต่าย]

อ้างถึง : "ส่งสายตาลงฮ้านทรมานหัวใจพี่.."..

ป้าดด...นั่งอยู่ล่างเวทีกะมีผญานำมาต้อนว่านิแหมะ...
อิ อิ..พี่โป้ยจ๋า..ว่ามาอีก..นั่งถ่าฟังอยู่จ้า...ม่วนหลายจ้า..8)::)

[ติ๋ม เปอร์โย]

บุ๋ยยยย....ม่วนๆนำกันเนาะจ้าพี่น้อง...ติ๋มลำแต่กลอนแรกหั่นหละ พอได้แห่นไมค์มื้องานพาแลงนำขะเจ้า::)
น้องต่ายจ๋า หาแนวกันมดกัดแหน่เด้อน้องหล่า...คักๆอ้ายจารย์ กลอนลำเจ้า8)
มาติวทำนองให้แหน่เด้อหละอ้าย แต่งกลอนลำให้แล้ว...ห้ามว่าเต้ยโศกเด้อ บ่เอาเด๋ ค้านไห้...::)