มื้อนี่อากาศฮ้อนคัก บ่เป็นตาอยู่ ติ๋มกะเลยสิพาพี่ๆน้องๆ ไปกินข้าวนอกบ้าน...ขอเฮ็ดกับข้าวก่อน..อะ อะ บ่ได้เหนียวเด้อ อิอิ
น้ำพริกปลาทูน่าเนาะ...กินแต่ปลาหนี่หละ...บ่แม่นหยังดอกคือปลาทางนี่บางชนิดราคาถืกกะเลยกินบ่อย
เครื่องปรุง...ผู้ใด๋สิดัดแปลงให้เป็นแบบใด๋กะตามใจคนกินโลดจ้า...หอมแดง กระเทียม พริก คั่วให้หอม
ปลาทูน่าในน้ำเกลือ1กระป๋อง..บีบน้ำถิ่มซะ คั่วใส่หม้อแห้งๆให้สุก ใส่น้ำปลาแดกนิดหน่อย
ต้นหอม ผักชี หั่นไว้โลดจ้า...
จัดการตำพริก กระเทียม หอมแดงให้แหลก ใส่ปลา โขลกต่อ ก่อนปรุงรส ชิมก่อนเด้อ เค็มเด๋
ติ๋มปรุงรสแค่บีบน้ำหมากนาวนิดหน่อย...มักรสชาดส้มๆนำ น้ำปลา ผงชูรสคั่นกิน บ่กินใส่น้ำตาลแทนได้จ้า
เทือนี่ขอเฮ็ดเป็นน้ำพริกแบบแห้งๆแบบนี่หละ....เสริ์ฟกับผักปลูกเองในสวนตามเคย
มาเด้อจ้า นั่งปูสาดกินในสวนเลย...นอกบ้านคักๆหนี่หละ ใต้ห่มไม้อย่างดี::)
แซบคัก ที่สำคัญ มีส้มผักเสี้ยนพร้อม...ฟ้าวกิน ฟ้าวไปอาบน้ำ...ย่านอ้ายทิดกลับมาจากทำงานได้กลิ่นส้มผักเสี้ยน
เลาสิว่ากินอาหารบูด อาหารเน่าอีก...คือแกงหน่อไม้ใส่ผักขา จำบ่ลืม::)
Bookmarks