หน้าที่ 1 จากทั้งหมด 4 หน้า 123 ... หน้าสุดท้ายหน้าสุดท้าย
กำลังแสดงผล 1 ถึง 10 จากทั้งหมด 31

หัวข้อ: กลอนลำเปิดฉาก แสดงโดยติ๋มเปอร์โย

  1. #1
    ดูแลตรวจสอบเนื้อหา สัญลักษณ์ของ โป้ยก่าย
    วันที่สมัคร
    Jun 2007
    กระทู้
    1,603

    กลอนลำเปิดฉาก แสดงโดยติ๋มเปอร์โย

    คืนนี้ฟ้าสว่างแจ้ง...แสงส่องทะรังสี...ฉันคือดวงนารี...ผู้โอ้ลำสลับฟ้อน
    นามกรของหล้า...ติ๋มอำคาเป็นนามชื่อ...อำเภอเพ็ญเด้อบ่อนบ้าน...อุดรก้ำถิ่นสถาน
    ขอกราบเรียนพระคุณท่าน...ที่มาเบิ่งการแสดง...เป็นแฮงใจชาวคณะ...อั่งเวทีกว้าง
    ดวงไฟแสงสีเหลื่อม...เทียมเวทีสีสง่า...รวมดาราใหญ่น้อย...เหลือล้นอั่งสนาม
    จารย์คำศรีบ่มองข้าม...ตามกระแสเสริมส่ง...ปรับปรุงวงบ่อยู่หยั่ง...เจริญขึ้นแม่นบ่ถอย
    โตแสดงกะบ่ด้อย...มีมากเหลือประมาณ...มหาการเป็นคนเขียน...แต่งกลอนบ่มีคร้าน
    นำนิทานโบราณเค้า...บทสำเนามาเผยอ่าน...เป็นตำนานภาคพื้น...ให้เห็นแท้แต่บ่อนจริง
    บ้านมหาบ่อยู่นิ่ง...ให้หลิงหล่ำแลดู...ครูอาจารย์ฝึกสอน...บ่หย่อนลงแต่พอน้อย
    ให้คอยดูไปเด้อป้า...ชาวลูกหลานบ้านมหา...ขอศรัทธาให้เสริมส่ง...ให้หมั่นคงส่งยู้
    ซูขึ้นแม่นอย่าถอย...สำหรับโตอ่อนน้อย...ในท้องเรื่องการแสดง...องค์จันทราเทวี
    มิ่งมเหสีเจ้า...ตอนนี้เนาในห้อง...นครทองกว่างใหญ่...สุขพระทัยบ่เดือดฮ้อน
    สะบายเนื้อ....อยู่สุยาม...พี่น้องเอ้ย...

    (บทเว้า)
    ขอกราบเรียนพ่อแม่พี่น้องผู้ที่รอรับฟังทั้งหลายทราบ...ในนามของดิฉันเองกะคือจันทราเทวี
    เป็นพระมเหสีของพระยาทรงธรรมที่ได้กล่าวนามไปแล้ว...มีราชบุตตรีคือเจ้าหญิงกรรณิกา
    มื่อนี้ได้เวลาแล้วจำเป็นจะต้องเดินทางเพื่อเข้าเฝ้าพระสวามีในท้องพระโรงสาก่อน

    กลอนลำเปิดฉาก แสดงโดยติ๋มเปอร์โย
    จงเอาชนะในความยาก มิฉะนั้นความยากจะชนะท่าน

  2. #2
    ป้าดดด...มาทรงคือแท้น้อบาดทีหนี่ท่านอาจารย์....เอ้าๆว่าจั๋งใด๋ว่านำกัน....ม่วนๆ....
    ทำนองทางใด๋หละอ้าย...สิได้หัดลำไว้แต่ปานนี่หละ...คนเสียงบ่ค่อยดีเนาะ...บ้านมหาพาแลง2ขึ้นฮ่านแน่นอนเด้อจ้า....::)
    คนที่กล้าจะพ่ายแพ้เท่านั้น...ที่จะประสบความสำเร็จอย่างยิ่งใหญ่

