กำลังแสดงผล 1 ถึง 8 จากทั้งหมด 8

หัวข้อ: ก่อนสิฮอดงานพาแลง....1

  1. #1
    ส.มักม่วน
    Guest

    พบปะพูดคุย ก่อนสิฮอดงานพาแลง....1


    ความคิดแรกทีได้ฮู้ว่าสิมีงานพาแลงเกิดขึ้น....ต้องไปให้ได้..บ่ว่าอีหยังสิเกิดขึ้นเฮากะต้องไปงานพาแลง 1......
    กะเลยไปขออนุญาตคนอยู่บ้าน....ณ ตอนแลงมื้อนั้นกะเลยขออ้ายเผิ่น ผลที่ปรากดปลาขะแยงกะคือ ไปติล่ะ.....

    หลังจากหั่นมา 2 อาทิตย์ก่อนฮอดงานพาแลง อ้ายเผิ่นบอกว่า บ่ให้ไปแล้วเด้องานพาแลงบ้านมหาน่ะ ไกลโพดไกลเหลือ ตั้งว่าลาดพร้าว ไกลกว่าหมอชิตพุ่นได๋หล่าเผิ่นว่า นิ่มกะพยายามขอ อ้อนวอน ปนขอร้องว่าอยากไป คนอื่นเขากะไปเดอ้าย เอื้อยอ้ายเผิ่นอยู่อยุธยาเผิ่นหยังมาเนาะ นิ่มอยู่แค่บางบอนกะสิบ่ให้ไปซั่นบ้อ ทางนั่นว่า ไปกะส่างเผิ่นตั่วอ้ายบ่ให้นิ่มไป พะนะ ........ อารมณ์ 00000000 เลยเกิดขึ้นในใจ นิ่มเลยบอกไปว่า บ่ให้ไปกะส่างนิ่มสิไปเนาะ ลองเบิ่งติล่ะ งานบ่ได้มีสุมื้อเนาะโดนๆมีเถื่อ พ้อเอื้อยอ้ายเผิ่นคนอีสานนำกันไว้ใจกันได้อยู่แล้วล่ะ นานาเหตุผลเริ่มยกมาอ้างย้อนว่าอยากไปงานพาแลง อ้ายเผิ่นกะยืนยันคำเก่าว่า...บ่ให้ไป....พออยากนั่งไห้พุ่นล่ะพี่น้อง ก่อนสิฮอดงานพาแลง....1ก่อนสิฮอดงานพาแลง....1
    ผ่านไปจนเกือบฮอดมื้องาน 2 มื้อ กะเลยออนเอ็มปรึกษากะคุณครูตุ๊กตา เผิ่นว่าเอื้อยสิบอกน้องหล่า ให้ใช้วิธีนี้ ....ถ้าเผิ่นบ่ให้ไปนิ่มกะเคียดโลดน้องสาว วิธีนี้ได้ผล เอื้อยใช้มาแล้วพะนะ....เอื้อยกะดายเนาะ กะเลยตกลงกะเผิ่นว่าสิใช้วิธีที่เอื้อยว่านี่ล่ะ

    พอฮอดยามแลงเมือบ้าน นิ่มเลยใช้วิธีเอื้อยเผิ่นว่า....ขอเผิ่นกะว่าบ่ให้ไปนิ่มกะเคียดอย่างคักเพื่อความสมบทบาทนิ่มกะฮ้องไห้นำ...ขอส่ำนี่กะบ่ให้นิ่มไปเนาะ...ฮือๆๆๆๆก่อนสิฮอดงานพาแลง....1ก่อนสิฮอดงานพาแลง....1ก่อนสิฮอดงานพาแลง....1 พุ่นน่ะ ในที่สุดอ้ายทิดกะใจอ่อน ฮอดมื้องานกะ 2 จิต 2 ใจ ว่าสิไปหรือบ่ไปดี มันซะมาไกลแท่น้อ ค่ารถกะคือสิหลายบาทแท่ ค่าแท็กซี่กลับมา 300 พุ่นล่ะอย่างต่ำๆ ใจหนึ่งกะเสียดาย อีกใจกะย่านเสียดายถ้าบ่ได้ไป พอดีหมูหวานโทรมาหา กะเลยเว้ากันตอนแรกบอกหมูหวานว่าบ่แน่เด้อเผิ่น เขาอาจสิบ่ได้ไปกะได้ ถ้าไปกะพ้อกันอยู่งานพาแลงพุ่นล่ะ

