กำลังแสดงผล 1 ถึง 3 จากทั้งหมด 3

หัวข้อ: ผญาชมสาว

  1. #1
    ดูแลตรวจสอบเนื้อหา สัญลักษณ์ของ โป้ยก่าย
    วันที่สมัคร
    Jun 2007
    กระทู้
    1,603

    ผญาชมสาว

    บุญอ้ายหลายที่ได้มาเห็นหน้า
    ได้มาเห็นกายาสองแก้มแม่เหนื้ออุ่น
    ทูลหัวยอดกระหม่อมแก้วมาเห็นแล้วอยากกล่าวจา
    งามพอปานนางฟ้าองค์อินทราเติมแต่ง
    จำแรงกายจากฟากฟ้าลงมาพื้นแผ่นดิน
    หัวใจชายแทบด่าวดิ้นถวิลรักไหลหลง
    ประสงค์ในดวงจิตคิดละเมอแต่นำน้อง
    แม่นเจ้าเนาในห้องแดนใด๋น้อนางนาด
    ปราถนาอยากอยู่ใกล้ไปยามมเยี่ยมถิ่นสถาน
    หรือแม่นเนาวิมานฟ้าเทวาบนวิมานเมฆ
    เสวกฉัตรก่อกั้นกวมกั้งอยู่สวรรค์
    งามคือจันทรเพ็ญแจ้งแสงประกายใสส่อง
    มองบ่อนใด๋กะเพรียบพร้อมสมด้ามดั่งสตรี
    สาวงามในโลกนี้บ่มีเทียมปูนเปรียบ
    บ่อาจเทียบท่อก้อยเสมอได้ดั่งพระนาง
    ชายใด๋น้อสิได้นอนแนบข้างมโนนางหมายมอบ
    ตอบสนองอยู่ใกล้ได้เนาห้องฮ่วมหอ
    โตของชายซากได้มาพบพ้อขอเพียงกล่าวเผยวาจา
    ผลาบุญเพียงใด๋จั่งสิพอเทียมเจ้า
    อ้ายมาจาเพียงความเว้าพอหายเมาเป็นบ้าป่วง
    เจ้าผู้ดวงยอดแก้วมาเห็นแล้วอยู่บ่เป็น
    ตกตะลึงตื่นเต้นกระเซนสั่นในดวงจิต
    สาระวนหวลคิดหากแต่บุญบ่สมน้อง
    อดสามองมาทางไต้คนเข็นใจต้อยต่ำ
    ชายระกำต่ำต้อยแม่นบุญน้อยอยากกล่าวจา แน่ถ่อน...
    จงเอาชนะในความยาก มิฉะนั้นความยากจะชนะท่าน

  2. #2
    ผู้ช่วยผู้ใหญ่บ้านมหา สัญลักษณ์ของ sompoi
    วันที่สมัคร
    Mar 2007
    ที่อยู่
    japan
    กระทู้
    5,708
    บล็อก
    23
    ปร่าดดด..จินตนาการเพิ่นแม๋ะ..คือบรรเจิดแท่ะ..คักๆๆอ้าย..:g:g:g

  3. #3
    นักปราชญ์เมืองอีสาน
    ศิลปินนักแต่ง ผญา
    สัญลักษณ์ของ ศรีสะท้าน
    วันที่สมัคร
    Aug 2006
    กระทู้
    4,179
    บู๊ยย คารมคนแก่แมะ มาคือคักแท้ "ตกตะลึงตื่นเต้นกระเซนสั่นในดวงจิต สาระวนหวลคิดหากแต่บุญบ่สมน้อง" อิ อิ อิ ...บ่สมกะตู๊ดลูดใส่เอาโลดท่าน
    วรรณคดีล้ำลำนำเอื้อนเอ่ย เขยภาษาพากษ์เว้าลาวพื้นกล่าวไกล

Tags for this Thread

กฎการส่งข้อความ

  • You may not post new threads
  • You may not post replies
  • You may not post attachments
  • You may not edit your posts
  •