หน้าที่ 1 จากทั้งหมด 2 หน้า 12 หน้าสุดท้ายหน้าสุดท้าย
กำลังแสดงผล 1 ถึง 10 จากทั้งหมด 12

หัวข้อ: คิดฮอดบ้าน....มุมเหงา...ของสาวมักม่วน

  1. #1
    ส.มักม่วน
    Guest

    พบปะพูดคุย คิดฮอดบ้าน....มุมเหงา...ของสาวมักม่วน


    ตอนนี่นิ่มเมื่อยหลายพี่น้อง จักว่าหยังเป็นหยัง แห่งใกล้มื้อสิแต่งนิ่มแห่งเมื่อย ท้อ....จนบอกบ่ถืก กินข้าวกะบ่ลง นอนกะบ่หลับ ยามกินบ่ได้นอนยามนอนบ่ได้กิน อุกอั่งเอ้าอยู่ในๆแต่บ่สามารถบอกไผได้เลย............................

    คิดในใจ มื้อนี่ซะมาลำบากแท่น้อ.......คิดอีกแง่หนึ่ง คนอื่นลำบากกว่าเฮากะมีหลาย เฮากะนับว่าโชคดีในระดับหนึ่งแล้ว ที่มีบ้านอยู่มีข้าวกิน มีงานเฮ็ดบ่ต้องเร่ร่อนคือคนอื่นที่เฮาเคยเห็น ชีวิตเมืองกรุง ลำบากกว่าที่คิดไว้หลาย

    ตอนเป็นเด็กน้อย เคยคิดไว้ว่า อนาคตต้องเข้าไปเฮ็ดงานในกรุงเทพให้ได้ ..........เมื่อวันเวลาผ่านไป ได้เข้ามาเฮ็ดงานในกรุงเทพ......ความคิดกะเริ่มเปลี่ยนไป ตอนนี่บ่อยากอยู่แล้ว...อยากเมือบ้านไปอยู่กะพ่อ-แม่ อยู่กะน้องชาย อยู่เฮือนที่พ่อเฮ็ดให้อยู่ให้เซา

    ตอนเป็นเด็กน้อย ฮอดยามเฮ็ดไห่เฮ็ดนา ฝนตกๆ พ่อไปไถนาฮุด อย่างนำก้นพ่อสุห่องไถ ฝนตกแล้ว2-3 มื้อ หญ้าป่งใหม่ ยอดอ่อนๆเขียวๆ ฮอดยามดำนาเสาร์อาทิตย์กะไปส่อยพ่อส่อยแม่เฮ็ด ฝนตกเรื่อยๆกบกะมาไข่ แล้วกะเป็นฮวก ฮอดยามนั่นหาส่อนฮวกมาให้แม่แกงกินกับข้าวยามเที่ยง ดำนาแล้วฮอดยามตัดปอ กะไปส่อยพ่อตัด ((( ฮอดยามค้านกะไปเล่นน้ำอยู่ห้วยตะวัน)))

    ตอนดำนาแล้วหม่องสิเลี้ยงงัวกะบ่มี กะไปเกี่ยวหญ้าส่อยแม่ส่อยพ่อใส่รถไถนา มาไว้ให้งัวกิน เบิดหน้าดำนา กะฮอดยามเกี่ยวข้าว จันทร์-ศุกร์ต้องไปเรียนหนังสือ ตอนยามแลงหลังจากเลิกเรียนกะปั่นจักรยานไปหาแม่-พ่ออยู่นา ไปหดน้ำผัก2-3แปลง ที่แม่ปลูกไว้ จากหั่นปล่อยงัวอยุ่นาไล่มาเข้าคอกอยู่บ้าน เสาร์อาทิตย์ส่อยพ่อ-แม่เกี่ยวข้าว บางมื้อแดดฮ้อนหลาย ง่วงกะง่วง อย่างมากินน้ำอยู่ห่มไว้ พ่อเผิ่นเอากระติกน้ำตั้งไว้หั่นเนาะ ขึ้นมากินน้ำกะบ่ได้ลงไปเกี่ยวข้าวไวล่ะเนาะ แนวกระติกน้ำแม่เผิ่นซื้อน้ำแข็งมาใส่ มันกะเย็น นิ่มกะนั่งกอดกระติกน้ำแข็งหั่นล่ะ จนว่าหลับ ขึ้นมากินน้ำดนหลายผู้เถ่าสงสัยเผิ่น

    เลยอย่างมาเบิ่ง ............. ฮ่วยมาลักนอนเว็นตั่วนี่ พะนะ..... เกี่ยวข้าวไปบางงานนาน้ำในแจบั่นบกกะพ้อปลาข่อนกะเก็บใส่คุไว้ เอาไปไว้เฮ็ดกินแลง คันได้พ้อปลาข่อนกะดนอีกแล้วพี่น้องจักปลาหลายบ่หลายแต่ว่าจับดนซะเหลือเกิน จนผู้เถ่าได้เอิ้นอีกพุ่นล่ะจั่งสิวางมือ เกี่ยวข้าวแล้วยามมื้อแลงขึ่นมากะเฮ็ดปี่มาพร้อม เอาต้นข้าวล่ะเฮ็ด แล้วกะเป่าๆๆๆๆๆๆๆๆ จนเผิ่นหนวกหูพุ่นล่ะจั่งสิเซาเป่า อีหยังกะส่างตอนเป็นเด็กน้อย เฮ็ดจนผู้เถ่ารำคาญพุ่นล่ะจั่งสิเซาเฮ็ด 555

