ป่าติ้ว หรืออ้ายกบน้อยเยือนสุรินทร์
ลูกหิน....อ้ายขอร้อง..พะนะ
20.00 น. 26 มิถุนายน 2551
อ้ายป่าติ้ว : ฮาโหล... สวัสดีครับ กบเด้อสิไปหาลูกหินเด้อ
ลูกหิน : จ้า...สวัสดีจ้า..อ้ายกบสิมาสุรินทร์บ่ จ้า มาธุระบ่จ้า..ฮอดไสแล่ว
อ้ายป่าติ้ว : กำลังออกจากกรุงเทพ... บ่ เกิน 5 ทุ่ม ฮอดสุรินทร์แล้วสิเลยไปศรีษะเกษไปทำข่าวที่เขาพระวิหาร
ลูกหิน : อ๋อจ้า ฝนตกเด้อ ขับรถดีดี บ่ ต้องฟ้าวเด้อจ้า จั่งได๋โทรบอกอีกทีเด้อใกล้ ๆ
เพราะลูกหินออกมาข้างนอกเด้อตอนนี้
.
.
อ้ายกบหรืออ้ายป่าติ้ว... หนึ่งในสมาชิกบ้านมหาที่ลูกหินเคยมีโอกาสได้พบกันครั้งหนึ่งแล้วที่ จังหวัดอุดรฯ .... คราวนี้ด้วยหน้าที่การงาน อ้ายป่าติ้วเพิ่นต้องๆไปทำข่าวเรื่องเขาพระวิหาร ซึ่งจะต้องผ่านเขตพื้นที่ ของลูกหิน
( คิ คิ ไผ๋ สิไปอีสานใต้ กะต้องผ่านลูกหินหละจ๊ะ)
ลูกหินทำธุระ ใจ กะคิด แมะ สิขับแนวใด หน๊อ ออกจากรุงเทพ 2 ทุ่มมาฮอดสุรินทร์บ่เกิน 5 ทุ่ม สิเหาะมา บ่หน๊อ อ้ายเรา ::) ::) ::)
.
.
เวลาผ่าน ไป 5 ทุ่มกว่า โทรถามกะยังบ่ฮอด... ลูกหินเข้าบ้านแล่วตอนนั้น (((จริง ๆว่าสิยัง บ่ เข้าดอกแต่กะต้องเตรียมตัวบ้างหละเน๊าะ ผุบ่าวสิมายามแมะ )))
.
.
เที่ยงคืน ผ่านไป ..... เอ... ยังบ่ มา
01.10 น....ของวันใหม่ โทรศัพท์กะดังมา บอกว่าฮอด อ ปราสาทแล้วเด้อ ...บ่ เกิน 30 นาที เจอกันครับ
เกือบ 01.30 อ้ายป่าติ้วกะอ้ายแอนท์มด กะมาฮอด อนุสาวรีย์พระยาสุรินทร์ภักดีศรีณรงค์จางวาง... ลูกหินกะไปรับ ขับรถนำไปกินข้าวต้ม พูดคุยกัน....เว้ากันม่วน ๆ ตามประสาคนนาน นาน เจอกันหละจ๊ะ อ้ายกะได้พักรถไปด้วย ...
แยกย้ายกันตอนประมาณ 02 . 30 น. วันที่ 27 มิถุนายน 2551 เพราะอ้ายป่าติ้วต้องเดินทางต่อไปที่ศรีเกษฯ
ที่มีกระทู้นี้เพราะว่าอ้ายป่าติ้ว เพิ่นขอร้อง เพิ่นบอกว่าช่วงนี้ งานเพิ่นหลาย บ่ มีเวลาเข้าบ้านมหาเลย รวมทั้งแอนท์มด ด้วย เพิ่นกะบอกว่าลูกหิน เอารูปอ้ายไปลงในเวปให้แน๋ ..เดี๋ยวพี่น้องบ้านมหาสิลืมอ้าย ::) จั่งได๋กะ บอกนำ ว่า อ้ายคิดฮอด คิดฮอดทุกคนเด้อ
((((ลูกหินบอกแล้วเด้อ จ้า))))
ลูกหิน จึงขอนำรูปมาลง พร้อมบันทึกไว้ที่บ้านมหาไดอารี่ วันนี้อ้ายป่าติ้ว มาเยี่ยมลูกหินฮอดสุรินทร์ ...มีโอกาสทานข้าวกับอ้ายลูกหินกะดีใจแล่วจ้า จั่งได๋ เสาร์อาทิตย์กะสิไปให้กำลังใจที่เขาพระวิหารเด้อ คั่นไปได้ อิอิ (t (t
มุมหนึ่งของเมืองสุรินทร์
ลูกหิน..คนไกล ๆ
บันทึกไว้เป็นความทรงจำ
27 มิถุนายน 2551
03.44 น.
อ้ายป่าติ้ว
แอนท์มด จ้า
Bookmarks