  3. #3
    ผู้ช่วยผู้ใหญ่บ้านมหา สัญลักษณ์ของ sompoi
    วันที่สมัคร
    Mar 2007
    ที่อยู่
    japan
    กระทู้
    5,708
    บล็อก
    23
    กะยังวะติ๋มเอ้ย..สำหาแต่แนวมาไล่กันเนาะ..ย่านบ่กล้าไปฮอดงานซะเดิ้ก..อายพี่น้อง ย่อนพากันเหล่นหลายโพด ฮ่าๆๆ..บ่เหลือเลยพิกเจอร์แม๋ะ.กร้ากกก..เอ๋าๆๆ..ว่าไปๆ. หย่าวเอาๆ ม่วนๆเด้อพี่น้อง..:g

  4. #4
    ศิลปิน นักร้อง นักแสดง สัญลักษณ์ของ ไอ้เก่ง คนเลย
    วันที่สมัคร
    Feb 2008
    กระทู้
    176
    ทำนองขอนแก่น เด้อคับ เอื้อย ลองลำใส่แล้ว คืออยู่ครับ.......หว่าแต่ เป็น นางเอก หรือหว่าเป็น โตโกงน้อ

    :g

    :g

    :g

    :g

    :g

    :g
    ท่องคำว่าทำใจ

  5. #5
    ดูแลตรวจสอบเนื้อหา สัญลักษณ์ของ โป้ยก่าย
    วันที่สมัคร
    Jun 2007
    กระทู้
    1,603
    แม่นๆหล้า ไอ้เก่งคนเลย เจ้าต้องเชี่ยวชานเรื่งหมอลำแน่นอน
    ทำนองขอนแก่น แต่ว่ากลอนแบบนี้คันไผลำทำนองกาฬสินเป็นกะสามารถ
    ลำได้คือกันเด้อหล้า
    จงเอาชนะในความยาก มิฉะนั้นความยากจะชนะท่าน

  6. #6
    ไอ้เก่ง คนเลย.....ทำนองขอนแก่น เด้อคับ เอื้อย ลองลำใส่แล้ว คืออยู่ครับ.......หว่าแต่ เป็น นางเอก หรือหว่าเป็น โตโกงน้อ

    โอ้ยยย...คือว่าลำใส่อยู่น้อหล่าเอ้ย....ในนามของดิฉันเองกะคือจันทราเทวี
    เป็นพระมเหสีของพระยาทรงธรรมที่ได้กล่าวนามไปแล้ว...
    แม่พญากะยังว่าเนาะ...คั่นบ่มักลูกเขย โกงพ้อม 5555++ถ่าเบิ่งผู้กำกับก่อนหล่าเพิ่นสิให้ใจดี หรือใจฮ่าย....::)
    คนที่กล้าจะพ่ายแพ้เท่านั้น...ที่จะประสบความสำเร็จอย่างยิ่งใหญ่

  7. #7
    ศิลปิน นักร้อง นักแสดง สัญลักษณ์ของ ไอ้เก่ง คนเลย
    วันที่สมัคร
    Feb 2008
    กระทู้
    176

    โตโกงมาแล้วเด้อครับ ชุดเพชร เหลี่ยมยาบ ๆ มาแล้ว

    สำบายดีพี่น้อง..... ท้องถิ่นดินอิสาน.... ผู้ที่ไปทำงาน....ต่างแดนไกลบ้าน
    ให้สำราญเด้อเจ้า ....สุขสบายกันดีทั่ว .......อย่าสุคิดตั้งแต่มัว....
    หลงระเริงอยู่พู้น .......ทางพี่น้องสิจ่มหา
    อย่าหว่าผมนี้บ้า ........อวดเก่งหว่าไปสั่งสอน.... เว้าไปตามคำกลอน
    จารย์คำศรี เพิ่นเสริมแต้ม........แนมส่งมาเทิงฮ้านตาหวาน ๆ ยิ้มใส่
    ทางหมอลำคณะใหญ่ ..... สมเงินแสนเพิ่นหว่าจ้าง ......วางไว้มัดจำ
    เถื่อแม่นผิดพลาดพลั้ง.......อย่าเปิดหน่ายเดินหนี.......ให้ไมตรีขออภัย......อย่าสุไลราร้าง
    ฟ้าบ่สาง........แดดบ่จ้า....สิบ่ลาไกลถิ่น........ให้คงคู่ศิลปิน......
    สืบสานกันต่อไว้...อย่าไลถิ่ม...ให้อยู่คง............น้อสืบไว้...