    เกี่ยวข้าวแล้วบ่ดน ประมาณอาทิตย์กว่าๆ พ่อเผิ่นกะพารวมเข้าเก็บข้าวมาโฮมอยู่ลานประมาณ2-3 มื้อกะรวมแล้วเพราะว่ามีนิ่มกะน้อง ส่อยแค่ 2 คน พอรวมแล้วกะเอิ้นไทบ้านเผิ่นมาสีข้าวส่อย เฮ็ดกับข้าวสู่หมู่เผิ่นกิน หลักๆกะลาบเป็ด ต้มเป็ด ต้มไก่ บางเถื่อกะล้มหมูโตน่อยๆโตหนึ่ง ที่สิขาดบ่ได้กะคือเหล้าขาว เหล้าโท ฮอดตอนสีแล้วกะขนเมือบ้านเอาข้าวเทใส่เหล้า ตอนเอาข้าวเทนี่ไผกะอยากเทเพราะว่าเล้าที่พ่อนิ่มเฮ็ดไว้ ใหญ่แฮง จนคนมาสีข้าวส่อยอยากฮู้ว่า หลายปานได๋ข้าวจั่งสิเต็มเล้าเฮือนนี่..........มื้อเอาข้าวขึ้นเล้าเป็นมื้อที่เมื่อยคักเลยเพราะว่านิ่มต้องส่อยแม่เฮ็ดกับข้าว ต้องล้างจาน หาซื้อของให้เผิ่นแนวเผิ่นขาดเผิ่นเหลือ ขับรถมอเตอร์ไซด์จนวินพุ่นล่ะไปกว่าสิแล้วกะจนว่าค่ำว่ามืด กว่าสิได้ผลผลิตแต่ล่ะปี พ่อกะแม่คือคนที่เมื่อยที่สุด

    ฮอดมื้อนี่นิ่มอยากเมืออยู่บ้านหลายพี่น้อง แต่กะต้องทนไปก่อนอีกจัก 2-3 ปีจั่งสิเมืออยู่บ้าน ฮอดเวลาที่ต้องกลับไปเบิ่งอีหยังส่อยพ่อแม่อยู่บ้านแล้ว ที่สำคัญกะสิได้อยู่ใกล้พ่อใกล้แม่คือแต่เก่า............. เว้ามาล่ะคิดฮอดบ้านเดเนาะ เมือบ้านเที่ยวนี่สิไปหาส่อนฮวก รำลึกเถื่อแต่กี้คาวเป็นเด็กน้อยก่อน......

    **********ลูกอีสานบ่ลืมบ้านเกิด*********

  2. #2
    ฝ่ายเทคนิคและโปรแกรม สัญลักษณ์ของ ต่วง
    วันที่สมัคร
    Feb 2008
    กระทู้
    2,090
    อยู่ไสมันสิสู่อยู่บ้านเกิดเฮาน้อน้องหล่าแต่อ้ายกะยังอยากกลับไปอยู่บ้านเค็ดไฮเค็ดนาเลี้ยงไก่เลี้ยงกาคือสิมีความสุข

  3. #3
    Joela
    Guest
    อั่นแม้นเจ้าเมื่อยหยั่งล่ะนิ่ม....เมื่อยเพราะดีใจ ซิใด้แต่งบ้อ...เอิ้กๆๆๆ::)
    ขนาดยังบ่แต่งเจ้ายังจ่มซ่ำนี้น้า.....
    ถ้ามีลูก 3 เจ้าซิบ่จ่มหลังอาหาร3เวลาพุ้นตี้ ....เอิ้กๆๆๆๆๆๆๆๆๆ
    ::)::)::)::)
    อั่นอ้าย..ยังอยากใด้อยุ่เด้อคับ..ดอกลำดวน นั้นน่า....ถ้าว่างหรือมีโอกาศ กะโยนเม็ดมาทางภูเก็ตแน่เด้อคับ...อิอิ
    ซิลองปลูกเบิ่งซั้นดอกว่า....

