มื้อนี่สิเสนอ ลำเรื่อง ลูกเขยบ่าวเซียงน้อยกับแม่เฒ่าหนูซิง..

[ติ๊กต็อค]

+++ อั่น พี่น้องป้องปาย มื้อนี่ ทางหมอลำฝ่ายหญิง ติ๊กต็อคน้อย ลูกแม่มูล เพิ่นว่าดังแล้วขอแยกวงว่าซั่น เลยออกมาตั้งคณะหมอลำ แข่งนำอ้ายศรีเบิ่งกะน๊า ทะเผื่อฟลุ๊ก สิได้เป็นหมอลำนำขะจ้า (t +++

มื้อนี้เลยสิมาลำเสนอ ตามท้องเรื่อง ลูกเขยบ่าวเซียงน้อย กับ แม่เฒ่าหนูซิง ดีกั่ว ++



.........
(ลำ) ละมาบัดนี่สิได้เปิดผ้าม่านกั้ง มาฟังก่อนเด้อตอนเดิก ขุดลงไปให่เลิก ก่นนำจั่งทันน้ำ สมมุตินามไปนำเรื่อง ฟังสำเนียงอันยาถ่าน ฟังลูก ฟังหลาน คณะนี้ ((บ้านมหามุ่นอุ้ยปุ้ยบันเทิงศิลป์)) มาลำซี้ส่องทาง ให่ฟังดูไปนำ เรื่องลำกำลังจ้อน ติ๊กต็อคน้อยมาอ้อน เอากลอนลำมาขับกล่อม กลอนลำดีมีคนปั้น ติ๊กต็อคนั้นเป็นผู่แปง ปะกายแสงเจิดจ้า นภาแจ้งแจ่มใส พี่น้องไกล พี่น้องไกล้ ที่มานั่งฟังลำร้อง เรื่องดัดแปลงนำมาเค้า ตามรายการโบราณว่า คือลูกเขยกับแม่เฒ่า สิมาเว้าสู่ฟัง ขออภัยโทษบ้าง มาบ่อนตอนมันผิด โปรดประทานมวลมิตร คิดบ่ทันมันหลงเซ่อ ขอนำเด้อ อย่าฟ้าวตี๋เดือนค้ำ นางลำมานำท้องเรื่อง ขอฝากเสียงแซกซ้อน กลอนแต้มเผิ่นแต่งมา แนวหินซาพ้อเหล็กกล้า พร้าเปบ่านฟันขวัญ บทสำนวนคารมณ์ขัน ยากสิทันหูเจ้า เรื่องลูกเขยกับแม่เฒ่ามาฟังเอาเป็นโตอย่าง เหตุลูกเขยสิได้ง้าง มันเป็นแท้แม่นจั่งได๋ ..ใจคนเอ้ย...
.
.
มาบัดนี่สิได้ยก กะซู้ตั้ง ฟังสิกล่าวเอามาเสริม เติมลงไปให่มันนัว ซั่วสิเป็นบ่อนเป็นแป้ว ซื่อว่าแมวกับปลาย่าง ไผ๋สิวางมันได้ง่าย เสือยังบ่สิ้นลาย ลูกเขยป่ายข้ามฮั่ว ไปคั่วกับแม่ยาย เหตุลูกเขยสิได้ป่าย ก่อนสิกายกลอนเขิน บังเอิญเห็นติดตา .....(((เห็นหยังกันน้อบาดนิ ไปถามยายหนู กับ อ้ายเซียงเบิ่งเด้อ ))
.
.
ฟังเบิ่งบ่อนสิได้หล่วย เดือนสิอ่วยชนจันทร์ เบิ่งบักสิงสำออยนั้นมันสิก้อยซิ้นต่อน แม่เฒ่าป้อนซิ้นโค่น กะเลยโหย่นแม่นหน่ำลง... หลงทางเมือ ..((ศรีเมืองใหม่))จ้อย...
.
((แม่เฒ่า-หนูซิง)) เจ้าเป็นเป็นหยังพ่อบักน้อยมีหยังห้อยอยู่ในใจ เผยความในพอฮู้ มีหยังห่ามามัวหมอง แม่นผิดของครูคาย จั่งได๋ให่ลองเว้า
.
.
ลูกเขยเหงาทำทรงวางดักล้อม ซอมทางสิม้างขื่อ อีกบ่ดนต้องได้ฮื้อตีนสิ่นแม่ยาย
.
.
((ลูกเขย-เซียงน้อย)) แม่เฒ่าจ๋า ของบ่เป็นตาการ อ่านเห็นมันเป็นฮ้าย กะบาดคิดอยากอาย คันสิขายความเว้า บอกว่า เมียเฮามันบ่เอาใจใส่ เมียผุอื่นซ่างเป็นไคเมียโตหน่าบ่ล้าง สมสร้างบอกบ่อเอา ....
.
.
ทางลูกเขยแกล้งเว้า เบิ่งเฒ่าแม่มาคือไค เมียโตหยังบ่เป็นพื้นขืนทำลงย้อนส่งเหี่ย เสียกะเสียย้อนคิดกลุ้มหาแนวแก้แม่นบ่ทัน เบิ่งแม่ยายว่านั่นเกลี้ยงเบ่ยเล่ยให่เขยหลง ทำเป็นงงเดินตามป่อนมือไปนำพ้อม ลูกเขยซอมมาหลายมื้อสีคือๆ เลยป้อนใส่ .
.
((แม่เฒ่า-ยายหนูซิง)) ข่อยเห็นใจพ่อบักน้อยสิพอต้อยได้อยู่ตี๋ สิไล่แม่บักหำหนีไปส้อน คอนสวิงลงท่ง ไห่ดอก

