หน้าที่ 1 จากทั้งหมด 2 หน้า 12 หน้าสุดท้ายหน้าสุดท้าย
กำลังแสดงผล 1 ถึง 10 จากทั้งหมด 14

หัวข้อ: ผญารำพันรัก

  1. #1
    ดูแลตรวจสอบเนื้อหา สัญลักษณ์ของ โป้ยก่าย
    วันที่สมัคร
    Jun 2007
    กระทู้
    1,603

    ผญารำพันรัก

    ได้เห็นหน้าน้องหนึ่งครั้งยังฝังแนบในดวงจิต
    วันคืนนอนอาวรณ์คิดห่วงคะนึงแต่นำน้อง
    หัวใจของพี่ชายกลุ้มพอปานไฟสุมแกลบ
    อกอ้ายแทบสิแตกม้างเพราะนางน้องเจ้าผู้เดียว
    บ่แม่นอ้ายนี้เว้าเกี้ยวเรี่ยวลอกคารมหวาน
    เอาน้ำตาลมาลวงล่อมดตายติดหม้อ
    บ่แม่นชายนี่มาล่อลวงอนงค์ให้หลงเซื่อ
    บ่แม่นเสือหลอกต้มได้ซมซ้อนแล้วแล่นหนี
    ดวงใจของพี่นี่แน่วแหน่บ่แปลผัน
    ปากกับใจตรงกันแน่นอนเลยทางอ้าย
    ย่านแต่สายคอน้องบ่หมายปองประสงค์พี่
    ย่านคนดีหลอกให้อ้ายตายย่อน เพราะรักเธอ
    ย่านแต่ตั๋วให้พี่เพ้อละเมอป่วงทรวงกระสัน
    ตั๋วให้ฝันอยู่คนเดียวเพิ่นบ่เหลียวแลซ่ำ
    แนวกาดำคืออ้ายหมายปองหงษ์เหมราช
    ปรารถนาอยากฮ่วมซ้อนคอนคู่ได้อยู่เคียง
    หากสาวนางน้องบ่เตื้องทางเบื้องพี่นี่คงตรม
    รักบ่สมอุราหวัง ดังมะโนที่หมายไว้
    ขืนอยู่ไปบ่เป็นแหล่วแนวหัวใจพี่มันโศก
    เพราะโรคความรักกลุ้มสุมไหม่อยู่ดังไฟ
    ความหวังพี่หากบ่ได้ดังใจปรารถนารัก
    ขอสมัครแต่ทางตายบ่รักไผอีกเลยน้อง
    ผิดจากทองนางหล่าบ่แลหาให้มันอยาก
    หากชาตินี่บ่ได้เจ้าบ่คองเฒ่าแก่ตาย
    ชีวิตของหม่อมอ้ายคงถึงที่อาวะสาน
    อยู่ไปนานบ่ทนไหวเพราะว่าใจพี่มันแย่
    อกเป็นแผลหนองห่ง นวลอนงค์น้องเหินห่าง
    ไมตรีจางจืดจ้อยสิลอยหน้าอยู่จั่งได๋
    อ้ายนี่อยู่บ่ได้ดอกน้องอุ่นทูนหัว
    คอบว่ามัวเมาหลงรักแต่นงค์นางน้อง
    ใจพี่ปองประสงค์ซ้อนดอนเสือกะสิผ่า
    ปรารถนาต่อตั้ง วังแข่พี่สิลอย
    แม่นสิดอยผาขั่นพันดอยอ้ายบ่หวั่น
    กำแพงสูงร้อยชั้นตันไว่พี่สิปีน
    ภูผาหินเหวกว้างทะเลหลวงฉลามโหด
    ลึกแสนโยชน์อ้ายบ่ย่านสิหาญกล้าเข้าฝ่าฟัน
    แม่นสิทุกข์ฮ้อยซั้นพันหมื่นอุปสรรค
    โสตกลงปลงใจรัก บ่หวั่นเลยทางอ้าย
    ขอยอมตายแต่ดอมน้องบ่หมายปองเป็นอื่น
    ทุกวันคืนรักแต่เจ้าตะผองเฒ่า ละหมิ่งมรณ์
    จงเอาชนะในความยาก มิฉะนั้นความยากจะชนะท่าน

  2. #2
    ดวงจำปา
    Guest
    สะออนผญาอ้ายเพิ่นนอ่ อยากแต่งเปนเด่

  3. #3
    ดูแลตรวจสอบเนื้อหา สัญลักษณ์ของ โป้ยก่าย
    วันที่สมัคร
    Jun 2007
    กระทู้
    1,603
    ว่าโอนอ เจ้าผู้จำปาต้น ขาวกลีบเผยดอก นางเอ้ย
    งามไปเหมิดกิ่งก้าน มาอยากได้ไปเฮ็ดแนวเด้น้อ
    ว่าอยากขอไปกล้า ทางหนองคายลองเบิ่ง ประดับไว้ใส่ห้องพอได้ล้ำแงง แท้น้อ
    จงเอาชนะในความยาก มิฉะนั้นความยากจะชนะท่าน

  4. #4
    Moderators สัญลักษณ์ของ ต่าย
    วันที่สมัคร
    Nov 2007
    ที่อยู่
    เชียงใหม่
    กระทู้
    1,229
    บล็อก
    5
    อิ อิ..พี่โป้ยจ๋า..สุดยอดแท้น้อ....8)บ่ได้เข้ามาโดนแล้ว..ยากนำเวียกจ้า..