  4. #4
    ฝ่ายบริหารระดับสูง สัญลักษณ์ของ ตรี ศรีเมืองใหม่
    วันที่สมัคร
    Apr 2006
    ที่อยู่
    หนุ่มอุบล คนศรีเมืองใหม่
    กระทู้
    4,876
    ฮ่า ฮ่า ฮ่า น้องนิ่มบอกว่าเหนื่อย ใกล้สิแต่งงานแห่งเหนื่อย...อิอิๆๆ "อ้ายขอบอกว่าแต่งงานแล้วแห่งเหนื่อยกว่านี้เด้อน้อง ฮ่าๆๆๆ"//// ///น้องนิ่มเล่ามาบรรยากาศท้องไร่ ท้องนา อ้ายว่าคนที่เข้ามาทํางานเมืองกรุงก็คิดเหมือนน้องละครับ รวมทั้งอ้าย

  5. #5
    เว้าซะเอื้อยบ่อยากอยู่เลยเมืองนอกนี่นิ่มเอ้ย...หม่องว่ากลับคืนไปดูแลพ่อ แม่ยามแก่เฒ่านั่นตี้....
    น้ำตาแตกเลยเอื้อย...บ่มีบุญวาสนาคักหล่าเอ้ย คึดฮอดบ้านคัก...

  6. #6
    ฝ่ายบริหารระดับสูง สัญลักษณ์ของ พล พระยาแล
    วันที่สมัคร
    Mar 2008
    กระทู้
    6,940
    บ่ว่าอยู่ไสกะสู่บ้านเกิดเมืองนอนของเฮาบ่ได้ดอกครับ เพราะที่นั่นมีพ่อมีแม่ญาติพี่น้องอบอุ่นดี เวลาเจ็บไข้ได้ป่วยกะเบิ่งกะแยงกัน

    เพราะหน้าที่การงานจั่งเฮ็ดให้ข่อยจากอีพ่ออีแม่มาไกลปานนี้ อีกบ่จักกี่ปี ข่อยกะสิไปอยู่บ้านแล่วคือกัน ตอนนั้นกะอายุประมาณ 60 ปี อีพ่ออีแม่กะคงสิบ่ยังแล่วล่ะ

    ฮือ ๆ ๆ ๆ ๆ ๆ ๆ คึดฮอดบ้านเฮาเนาะ

  7. #7
    แบ่งปันความรู้และประสบการณ์ สัญลักษณ์ของ น้องข้าวเหนียว
    วันที่สมัคร
    Jun 2008
    กระทู้
    68
    ที่เอื้อยนิ่มเว้ามาน้องเข้าใจเบิดเลย...นึกภาพออกพร้อมแมะเอื้อย ถึงสิซำบายสิมีเงินมีทองกว่ายุบ้านเฮา...แต่กะบ่สุขใจท่อยุบ้านเฮาดอกเอื้อย ท่าบ่หว่ามาต่อสู้หาเงินหาทองบ่มีไผสิอยากมายุไกลๆบ้านดอก...น้องหว่า! น้องกะคึดฮอดบ้านหลายๆ..คึดฮอด24ชั่วโมง
    น้องดีใจกับเอื้อยนิ่มแท้สิได่แต่งงานแล้วแมะ ที่เอื้อยบอกว่าเมื่อยๆ...บ่แม่นเอื้อยนิ่มตื่นเต้นเบาะน๊อ? เป็นตะตื่นเต้นอิหลีเด้แระเนาะเอื้อย ...อิอิ มื้อได๋น้อน้องสิมีมื้อดีๆจั่งสิบ้าง สมน้ำหน้าเจ้าของยุ...ฮ้องค้าดองไปหลายโพด เลยอดแต่งไวๆ:)

  8. #8
    นักปราชญ์เมืองอีสาน
    ศิลปินนักแต่ง ผญา
    สัญลักษณ์ของ ศรีสะท้าน
    วันที่สมัคร
    Aug 2006
    กระทู้
    4,311
    ดีแล้วหล่ะหล้าเอ้ย นิ่ม คนเฮาคันบ่เคยพ้อความลำบากย่อมบ่ฮู้ค่าของตัวเอง ปริญญาหยังกะบ่ท่อปริญญาชีวิตดอก ปริญญาชีวิต ลอกเลียนแบ เฮียนนำกันบ่ได้ กะดีใจนำน้องหล้าเด้อ สิได้เป็นฝั่งเป็นฝามีเหย้ามีเฮือน มีภาระรับผิดชอบในชีวิตคู่ต่อไปในวันข้างหน้า..มื้อใด๋กะบอกแหน่หล่ะ สิไปซ่อยฟักซี้น อิ อิ อิ

  9. #9
    ผู้ช่วยผู้ใหญ่บ้านมหา
    มิสบ้านมหา 2012
    สัญลักษณ์ของ ติ๊กต็อค
    วันที่สมัคร
    Mar 2007
    กระทู้
    2,197
    บล็อก
    3
    ฮ่วยยยยย เอื้อยอ้ายแหมะ คือมาพาเต้ยโศก...แห่งตะคิดฮอดบ้านอยู่แหมะ อยากไปกอด เฒ่าแม่เฒ่าพ่อ

  10. #10
    ถึงสิเมื่อยแต่มีความสุขเนาะ เว่าแล้วกะคิดฮอดตอนเป็นเด็กน้อย ชีวิตเอื้อยกะคือนิ่มนี่หล่ะ

กฎการส่งข้อความ

  • You may not post new threads
  • You may not post replies
  • You may not post attachments
  • You may not edit your posts
  •