ในยุคข้าวยากหมากแพง มาปลูกพืชผักสวนครัวไว้กินเองกันครับ

**ฅนภูไท** · 08-06-2008, 15:17

ในยุคข้าวยากหมากแพง มาปลูกพืชผักสวนครัวไว้กินเองกันครับ

ซุมื้อนี้พืชผักต่างๆกะเริ่มแพง เพื่อสนองนโยบายของอ้ายบ่าวคนเดิม ยุคนี้ต้องประหยัด ตอนนี้ฅนภูไทกะเลยเปลี่ยนจากกระถางดอกไม้เป็นกระถางผัก เนื่องจากอยู่ในเมืองกะเลยปลูกใส่กระถาง ผักที่ปลูกกะเป็นผักสวนครัว ที่เฮาจำเป็นต้องใช้บ่อยๆ แทนที่เฮาสิซื้อ เฮาปลูกใช้จั่งซี้กะประหยัดได้หลายเติบ ไผบ่มีพื้นที่กะลองมาปลูกใส่กระดาง หรือกระป๋องกะได้เด้อครับ หมั่นรดน้ำใส่ปุ๋ยดีๆกะงามคือกันครับ

อันนี้ผักสะแงะเด้อครับ บ่แม่นผักชี เป็นกระถางแรก เพิ่งปลูกตอนกลางเดือนพฤษภา

ตอนนี้กะเริ่มใหญ่แล้ว ไผแกงหน่อไม้กะมาขอไปใส่ได้เด้อครับ ฅนภูไทบ่หวง

อันนี้ผักแพว เอาไว้ใส่ซุป ใส่ซั่ว หรือสิกินเป็นผักกะได้ กำลังใหญ่

กระถางดอกไม้พวกนี้ อนาคตคิดว่าสิเปลี่ยนเป็นกระถางผักครับ

**บ่าวคนเดิม** · 08-06-2008, 16:11

สนองนโยบายอย่างเร่งด่วนเลยติท่าน...เป็นไปทั่วคือหว่านั้นเศรษฐกิจสู่มื้อนิ
กำลังงามตั๊วละ...:g

**Tid Sri** · 08-06-2008, 16:39

รูปสุดท้ายแม่นผักหยังล่ะน้อ คือบ่เคยกิน

**หล่อร้อยเมตร** · 08-06-2008, 18:26

เออเนาะดีครับ ปลูกบักพริกใส่กระถางนำเด้อเถ่า ประดับกะได้ยามนั้นกะพอได้เก็บตำบักหุ่งนำ ::)

**surasong** · 08-06-2008, 18:33

:g:g ประหยัด พอเพียง พอกิน ปลอดภัย สุขภาพดี อายุยืนยาว ::)::)

**ฝนหลวง** · 08-06-2008, 19:02

โอ้ดีแท่ครับปลูกผักไว่กินเอง....ผมมาอยู่ไกลบ้านครับห่องกะเช่าเขาอยู่
ผักคือสิบอได้ปลูก
แตผมกะมีวิธีประหยัดครับเดี๋ยวนี่ผมนั่งรถรับส่งไปเฮ็ดงานจากเดิมขับรถไปเองโก้ๆ
ตอนนี่นังรถรับส่งบอโก้กะช่างมันแตประหยัดเงินได้เดือนสองพัน
ระยะทางมันไกล ศรีราชากับEastern Seaboard ระยองไปกลับเจ็ดสิบโล
เติมนำมันสองพันวิ่งไปกลับจันทร์ฮอดศุกร์สี่อาทิตย์เบิดจ้อย
และนี่กะเป็นวิธีประหยัดของผม