ข้าวพอง...อร่อย ๆๆๆๆๆ อิอิอิ
แบบว่าม่าข้าวหลายจ้าพี่น้องจ๋าอุ่นหลายรอบแล้วมันกะเหนียวกินบ่แซบกะเลยเอามาเฮ็ดขนมกินสันตั้ว...ตั้งใจอ่านให้ดีนะมันยากเด้อสิบอกให้จ้า...เหอ ๆๆๆๆๆๆๆๆๆ
ส่วนประกอบ
1. ข้าวเหนียวที่เหลือจากการอุ่นหลายครั้งแล่วกินบ่แซบแล่ว... ::)
2. น้ำมันพืชหรือหมูกะได้
3. น้ำตาลปี๊บ แต่พอดีเด็กน้อยไม่ได้ซื้อกะเลยใส่น้ำตาลทรายจ้า
4. เกลือ
วิธีทำ
1. นำข้าวที่เหลือมาใส่กระด้งจ้า เฮ็ดเป็นคำน้อย ๆๆ หรือใหญ่ แล้วแต่สิมัก หรือถ้าคร้านกะตากมันทั้งก้อนเลยกะได้แต่ว่าข้อเสียของการที่เฮ็ดแบบนี้ข้าวมันจะบ่แห้งแถมโม่อีกต่างหากนะจะบอกให้...เห็นบ่ล่ะแค่ตากข้าวกะยากแล้วนะ...อิอิอิ
2. เอาข้าวไปตากแดดหลาย ๆๆๆ แดดแฮงดีเด้อจ้า เพราะถ้าแห้งหลาย ๆ มีจะทำให้เวลาทอดข้าวมันจะพองดีจ้า...ซึ่งขั้นตอนนี้กะต้องใช้ความอดทนสูงเลยนะ..อิอิอิ....
3.พอข้าวแห้งเป็นที่พอให้ใจแล่ว กะถึงขั้นตอนการทอดจ้า เอากะทะตั้งไฟใส่น้ำมันลงไปพอน้ำม้นฮ้อนกะเอาแห้งลงทอดจ้า เอาไฟพอประมาณเด้อมันสิมันจ้า...คาแต่ถ่ายรูปมันกะเลยไหมแนะจักหน่อยจ้า...พอสุกกะตักใส่กระซ้อนพักไว้น้ำมันสะเด็ดจ้า...ขั้นตอนนี้ถือว่าสำคัญทีสุดเลยถ้าไม่ระวังดีมีสิทธิ์ไหม้ได้จ้า ...เห็นบ่ยากจังเลยนะ... ::)
4. ขั้นตอนการเคียวน้ำตาลกะเอาน้ำตาลใส่หม้อตั้งไฟคนไปเรื่อย ๆ จนละลาย ใส่เกลือนิดหนึ่งอย่าหลายเด้อมันสิเค็มจ้า จากนั้นกะไปโรยในข้าวพอกะเสร็จ ...หรือบ่เคียวน้ำตาลกะใส่น้ำตาลโรยกะได้ หรือบ่โรยน้ำตาลกะได้แล้วแต่มักจ้า กะเป็นว่าเสร็จจ้ากินได้
จานนี้โรยน้ำตาลซื่อ ๆๆ บ่ได้เคี่ยวน้ำตาล
จานนี้บ่ใส่น้ำตาลจ้า
จานนี้โรยน้ำตาลที่เคียว
และจานนี้โรยน้ำตาลสองแบบทั้งเคี่ยวและบ่เคี่ยวจ้า
ส่วนข้าวพองที่เหลือเฮากะเก็บไว้กินหลาย ๆๆ วันได้ด้วยการใส่ถุงพลาสติกจ้า
และพี่น้องจะได้กินขนมอร่อยที่สุดในโลก...เหอ ๆๆๆๆๆๆๆๆๆ
Bookmarks