    (บทเว้า) สิบนิ้วน้อย ๆ ของไอ้เก่ง คนเลย ขอกราบคารวะ ไปสู่เอื้อยอ้ายพี่น้องบ้านมหาทุกผู้ทุกคน
    (บทเว้า) ตัวผมในมื้อนี้ รับหน้าที่เป็นโตโกง ยศถาคงสูงศักดิ์ เงินเหยียบพันล้าน
    แต่โตมารของข้อย อนุชาน้องหมู่ แม่จันทราเทวีเพิ่นกะฮู้ กำจัดสิ้นให้หมดไป
    พ่อทรงธรรม เพิ่นหากได้เอาใจใส่ กว่าทางโต แสนโมโหสุด ๆ เว้ามาทางน้อง
    แม่บ่เคยขัดข้อง เอาใจผมเบิ๊ดดดดดดดดดดดด สุอย่าง สุแนว เอาโลด ...พี่น้อง
    แม่บ่เค๊ยยยยยยย บ่เคยเฮ็ดให้หมอง....เคืองข้อง......แม่นบ่มี

    (บทเว้า) โตผมเองกะคือมนต์ไมตรี เป็นบุตร ของเจ้าพ่อทรงธรรม กับเสด็จแม่จันทราเทวี มีน้องสาวผู้หนึ่งซื่อกรรณิกา แล้วกะมีน้องที่เสด็จพ่อเก็บมาเลี้ยงเป็นหมู่กันตั้งแต่น้อย ๆ อยู่ผู้หนึ่งกะคืออนุชา เว้ามาเรื่องพ่อกับน้องแล้ว เส้นสูน มันขึ้น บึ๊บ ๆ เอาโลดอิแหม่ กะยังหว่า ย้อนอิพ่อฮักลูกบ่อถ่อกันเอาโลด ยอย้องหว่าแต่อนุชาดีจั่งซั่น อนุชาดีจั่งซี้ แต่โตผมนี้ตี๊ ๆ ๆ ๆ ๆ ๆ บ่ดีจั๊กเถื่อ หาหว่าให้แต่บักขี้คร้าน สู้น้องกะบ่อได้ มีแต่เที่ยวกับเที่ยว บ่เคยหัดวิชา ปกครองราษฎร ไพร่ฟ้าประชากรคืออนุชาผู้เป็นน้องเลย พะนะหว่า เฮ็ดให้มนต์ไมตรีคนนี้หน่ะ แห่งเกียจ เสด็จพ่อกับอนุชาเข้าไปกันใหญ่ แต่กะยังดีที่หว่าเสด็จแม่หน่ะ ยังฮัก แล้วกะตามใจมนต์ไมตรีเป็นที่สุด และที่สำคัญ กะยังรังเกียจ บักเด็กกำพร้า อนุชา คือกันนำพร้อม เอาหล่ะ ได้โอกาสดี สิไปหาเสด็จแม่ เพื่อหาทางกำจัดบักอนุชา โดยการให้เสด็จแม่จันทราเทวี ไปขโมยเอาพระขรรค์ศรีสรรค์เพชร อันเป็นสิ่งศักดิ์คู่บ้านคู่เมือง จากห้องพระของเสด็จพ่อ แล้วมนตรีคนนี้น่ะ กะสิเอาไปเสี่ยงไว้ในห้องพักของมัน เอาหล่ะได้เวลาแล้วสิไปสาก่อน.......