    17.00 น. เลิกงาน คิดแล้วคิดอีก ไปดีบ่น้อ ในมือกะถือเหรียญบาทเตรียมโตโทรศัพท์ไปหาอ้ายทิดบอกว่านิ่มไปแล้วเด้อ เดิกๆ จั่งสิกลับ แล้วกะตัดสินใจขึ้นรถเมล์ในตอนนั่น นั่งรถ เมล์ออกจากหม่องเฮ็ดงาน ไปต่อรถอีกต่อ แล้วกะไปนั่งรถไฟฟ้า ลงจากรถไฟฟ้ากะนั่งแท็กซี่อีกต่อหนึ่ง จั่งฮอดงานพาแลง กว่าสิได้ไปเนาะพี่น้อง ยากคักขนาด ถ้ามื้อนั่นบ่ได้กลยุทธจากคุณครูตุ๊กตานิ่มกะคือสิบ่ได้ไปหย่าวหน้าฮ้านนำเผิ่นดอก
    หลังงานพาแลงจบกะได้พี่ชาย....เอ๋nsb มาส่งฮอดหน้าบ้าน พอมาฮอดบ้านกะเกือบตี 1 ไปแล้วอ้ายทิดกะยังบ่ทันนอนเลยเผิ่นนั่งถ้าอยู่ อ้ายเผิ่นว่า ไปงานเป็นได๋แหน่ .....กะเลยตอบไปว่าม่วนดีอยู่อ้าย แต่ว่านิ่มเจ็บท้องเลยกินหยังได้บ่หลาย เสียดายอีหลี เผิ่นเลยถามอีก ได้หย่าวหน้าฮ้านบ่ละ ทางนี่หัวยุ้มๆ บ่เหลือดอกอ้ายนิ่มไปปานนั่นแล้ว เผิ่นเลยว่า ...... ดีแล้ว ไปทั้งเถื่อต้องม่วนให้คุ้มสิได้บ่ต้องมาจ่มว่า บ่ได้หย่าวหน้าฮ้านเลย สิได้บ่ต้องเสียดาย...นิ่มเลยบ่แน่ใจว่าอ้ายเผิ่นเว้าแบบนี่ เผิ่นจ่มหรือเผิ่นคิดจั่งได๋กันแท่ 55555

    ......นับถอยหลัง อีก 6 เดือน กะฮอดงานพาแลง 2 อยากบอกทีมงานบ้านมหาว่านิ่มพร้อมแล้วเด้อจ้า สิพาเขยบ้านมหาไปพร้อม.....เพื่อความบ่เสียเปรียบไปไสไปกันเนาะ .........

    *****ความพยายามอยู่ที่ไหน ความสำเร็จอยู่ที่นั่น***** พยายามที่สิขอเผิ่นไปงาน เว้าดุ๋ๆ เผิ่นกะให้ไปเองดอกเนาะ ::)::)

  2. #2
    ฝ่ายเทคนิคและโปรแกรม สัญลักษณ์ของ เต็มใจให้เธอ
    วันที่สมัคร
    Jul 2007
    ที่อยู่
    ดอกคูณ เสียงแคน ขอนแก่น
    กระทู้
    1,340
    บล็อก
    6
    ปีหน้า พาหลานน้อยมานำเด้อหล่านิ่ม
    อ้ายสิถ่าอุ้มหลานน้อย เด้อ 555:g::)

  3. #3
    ดีเจ นักจัดรายการ สัญลักษณ์ของ ข้าวปาด
    วันที่สมัคร
    Oct 2006
    ที่อยู่
    finland
    กระทู้
    807
    บล็อก
    1
    น้องนิ่มเว่าแบบนี้ แฮงเฮ็ดไห้เอื้อย อยากไปแฮง โอ้ย สะมาอยุ่ใกลแท่ เทิงอยากนำงาน ฮือๆๆๆ

  4. #4
    ศิลปิน นักร้อง นักแสดง สัญลักษณ์ของ ไอ้เก่ง คนเลย
    วันที่สมัคร
    Feb 2008
    กระทู้
    186

    งานหน้ากะให้เพิ่นพามาตั๊ว................

