กำลังแสดงผล 1 ถึง 2 จากทั้งหมด 2

หัวข้อ: คติเตือนใจไทอีสาน

  1. #1
    บ่าวกุมภวาปี
    Guest

    คติเตือนใจไทอีสาน

    พีน้องเอ่ย.ขอโยติกาบั่นกอนกล่าวชาวอีสานตั้งแต่โบรานมาเพิ่นหากเพียรสอนไว้อย่าฟ้าวไลลืมถิ่มของเดิมตั้งแต่เก่าคำพ่อแม่เพิ่นจาเว้าซุ้มเจ้าอย่าสิลืมแท้แหล่ว..คติเตือนใจไทอีสานอันวาเป็นสาวนี้กิริยาให้มันคล่องตีนผมให้หลำเกลี้ยงตีนสิ่นให้หลำเพี่ยงอย่าเป็นสาวเถียงชู้สูรูเคียดง่ายให้เจ่าอายพีน้องเฮือนใกล้สิหน่ายแหนงให้สาวแพงเอาไว้ของดีมันสิเก่าอย่าสุฟ้าวจ่ายซื้อขายเรื่อยแม่นบ่ดี..นางเอ๋ย


  2. #2
    Super Moderator
    Guide & Photographer
    สัญลักษณ์ของ เจ้าซายน้อย
    วันที่สมัคร
    Sep 2007
    ที่อยู่
    อยู่ในใจเสมอ
    กระทู้
    1,550

    อายหน้าแดง

    ล่วงเลยเกิน สองพันห้า ทั่วโลกา ต้องไหวหวั่น
    จันทร์และเดือน อยู่ฟ้า บ่ห่อนแจ้ง แจ่มใส
    ย้อนว่าไฟ ตัณหากล้า ทั่วโลกา จึงฮ้อนฮุ่ม
    กัดรุมใจ เผ่าเชื้อ คนให้คิด ต่างหลัง
    ต่างก็หวัง เอาได้ โลภา มาซ้อนอยู่
    คิดแต่หา หลอกต้ม ขายลมได้ ผลัดว่าดี
    มีบ่ ละเจ้า เขาเว้าว่า แต่ดีดี
    ตั๋วจนมี เงินทอง ทรัพย์สิน เหลือล้น
    คนจนฮ้าย หากิน เฮื่อย้อยย่าง
    อยู่ด้วยหา รับจ้าง กินซื้อ คู่ซู่วัน
    อันนี้นั้น ย้อนว่า ชะตาลิขิต
    หรือว่าคน เฮาคิด ล่วงคอง พุทโธเจ้า
    คนที่เผา คนเล่น เป็นหากิน ถืดซ่อง
    เอาเปรียบผอง พี่น้อง คนจนได้ ผลัดว่า ดี ..........

กฎการส่งข้อความ

  • You may not post new threads
  • You may not post replies
  • You may not post attachments
  • You may not edit your posts
  •