    (ลำ)ไอ้เก่งในมื้อนี้.....รับหน้าที่ลูกคนกก....ถึกเอาอกเอาใจ...ตั้งแต่เป็นน้อเด็กน้อย....
    ไผ๋กะคอยโอ๋เว้า....บ่อขัดใจแม้แต่หน่อย ....นางสนมยังคอย...
    ประเคนยกข้าวน้ำ.....ตามป้อนอยู่บ่เซา...
    แต่เรื่องเรียน....อย่ามาเว้า....ให้มนต์ไมตรีหน่ายอารมณ์เสีย.....
    อยากคิดได้ตั้งแต่เมีย......ผู้สิคอยดูแลอ้าย...
    บ่คิดป๋า.......ลาไลทิ่ม .....มีแต่หาดอกมาตื่ม...
    คอยเบิ่งแงงตั้งแต่ตื่น.........จนถึงนอนโอบอุ้ม...เอาเข้าใส่บ่อนเตียง
    พ่อบ่เคยคิดเตี้ยง.....เฮียงคู่ลูกซายกก......มีแต่บอกให้ไปเรียนอยู่ทุกวัน.....พันมื้อ....
    บ่คือนางจัทราเจ้าผู้เป็นเสด็จแม่........มีแต่คอยเทกแคร์......หาสาวมาโอบอุ้ม....ย่านผมนี้บ่สบาย.....
    แม่บ่เคยบ่นฮ้าย ...ให้เสียเกียรติ์คนมีศักดิ์ .........แต่เด็จพ่อน้อหลงฮัก...ตั้งแต่อนุชาน้อง
    อยากได้หยังแม่บ่ข้อง.....เงินแสนหรือเงินหมื่น ...จันทราเทวี ...บ่เคยตกตื่น .....เอ่ยคำได๋ได้คำนั้น ......หว่าแต่ให้ได้สั่งความ........เอ๊อ.........เอ๊ย........นี่นา..

    เต้ย ชุดดำสปายแดง
    ท่องคำว่าทำใจ

  8. #8
    ร่วมถ่ายทอดความรู้สู่สังคม สัญลักษณ์ของ นิลมณีหยก
    วันที่สมัคร
    Aug 2007
    กระทู้
    496
    ป๊าด อ้ายเก่งคนเลย มะลำปานพระเอกแท้ปาดนิ

    (ลำแข่งเผิ่นก่อน)สิบนิ้วยกใส่เกล้าตางธูปเทียนทอง นางขอวันทานพรัตตะนังดอกใส่แก้ว
    เสียงบ่ดีปานใด๋แล่วแนวเป็นหมอลำใหม่ ยามนางเอยจาไขเสียงบ่ใสคือจังแก้ว
    พี่น้องให้ค่อยฟัง คั่นนางผิดพลาดพลั้ง ยามลำเรื่องหือเดินกลอน เป็นคติสอนใจแฟนๆให้ช่อยยู้
    อีนางน้อยให้ฮุ่งเฮือง..ฮือฮือพี่น้องเอย

  9. #9
    ศิลปิน นักร้อง นักแสดง สัญลักษณ์ของ ไอ้เก่ง คนเลย
    วันที่สมัคร
    Feb 2008
    กระทู้
    176

    บ่ได้เป็นพระเอกนำเพิ่นดอกครับ เป็นโตโกงกะยังหว่า

    สาวเพลงสุดท้ายอยากเป็นอิหยังครับ ผมสิเอามาแต่งให้เกี่ยวเนื่องในนิทานให้ครับ ตามที่อ้ายบ่าวโป๊ยก่าย เพิ่นได้เกริ่นไว้แล้วนั่นหน่า...............แต่หว่าโตโกง ผมจองแล้วเด้อ........ อิแหม่ติ๋ม....ผมกะให้เพิ่นเป็นโตโกงนำพร้อม........เป็นแม่ลูกกันกับผม....แม่กะโกง ลูกกะโกง มาเบิ่งกันพี่น้องหว่า สาวติ๋ม เปอร์โย กับไอ้เก่ง คนเลย ไผ๋สิโกงเก่งกว่า กันบาดนี่......ติดตามได้ในตอนต่อไปครับบบบบบบบบบบบบบ

    ::)

    ::)

    ::)

    ::)

    ::)


    ในท้องเรื่องที่มีซื่อหว่า ศึกถล่มบัลลังค์เลือด
    ตอน น้ำตานางจันทราเทวี
    ท่องคำว่าทำใจ

  10. #10
    Membership renewed สัญลักษณ์ของ ไม่สวยแต่เร้าใจ
    วันที่สมัคร
    Mar 2007
    ที่อยู่
    ป่ากล้วย
    กระทู้
    833
    ถ้าฟ้อนใส่กลอนลำเต้ย ชุดดำสปายแดงดอก เข้ากับเจ้าของคัก อิ อิ

หน้าที่ 1 จากทั้งหมด 4 หน้า 123 ... หน้าสุดท้ายหน้าสุดท้าย

กฎการส่งข้อความ

  • You may not post new threads
  • You may not post replies
  • You may not post attachments
  • You may not edit your posts
  •