ซุปเห็ดฝรั่ง

[ติ๋ม เปอร์โย]

หลังจากประกาศลดน้ำหนักอย่างจริงจัง...อาหารที่ทำออกมากะเลยเน้นไปทางผัก...ปลา
ไก่...หมูกับเนื้อกะยังกินอยู่จ้า นานๆเทือ...บ่ได้งดเลยทีเดียว...
ออกกำลังกายอาทิตย์ละ3ครั้งที่ฟิตเนส...ครั้งละ1ชั่วโมง...
แต่บางอาทิตย์ติดธุระกะไปครั้ง หรือ2ครั้ง...เพราะเขาเปิด ปิดเป็นเวลา บ่เคยขาดจักอาทิตย์
อยากสุขภาพดีกะต้องอดทนเนาะจ้า...






มื้อวานนี่เฮ็ดซุปเห็ดฝรั่งหนี่หละจ้า...
ส่วนประกอบที่หาได้ เห็ดฝรั่ง2ชนิด..หอมแดง กระเทียม พริก..นำไปย่างไฟให้สุกเลยจ้า
ปลาทู1ตัวต้มกับน้ำปลาแดก..แกะเอาแต่เนื้อเด้อปลาทูหั่น...
ต้นหอม ผักชี ผักชีฝรั่ง ใบสะระแหน่...หั่นเตรียมไว้โลด



ตำพริก หอมแดง กระเทียมให้ละเอียด...ใส่เนื้อปลาตำต่อแล้วใส่เห็ดโขลกบ่ต้องแหลกหลายดอกจ้า บ่แม่นป่นเห็ด
ใส่หอมต่างๆ ปรุงรส..น้ำปลาแดกต้มนิดหน่อย..น้ำปลา..ผงนัว..น้ำหมากนาวนิดหน่อยเพราะส่วนโตมัก
แบบว่าปรุงตามใจคนกินหละจ้า...มักรสชาดแบบใด๋...บ่มีสูตรตายโตดอกจ้า



มื้อนี่มีเพื่อนมากินข้าวเป็นหมู่...เขาเอาแหนมมานำ...กะเลยเห็นมีแหนมพร้อม...
มาเด้อจ้าพี่น้องบ้านมหา กินซุปเห็ดแบบไกลบ้านนำกัน..กินกับข้าวเหนียว
กินแล้วกะหลับป๋าหมู่ จักเขาหนีกลับบ้านแต่ยามใด๋ ::)

[หมอลำเอกชัยคนหล่อ]

มากินเป็นหมู่คับพี่ เเหนมมักอยู่คับ คันเป็นกับเเกล้ม ขอบคุณคับ;d

[ข้าวปาด]

เป็นตาแซ่บเนาะสาวติ๋ม มีฮอดแหนม โอ้ยยยอยากเด้

[หมูหวาน]

พี่ติ๋มๆๆๆๆๆๆๆ ผักๆๆ มาหมดสวน เลย เป็นตาแซ่บ เนาะ ยกเว้นผัก 555+::) :g:g

[ขอโทษที่คิดถึง...เด็กดื้อ]

เอื้อยติ๋มจ๋าเป็นตาแซบแท้น้อ...เด็กน้อยกินนำแนะจ้ามื้อมีแต่ข้าวจ้าวแมะ บ่ได้นึ่งข้าวเหนียวจ้า ::)::)

[ไม่สวยแต่เร้าใจ]

อยากกินข้าวเด้บาดนี่ จอจ้ำนำจักถ้วยแนเด้อ

[ชายหล่ามาดามศรี]

เห็น ซุปเห็ดฝารั่งของเอื้อยติ๋ม คือเป็นตาแซบ แท้เน้อ ให้กินนำแน่เด้อ สิแซบส่ำซุปเห็ดบ้านเฮาบ่ ยับไปเด้อผู้มาก่อน ปั้นข้าวเหนียวฮ้อนๆจ้ำแป๊ะๆๆ จักบาดก่อน ล่าวใส่ผักโอ้ย แซบเป้นหน่าย อิอิ เอาอีก เอาอีก มักอยุ่แนวนิ อิอิ เอาลาบงัวขมแป๋ตายอ้ายเซียงมาแลกกะบ่ยอม เอิ๊กๆๆๆ

[นิลมณีหยก]

เอื้อยติ๊มเฮ็ดกับข้าวแต่ละอย่างมาดัดแปลงได้ดีแท้เอื้อย เอาเห็นบ้านเขามาซุบกะเป็นว่านิแม๊ะหน้าตาเป็นตาแซบๆ คือเห็นกระด้างบ่เอื้อยรสชาตินะเวลากิน

[ติ๋ม เปอร์โย]

::) น้องหมูหวาน กะผักในสวนกะกินหลายๆแหน่หละเนาะ กรอบแซบเด๋นั่น...หลูโตนเนาะ..กินแนวอื่นเอาน้องหล่า...
น้องตุ๊ก...เอื้อยใช้เห็ด2อย่างจ้า..เห็ดนางรม+แซมปิยองสด...จ้าคล่ายๆเห็ดกระด้างอ่อนนะจ้า..ลองเบิ่งเด้อหล่า....

[ตรี ศรีเมืองใหม่]

โอย..แนวกินก็เป็นตาแซบอยู่..แต่ว่าตกแต่งงามโพดเลยบ่อกล้ากิน ..แบบว่าอ้ายเป็นแบบไอ้หนุ่มชุมชนฮั่นน๊า ติ๋ม อิอิๆๆ