    ............เอื้อยนิ่ม......................งานหน้ากะพาเพิ่นมานำตั๊วเอื้อย...........พอได้มาแล้ว...........ย้านแต่บ้านมหา งาน 3 งาน 4 ............สิขอเป็นเจ้าภาพเอง...........พู้หล่ะหว่า..........บู๊ย......คันได้เว้าแหม.............

    :g

    :g

    :g

    :g

    :g

  5. #5
    งานพาแลงครั้งที่ 2 ถึงบ่มีคนพาไปกะสิไปเองจ้า... ::)::)::)

    สิไปถ่ายรูปกับดีเจแมะ .... ขนาดงานพาแลงครั้งที่ 1 ยังบ่รู้จักไผ

    กะม่วนและประทับใจขนาด..ครั้งนี้ยิ่งกว่าม่วนล่ะรับประกันจ้าพี่น้อง

    ฟ้าวจัดสรรเวลากันโลดจ้า...เด็กน้อยนะถึงจะไปนาทีสุดท้ายไปปิดงาน

    เด็กน้อยก็จะไปจ้า...เพราะคิดฮอดอยากเจอหน้าและสิได้กอดนั่นแมะ ... ::)::)::)

  6. #6
    ท่องเวบ สัญลักษณ์ของ pui.lab
    วันที่สมัคร
    Jul 2006
    ที่อยู่
    โสดไม่มีใครเอา หรือว่าเราไม่เอาใคร
    กระทู้
    10,172
    บล็อก
    9
    ......นับถอยหลัง อีก 6 เดือน กะฮอดงานพาแลง 2 อยากบอกทีมงานบ้านมหาว่านิ่มพร้อมแล้วเด้อจ้า สิพาเขยบ้านมหาไปพร้อม.....เพื่อความบ่เสียเปรียบไปไ สไปกันเนาะ .........

    *****ความพยายามอยู่ที่ไหน ความสำเร็จอยู่ที่นั่น***** พยายามที่สิขอเผิ่นไปงาน เว้าดุ๋ๆ เผิ่นกะให้ไปเองดอกเนาะ
    :g::)

  7. #7
    ร่วมถ่ายทอดความรู้สู่สังคม สัญลักษณ์ของ จ๊ะเอ๋
    วันที่สมัคร
    Jul 2007
    ที่อยู่
    อุดรซิตี้
    กระทู้
    500
    ดีมากน้องไปไสไปนำกันจั่งมีคนดูแลเนาะ ว่าแล้วกะอดอิจฉาน้องบ่ได้เว่ยน๊อ ((((อยากมีคนดูแล))))))::)::)::)

  8. #8
    ดูแลตรวจสอบเนื้อหา สัญลักษณ์ของ สาวส่าเมืองอุดร
    วันที่สมัคร
    Dec 2007
    ที่อยู่
    Hattiesburg, MS , USA
    กระทู้
    1,287

    รอบยิ้มพิมใจ

    ฮ่าๆๆ ดีเลยน้องนิ่ม ไปนำกันนั้นหล่ะมันค่อยบ่เสียเปรียบกัน พี่จอยมาเสียดายแท้บ่ได้ไปเห้นน้องเขยแมะ ม่วนเพื่อพี่จอยเหมือนเดิมเด้อน้อง::):g::)

กฎการส่งข้อความ

  • You may not post new threads
  • You may not post replies
  • You may not post attachments
  • You may not edit your posts
  •