.
.

((((((((((((((โปรดติดตามตอนต่อไป))))))))))))))))))))

.
.
น้องหล่ามาลำไห่ฟัง กะอย่าว่ากันเด้อ คำบางคำเป็นคำมาตะโบร่ำโบราณหั่น บ่มีแปลงดอกเด้อจ้า (t (t
.
.
ขออภัยในบางลีลา ถ้าใครมีตัญหาเชิญโทรปรึกษาได้ พะนะ ((โดยเฉพาะ ยายหนู กับ อ้ายเซียง))
.
.

.
หนึลงท่งจักมื้อก่อน ก่อนสิถึกฆ้อน คุณยาย กับ อ้ายฮัก 5555555

[ติ๋ม เปอร์โย]

อะป้าดดดดโธ...ลุกได้แล้วสามาเป็นลายนี่น้อบาดหนี่...คลำคิงเบิ่งดู๋หละ ไข้แตกตี้
::) ....พี่มิคเอ้ยมาเบิ่งเอาเด้อหนี่...ติ๋มบ่ได้ป่วงผู้เดียวเด๋::) หนักเอาการหล่า หนักเอาการ..
เอ้าม่วนๆโลดน้องหล่า จ๊วดดดดด....กรู้ววววว....

[ส.มักม่วน]

แจ่มเอื้อยแจ่ม แจ๋วเลยเอื้อย นิ่มสิถ้าเบิ่งดอกเด้องานนี่ กรู้วววววว

[sompoi]

แม่นพอปั่วไป่น้อแนวนิหน่อ..::)แม่นป่วง หือ เมา น้อติ๋มเอ้ย..::)

[ตุ๊กตาไล่ฝน]

น้องติ๊ก เมาโออิชิ บ่หล่า

[nuzing]

กร๊ากๆๆๆๆๆๆๆๆๆ หล่าติ๊ก ตอนจบอย่าให้แหม่เถ่าอารมณ์ค้างเด้อ.
แห่งส่มปากบ่าวเซียงยุ เดี๋ยวยายสิมาฟังใหม่ย่านเด็กน้อยมันจกตากัน เอิ้กกกส์ๆๆมาติดตามชมเด้อ ยายสิได้ลูกเขยบ่ ย่านผู่อื่นมาชิงตัวแหมะ ฮิ้วๆๆถืกใจแหม่เถ่าคักเซียงเอ๊ย::)

[ตรี ศรีเมืองใหม่]

ฮ่า ฮ่า ฮ่า มาแหวกแนวแท้น้องติ๊ก...ขอเวลาไปแต่งกลอนก่อนจั่งสิมาลําต่อให้..ว่าแต่คนหัวหน้าคณะบ่าวคนเดิมคือบ่อเห็นมาออกเอ่ยเผยวาจาน๊อมื้อนี้ น้องติ๊กเอารูปนางเอกลูกสาวแม่ไหย่หนูซิงมาโชว์โตแหน่เด้อ...หมายเหตุทิดคําศรี มาเป็นพระเอกคู่กับข้อยแหย่เด้อเรื่องนี้ข้อยลําบ่อเก่ง(จกเก่งอย่างเดียว)ฮ่าๆๆๆ//แม่เฒ่าหนูซิงขอร้องละอย่าอ่านกินลูกเขยบ่าวเซียงน้อยเด้อ..ให้แต่ลูกเขยบ่าวเซียงน้อยอ่านกินลูกสาวเจ้าก็พอ ฮ่าๆๆๆ...