กุ้งอบวุ้นเส้น...สูตรอ้ายพลจ้า

[ขอโทษที่คิดถึง...เด็กดื้อ]

กุ้งอบวุ้นเส้น...สูตรอ้ายพลจ้า

เมื่อวานกลับบ้านเร็วไปทันอ้ายกำลังเฮ็ดกุ้งอบวุ้นเส้นอยู่จ้า... กำลังเอาวุ้นเส้นในหม้อสิอบแล้ว ...เด็กน้อยกะฟ้าวบอกว่าหยุดก่อนขอถ่ายรูปก่อนจ้า... อ้ายกะรอนิดหนึ่งแบบขัดใจบ่ได้นั่นแมะ ...อิอิอิ

เด็กน้อยกะฟ้าวถ่ายพร้อมกับอ้ายเร่งว่าเร็ว ๆๆๆๆ พอถ่ายรูปเสร็จเพิ่นกะบอกว่าหลีก ๆๆๆ ไปไกลมันกีด...เด็กน้อยกะเลยแอบไปอยู่ตรงประตู้ดูคราว ๆ แล้วกะไปนั่งรอกินจ้า (พร้อมเล่นเน็ตรอจ้า)...เหอ ๆๆๆๆ

เครื่องปรุง

กุ้ง วุ้นเส้น คื่นฉ่าย ซีอิ้วขาว ซีอิ้วดำ รสดี

วิธีทำ

1. แช่วุ้นเส้น แกะกุ้งแช่ซีอิ้วขาว หั่นผักคื่นฉ่าย

2. เอาหม้อตั้งไฟใส่เครื่องปรุงอย่างลงไป แล้วกะปิดฝา กะเปิดคนแนะจ้า พอสุกกะเสิร์ฟได้จ้า

ปล. ฝีมืออ้ายพลเฮ็ดอีหยังกะแซบเบิดจ้า...ย่องอ้ายคนมักจ่มก่อนจ้า... บ่ได้ถ่ายรูปคนเฮ็ดจ้าเพราะอ้ายหน้าบูด...อิอิอิ

[ปีใหม่]

ฟ้าวมาก่อนหมูเลยเนาะ พี่เด็กน้อยขอกุ้งจัก3โตเด้อ ;d;d มักจร้ากุ้งอบวุ้นเส้น

555+ อยากเบิ่งตอนอ้ายพลหน้าบูดเป็นจั่งไดน้อ ::)

[ส.มักม่วน]

ขอยืมโตอ้ายพลไปเป็นพ่อครัวงานกินดองแหน่ได้บ่น้อเอื้อย เป็นตาเฮ็ดกับข้าวแซบเนาะ :)

[ตรี ศรีเมืองใหม่]

เป็นตาแซบแท้น้องเด็กดื้อ..อ้ายพล..ขอกุ้งพล่า แหน่เด้อเมนูต่อไป ผมเห็นกุ้งแล้วคิดอยาก (เอาไป 5 ดาวจ้า เด็กน้อยกระทู้นี้ อิอิๆๆ)

[คนตระการ...]

เป็นตะแซบแท้ล่ะเอื้อย ซาอ้ายพลจ่มนึกว่าบ่อกินเส้นแล้ว ::)

[แมวเหมียวพลัดถิ่น]

โอ้โห้ ของโปรด เลยเด้อเนี่ย เห็นแล้วกะอยากกิน เป้นตาแซบเน้อค่ะ สิลองทำเองเบิ่ง จักเทื่ออยู่ค่ะ :g

[แหลวแดง]

เจ้าคือบ่เฮ็ดให้อ้ายพลกินแหน่เจ้ ไปนั่งเล่นเน็ตท่ากินว่านี่แหมจั่งแม่นสำบายเนาะ หึย เป็นตาแซบแท้ๆมื้อลุนสิไปเฮ็ดกินลองเบิ่งอยู่ดอก ขอบคุณคับที่เอามาให้เบิ่ง เอามาอีกหลายๆเด้อเจ้ :g

[มักสาวฟังลำ]

เป็นตาแซบเนาะครับ ไถนามาเมือยๆได่จักจานคือสิมีแฮงเนาะครับ

[ไม่สวยแต่เร้าใจ]

เข้าท่าปานเรือตั้ว เฮ็ดง่าย ๆ แต่แซบขนาด

[ติ๋ม เปอร์โย]

เห็นแต่รูป แม่นบ่ปรุงกะแซบแล้วหละเนาะ เด็กน้อย....ดีหลายคักเจ้ามีกุ๊กประจำบ้าน...
ขอเส้นหลายๆเด้อ1จาน..ตาแซบคัก...