กำลังแสดงผล 1 ถึง 6 จากทั้งหมด 6

หัวข้อ: โป้ยก่ายมาถามหา

  1. #1
    ดูแลตรวจสอบเนื้อหา สัญลักษณ์ของ โป้ยก่าย
    วันที่สมัคร
    Jun 2007
    กระทู้
    1,619

    โป้ยก่ายมาถามหา

    สุขีหมั่นเสมอมันคือเก่าแน่บ่น้อ
    บ่ได้มาพบพ้อหลายมื่อแต่ห่างไกล
    ย่านจำกันบ่ได้โดนเทื่อได้มาเห็น
    ย่อนมีแนวจำเป็นได้ห่างไกลหลายมื้อ
    คือสิจำกันได้บ่ไลลืมกันง่ายตี้น้อ
    บ่าวหนองคายผู้นี้เคยจาต้านจ่ายผญา
    คนที่เคยเห็นหน้าคนเคยจาเว้าต่อ
    แม่นจำกันได้บ่น้อหรือลืมแล้วบ่กล่าวหา พี่น้องเอ้ย


  2. #2
    ศิลปิน นักร้อง นักแสดง สัญลักษณ์ของ ไอ้เก่ง คนเลย
    วันที่สมัคร
    Feb 2008
    กระทู้
    186

    คิดฮอด

    โอย...........ยังนึกบ่ออก เดี๋ยว..สิมาต่ผญาให้ครับ

  3. #3
    Moderators สัญลักษณ์ของ ต่าย
    วันที่สมัคร
    Nov 2007
    ที่อยู่
    เชียงใหม่
    กระทู้
    1,244
    บล็อก
    5

    แซว..พี่อ้าย

    พี่โป้ยจ๋า)))))).......
    พี่น้องคองคอยถ่า รออ้ายมาผญาหวาน
    คนเขารออ้ายเบิ้ดบ้าน ไปเฮ็ดหยังอยู่น๊ออ้าย
    ต่ายมาจอบตั้งว่าโดน เห็นแต่คนเพิ้นเว้าว่า
    พี่ชายต่ายมาบอกลา ไปหาผู้สาวอยู่บ้านใต้...
    หัวใจชายคือสิฮ่ำฮ้อน ฮอดยามนอนได้แต่พลิกคิง
    ที่แท้พี่อ้ายคึดฮอดแม่ญิง คนตาฮักผู้อยู่ใกล้ๆ..
    ..........................อิอิ ...พี่โป้ยจ๋า..แม่นบ้อ..ฮ่าๆๆๆ::)

  4. #4
    ดูแลตรวจสอบเนื้อหา สัญลักษณ์ของ โป้ยก่าย
    วันที่สมัคร
    Jun 2007
    กระทู้
    1,619
    หล้านางเอ้ยมันหากเป็นหยุ่งหยุ่งรุงรังนำหลายอย่าง
    หยุ่งนำเรื่องต่างๆเทิงพ่องเหนือพ่องไต้ไหลท้อนอั่งโฮม
    มันหากหนีบ่ม่มเวียกไฮ่นาสวน ยากนำงัวนำควายไฮ่นาปาท้าง
    แต่ว่าทางใจนั้นยังสัมพันธุ์มั่นแก่นย่อนแล่นพุ้นแล่นพี่บ่มีมื่อพักเซา
    อ้ายยังคิดฮอดเจ้าผู้เคยเล่าคำผญาผู้เคยจาดอมกันแม่นบ่ลืมลงได้ นางเอ้ย

  5. #5
    ศึกษาหาความรู้
    วันที่สมัคร
    Feb 2008
    กระทู้
    66
    พี่น้องเอย ดินมาดีใจล้นมีคนเอ่ยคำผญา
    เผยวาจาพาทีม่วนหูบ่เซาแล้ว
    ซ่วยกันเด้อมวลเจ้า บ้านมหาของเฮาให้คนเว้าเขาส่า
    ว่าบ้านมหานี่นา......มรดกโจ้โก้....ออนซอนแท้ว่าซื่นซม สั่นแหลว
    ดินครับ

  6. #6
    ดูแลตรวจสอบเนื้อหา สัญลักษณ์ของ โป้ยก่าย
    วันที่สมัคร
    Jun 2007
    กระทู้
    1,619
    พี่น้องเอ้ยอี่สานเฮายังบ่สิ้นวาทศิลนักปราชญ์
    ยังบ่ขาดซาติเซื้อดำรงค์ไว้บ่เซื่อมสูญ
    คอยเพิ่มพูลถนอมสร้างทางผญาสืบทอด
    ตลอดเทิงฝ่ายก่ำเรียนรู้ศาสตร์สิน
    ซ่อยกันยินดีสร้างเดินนำทางอย่าป๋าปล่อย
    ข้ายังเป็นผู้ด้อยอาศัยท่านผู้เก่งเรียนท่านเอ้ย

กฎการส่งข้อความ

  • You may not post new threads
  • You may not post replies
  • You may not post attachments
  • You may not edit your posts
  •