เมนูนี่ตามคำขอของลูกสาวจ้า...บ่เห็นหน้ากันตั้งแต่วันพุธอาทิตย์ก่อนพุ้นกะยังว่าคึดฮอดคัก...
มื้อนี่โทรมาว่า...แม่..แม่ฉันจะกลับบ้านแล้วนะ..คิดถึงเธอจังเลย..
ติ๋มตอบลูกไปว่า คือกันจ้าลูก..ถึงบ้านจักโมงหละ...
ลูกว่า5โมงแลง..อยากกินข้าวเหนียวจังเลย พะนะลูกอีสานคัก ::) เอ้าจัดให้หละเนาะ
ขอไก่ทอดนำเด้อแม่...มีปาปาย่าไหมแม่ ส้มตำด้วยนะ...โอ้ยย..ลูกสาวผู้ข้า55++
ติ๋มกะได้ปีกไก่มา..จัดการแบ่งให้เป็นปีกกลาง ปีกล่างหมักกับเกลือ น้ำปลา พริกไทยป่น
แป้งข้าวโพดนิดหน่อย...งา...หมักรวมกันไว้ก่อนทอด1ชั่วโมง..
หมากหุ่งปอกเปลือกออกโชคดีคัก เป็นหมากหุ่งเหิ่มจ้า...จัดการสับไว้
ค่ำมากะจัดการนึ่งข้าว..ทอดปีกไก่...พอทุกอย่างสุกกะจัดการตำหมากหุ่งเหิ่มโลดจ้า...
เป็น2จาน...จานของติ๋มเผ็ดแหน่จักหน่อย...จานของลูกกะตำใส่ครกบ่ล้างหั่นหละ...แต่ปานนั่นกะจ่มว่าเผ็ดยุ ::)
มาเด้อพี่น้องกินตำหมากหุ่งเหิ่มนำกัน...อ้ายทิดคำศรีเจ้าอย่ามาล้มทับจานตำหมากหุ่งติ๋มเด้อ...555+++
Bookmarks