กำลังแสดงผล 1 ถึง 4 จากทั้งหมด 4

หัวข้อ: คึดฮอดบ้าน...

  1. #1
    แบ่งปันความรู้และประสบการณ์ สัญลักษณ์ของ engon
    วันที่สมัคร
    Dec 2007
    ที่อยู่
    ออสเตรเลีย, Lightning Ridge
    กระทู้
    178

    ดูวีดีโอ YouTube ออนไลน์ คึดฮอดบ้าน...

    คึดฮอดบ้านยามมื่อแลงนั่งกอดเข่า
    บ่มีหมู่จาเว่าดอมต้านผ่านภาษา
    ยามตาเว็นค่ำคล้อยตาลอยคึดฮอดหมู่
    อยู่นี่สุขกายมั่นแต่ใจนั้นฮำคะนึง

    โรคโฮมซิคไกลบ้านเคยได้ยินแต่เขาว่า
    เจอจังจังแล้วจ้าเป็นตาย่านคักอีหลี
    เงินทองมีพอใช้แต่ใจมันบ่อยู่
    สีเลยสู้ซึมเศร้าปวงบ้าอยู่ผู้เดียว

    เฮ็ดเวียกเฮียนเหมิดแล้วนั่งเล่นคอมกะบ่ค่ำ
    คึดอำลำนำเจ้าข้าวเหนียวพุ่นฮาได้กิน
    ป่นปลาเข็งโตน้อยน้อยส้มผักเสี้ยนยังเหลือบ่
    อีกเทิงหมกกบพร้อมซุปหน่อไม้พำกัน

    หาหม่องลงบ่ทันได้ย่อนว่าใจมันคึดต่อ
    โอ๊ย!!!ตำแตงตำมั่วตำซั่วอยู่หม่องได๋
    ไปอีหลีแล้วละจ้าเข้าครัวหาแนวกินก่อน
    แซนด์วิช แฮมฮ้อนๆนางน่อยสิค่อยกินซั่นแล้ว..

    ..เป็นตาหลูโตนเนาะ..


  2. #2
    ผู้ช่วยผู้ใหญ่บ้านมหา สัญลักษณ์ของ sompoi
    วันที่สมัคร
    Mar 2007
    ที่อยู่
    japan
    กระทู้
    6,363
    บล็อก
    23
    ฮ่าๆๆ..เป็นคือกันดอกเนาะจ้า อยู่ทางได๋กะดายเนาะ..เอาใจส่อยเด้อ บ่อไหวกะกลับมาเยี่ยมบ้านเฮาจักเดือนกะได่ตั้วะ..จั่งกลับไปดำเนินชีวิตใหม่เนาะจ้า..

  3. #3

    คิดฮอดบ้าน

    โตไกล แต่จิตใจคืออีสานแต้ๆ

  4. #4
    ร่วมถ่ายทอดความรู้สู่สังคม สัญลักษณ์ของ นิลมณีหยก
    วันที่สมัคร
    Aug 2007
    กระทู้
    763
    อันนี้่กะคึดฮอดบ้านคือกันหลงเข้ามาแต่มื้อใด๋บุ๊มาแล้วกะชั่วสิได้เมือยคึดฮอดพี่ฮอดน้อง คึดฮอดแม่คือกันหละ คึดฮอดความอบอุ่น อยากกินหยังกะได้กินสมใจมานี่ คั่นมันแพงหลายกะบ่กล้ากินดอก หมากทุเรียนอยากแต่ว่าอดไว้ถ่าไปกินยามกลับบ้านดีกว่ามันแพงหลายเป็นตาหน่ายเสียดายเงินทอง
    เก็บไว้ดีกว่าเนาะ

กฎการส่งข้อความ

  • You may not post new threads
  • You may not post replies
  • You may not post attachments
  • You may not edit your posts
  •