เป็นอีกเมนูหนึ่งที่เฮ็ดกินดู๋...มักเนื้อปลาทับทิมที่สุด..อาหารนี่เฮ็ดแต่2อาทิตย์ที่แล้วจ้า
พึ่งมีโอกาสได้เอามาลง...อาทิตย์นี่ยังบ่เฮ็ดหยังกินเลยอยู่เฮือน...บ่ค่อยหิวจ้า...
คึดฮอดพ่อกับแม่ เพิ่นมักคัก นึ่งปลากับแจ่วแซบๆ...กลับบ้านยามใด๋กะไปเฮ็ดสู่เพิ่นกินอยู่...
เริ่มลงมือเลยจ้า แจ่วแมงดา...หอมแดง5หัว กระเทียม2กลีบใหย่ๆ พริกกระเหรี่ยง25-30เม็ด
หมากเขือเทศ4-5หน่วย เนื้อหมากขามสุกนิดหน่อย แมงดา3โต...ย่างไฟให้สุก...
หมากเขือเทศลอกเปลือกออก...แมงดาเด็ดปีกออกหั่นถิ่มใส่ครกตำให้แหลก..ใส่หอมแดง+กระทียม+เกลือเม็ด ตำต่อไปแล้วใส่พริก+หมากขามโขลกจนแหลก
แล้วใส่หมากเขือเทศ..ตำเบาๆจนละเอียด..ปรุงรสน้ำหมกนาว น้ำปลา ผงชูรสใส่น้ำตาลแทนได้จ้า...ตักใส่ถ้วย
นึ่งปลากะใส่ผักเท่าที่หาได้กะแล้วกันเนาะจ้า..หมักปลากับเกลือ+ซิอิ้วขาว
เครื่องเทศที่ใส่นำมี ตะไคร้ทุบหั่นท่อน กระเทียมหั่นบาง ข่าหั่นแว่น ใบหมากกรูดฉีก
นำไปนึ่งจนสุก...
อย่าลืมนึ่งข้าวเหนียวฮ้อนๆ...เชิญแซบ...เป็นกับข้าวที่เฮ็ดง่าย...เชืญแซบจ้า
มาเด้อพี่น้องกินซ่อยแหน่จ้า...ติ๋มกินกับลูก2มื้อค่อยเบิดกะยังว่า...
ส่วนแจ่วยังบ่เบิดอยู่จ้า..ใส่ขวดแก้วปิดฝาแน่นๆใส่ในตู้เย็นไว้ได้หลายมื้อจ้า
อั
นนี่เป็นแกงไก่ใส่หน่อไม้ส้ม...ผักที่เก็บมาจากสวนหลังบ้าน...งามบ่
รสชาดกะพอกินได้หละจ้า...
Bookmarks