    ************
    โอน้อ...อ้ายเอ้ย
    คำผญารำพันรัก..ให้ประจักษ์หัวใจอ้าย
    สาวมหาคนผู้ไค..แม้นผู้ใด๋หมายตาน้อ
    ใจจดจ่อรอเบิ้งหน้า..จนว่าฟ้าแจ้งจ้างป้าง
    คึดสะออนแต่นำนาง..บ่อำพรางหัวใจเจ้า
    คือบ่เฝ้าไว้ละอ้าย..หรือนางหน่ายเสน่หา..
    ไปฮอดบ้านจอบเบิ้งหน้า...พอกลับมากะเป็นฮ้าย...ซั่นแหล่ว...อิ อิ

  5. #5
    ผู้ช่วยผู้ใหญ่บ้านมหา
    มิสบ้านมหา 2012
    สัญลักษณ์ของ ติ๊กต็อค
    วันที่สมัคร
    Mar 2007
    กระทู้
    2,065
    บล็อก
    3
    แฮะๆๆ ย่างผ่านมาซื่อๆ ดอก สิผญานำกะคึดบ่ออก ::)
    :heart: ไทอุบล คนเมืองนักปราชญ์:heart:

    http://up.how2phin.com/pictures/a46ce89bb69277bd7b1a2f0912d7cb05.gif

  6. #6
    ศึกษาหาความรู้
    วันที่สมัคร
    Feb 2008
    กระทู้
    65
    บังเอิญมาพ้อเด้อท่านโป้ย
    ออนซอนเด ออนซอนเจ้าจับคำมาเว้าต่อ
    คำผญาไขข้อรำพันโอ้สู่สาว
    เจ้ามัวมานั่งกุ้มพอปานสุ่มงุมหัว แท้นอ
    ความฮักสังมาพอ พาตายหือได้ ท่านเอ่ย
    ........................................
    งานเข้าแล้วพี่น้อง

  7. #7
    ร่วมถ่ายทอดความรู้สู่สังคม สัญลักษณ์ของ ลูกน้ำชี
    วันที่สมัคร
    Jun 2008
    กระทู้
    150

    เรื่องฮิตน่าอ่าน

    อัศจรรย์ใจโอ้ โอน้อ คำผญา
    ไขวาจาคำหวานปานน้ำตาลจากต้น
    ฟังคำบ่นละเมอพร่ำลำนำรำพันฮัก
    เห็นประจักษ์แจ่มแจ้งแปลงไว้ได้ชื่นชม
    อันคารมวจีเจ้ากล่าวขานปานกลอนลำ
    อยากสิจำไปใช้พอไว้ได้แซวคน
    อ่านมาตั้งแต่ต้นฝนเทยังบ่ปาน
    ชั้นอาจารย์ครูคายจ่ายผญาไหลปานน้ำฯ
    8)8)8)(t(t

  8. #8
    ร่วมถ่ายทอดความรู้สู่สังคม สัญลักษณ์ของ บ่าวตี๋ คนหล่อฝั่งซี
    วันที่สมัคร
    Jul 2008
    ที่อยู่
    พนมไพรเด้ออาว
    กระทู้
    197
    ไปหามาแต่ใสน้อญาอ้าย คักขนาด

  9. #9
    นักปราชญ์เมืองอีสาน
    ศิลปินนักแต่ง ผญา
    สัญลักษณ์ของ ศรีสะท้าน
    วันที่สมัคร
    Aug 2006
    กระทู้
    4,179
    ผญาเศร่าเกลากลอนกวีว่า
    หนักอุราเฮ่งฮ้อนบ่ฮอมฮู้ห่างหาย
    คึดฮอดอ้ายอ้ายกะอ่อยคำอวน
    คำจาหวลแห่งหอมบ่มีฮ้าย
    ซายโตพี้นามศรีสะอื้นโอ่
    แนวว่าโตต่ำต้อยอยากถอยล้าหล่าลง
    ไกลฟากซ้งขงเขตคาเม
    สันใดเซมาพบผ่ายพานเห็นพ้อ
    หรือแม่นซาตาหย่อโอนอปุพพะซาติ
    เวรบ่ขาดจากเจ้าจำต้องจ่องดึง แท้นอ
    วรรณคดีล้ำลำนำเอื้อนเอ่ย เขยภาษาพากษ์เว้าลาวพื้นกล่าวไกล

  10. #10
    ดูแลตรวจสอบเนื้อหา สัญลักษณ์ของ โป้ยก่าย
    วันที่สมัคร
    Jun 2007
    กระทู้
    1,603
    เดิกข่อนๆหัวลมวอนหนาววี่
    พี่ชายคิดฮอดน้องคานโก้ยอยู่เลาะฝา
    ฟังเสียงฝนปนเสียงฟ้าเมฆาบนไหลล้วง
    ป่วงคึดนำแต่ซู้มือซาวผ้าห่มนอน
    กอดหมอนนอนเดียวดิ้นภวิลใจแสนรำบาก
    ยากนำใจคั่งแค้นคาแน่นอยู่ว่างใจ
    โอ้น้อเจ้าผู้แก้วแก่นไท่อาลัยห่วงคนิงหา
    ผวายามหลับฝันยั่งคืนเอาจนแจ้ง หล้าเอ้ย
    จงเอาชนะในความยาก มิฉะนั้นความยากจะชนะท่าน

หน้าที่ 1 จากทั้งหมด 2 หน้า 12 หน้าสุดท้ายหน้าสุดท้าย

กฎการส่งข้อความ

  • You may not post new threads
  • You may not post replies
  • You may not post attachments
  • You may not edit your posts
  •