หน้าที่ 1 จากทั้งหมด 2 หน้า 12 หน้าสุดท้ายหน้าสุดท้าย
กำลังแสดงผล 1 ถึง 10 จากทั้งหมด 11

หัวข้อ: อยากให้ท่านผู้ฮู้ ส่อยแน่จักน้อย

  1. #1
    ศึกษาหาความรู้ สัญลักษณ์ของ บ่าวขาดำ
    วันที่สมัคร
    May 2008
    กระทู้
    44

    อยากให้ท่านผู้ฮู้ ส่อยแน่จักน้อย

    อยากให้ท่านผู้ฮู้ ส่อยแน่จักน้อยอยากให้ท่านผู้ฮู้ ส่อยแน่จักน้อยบ่าว อยากได้ผญาบทที่เกี่ยวกับโลกฮ้อนแน่ครับ ท่านได๋พอสิกรุณาแน่ครับ สิเอาไปให้เด็กนักเรียนแสดงงานวันวิทย์ฯ มักฟัง มักอ่าน แต่บ่เก่งทางเขียนแต่ง ครับ

  2. #2
    เข้ามาเบิ่งแล้วกะตอบก่อน...แต่งบ่เป็นดอกบ่าวเอ้ย...อันทางนี่ต้องยกให้ทาง....
    พี่มิก..ส้มป่อย อ้ายทิดคำศรีแล้วกะอ้ายจารย์โป้ยก่ายเพิ่นมาซ่อยแต่งใหเด้อจ้า....
    คนที่กล้าจะพ่ายแพ้เท่านั้น...ที่จะประสบความสำเร็จอย่างยิ่งใหญ่

  3. #3
    ผู้ช่วยผู้ใหญ่บ้านมหา สัญลักษณ์ของ sompoi
    วันที่สมัคร
    Mar 2007
    ที่อยู่
    japan
    กระทู้
    5,708
    บล็อก
    23
    หว่ายยย..หล่าติ๋มกะดาย..คั่นแต่งแต่ม่วนๆกันพี่พอเอาโตรอดอยู่ แต่ถ่าขึ่นบอร์ด ยกให้ญาศรี กับญาโป้ย สาหล่า..คาดว่า แลงๆเล้าสิมาดอกเด้อบ่าว..ถ่าก่อนเด้อจ้า..
    มองต่าง..อย่างปลง

  4. #4
    ศึกษาหาความรู้ สัญลักษณ์ของ บ่าวขาดำ
    วันที่สมัคร
    May 2008
    กระทู้
    44

    เพิ่มเติมครับ

    อ้ายเอิ้ย เอื้อยเอ้ย อยู่โรงเรียนเพิ่นพาสร้าง กิจกรรมปั้นแต่ง พากันแบ่งปันเวียกงานด้านรับผิดชอบ ทางบ่าวได้รับมอบ ให้จัดเรื่องเมืองโลกฮ้อน ให้เด็กน้อยจาออดอ้อนชวนเว้าเป็นผญา แต่เบิดปัญญาผู้ข่าบ่าวขาดำสิเว้ากล่าว เลยอยากอ้อนเอื้อยสาว บ่าวอ้าย ผ้ฮู้แจ้ง แจ่มแจ๋ ให้ซ่อยแวมากล่าวต้าน เป็นวิทยาธานให้บ่าวแน่ พอได้เป็นทางแก้ให้บ่าวหล่าได้ส่วงใจ อ้ายเอ้ย......เอื้อยเอ้ย

  5. #5
    นักปราชญ์เมืองอีสาน
    ศิลปินนักแต่ง ผญา
    สัญลักษณ์ของ ศรีสะท้าน
    วันที่สมัคร
    Aug 2006
    กระทู้
    4,179
    เรื่องแต่งเรื่องแปงกะคือสิบ่ยากดอกเนาะมิก ว่าแต่สินสอดค่าดองพร้อม โอ๊ะ ฮ่วย ว่าแต่ ต้องกำหนดขอบเขต Location อีหยังประมาณนี้มาให้ก่อนแหน่ จั่งสิไปถืก Run way อิ อิ เนาะมิกเนาะ
    วรรณคดีล้ำลำนำเอื้อนเอ่ย เขยภาษาพากษ์เว้าลาวพื้นกล่าวไกล

  6. #6
    ผู้ช่วยผู้ใหญ่บ้านมหา สัญลักษณ์ของ sompoi
    วันที่สมัคร
    Mar 2007
    ที่อยู่
    japan
    กระทู้
    5,708
    บล็อก
    23
    มะหาเล่นองค์แท่ะเดวนิอ้าย ..จักหน่อยบักเขียบฟาดมาหั่นสิบ่ทันได่แต่งได่แปงพุ่นเด่ะ..กะเกี่ยวเรื่องโลกฮ่อน มะสิยากป่านนั่นเนาะ..เชิญชวน ชักชวน จูงใจ รณรงค์ ..เว่าให้ไทบ้านเพิ่นน้อมนำ ..ส่อยกันลดปัญหาโลกฮ่อน ราวๆนิอ่ะจ้า...หึยยย..ตีโจทย์กะบ่เป็น...แป้นปีกกกกใหย่ยย..กร้ากกกก
    มองต่าง..อย่างปลง

  7. #7
    หลบ หลบก่อนเด้อบ่าว...ขะเจ้ากำลังอ้อขึ้น(คายอ้อ)...อิอิ โยนลูกบักเขียบให้กันฮับอยู่55++
    คั่นเกิดฮับบ่ได้หละพอแฮงเด๋หนี่...555++
    คนที่กล้าจะพ่ายแพ้เท่านั้น...ที่จะประสบความสำเร็จอย่างยิ่งใหญ่

  8. #8
    นักปราชญ์เมืองอีสาน
    ศิลปินนักแต่ง ผญา
    สัญลักษณ์ของ ศรีสะท้าน
    วันที่สมัคร
    Aug 2006
    กระทู้
    4,179
    โอ๊ยย อั่นeนางป่องใหญ่ อิ อิ อิ กะสิบ่ให้พี่ถามรายละเอียดแหน่บ้อ หืยย


    อั่นพี่น้องเอ้ย อะแฮม! ตกสมัยทุกวันนี้โลกีย์บ่คือก่อน
    เกิดภาวะโลกฮ้อนสุมข่อนเข้าดั่งไฟ
    (นัก)วิชาการบอกไว้สาเหตุใหญ่เรือนกระจก
    คาร์บอนไดฯมีเทนปกห่อกุมคุมไว้
    บ่มีทางระบายให้ไปเถิงบรรยากาศ
    โลกะธาตุเกิดฮ้อนเข็งข่อนคั่งคา
    เป็นปัญหาจากควันไหม้อุตสากรรมทั้งรถแล่น
    นับเป็นแสนปล่อยขึ้นฟ้านภากว้างบ่ส่วงเซา
    เพิ่นพาไขบอกเว้าสาเหตูก๊าซเรือนกระจก
    มันห่อปกปิดบังบ่ระบายเบิยได้
    เฮ็ดจั่งไดทางแก้ให้มาแสหาทางซ่อย
    ก่อนโลกเฮาสิหมิ่งม้อยแฮงฮ้อนก่อนกาล ฯ
    วรรณคดีล้ำลำนำเอื้อนเอ่ย เขยภาษาพากษ์เว้าลาวพื้นกล่าวไกล

  9. #9
    ผู้ช่วยผู้ใหญ่บ้านมหา สัญลักษณ์ของ sompoi
    วันที่สมัคร
    Mar 2007
    ที่อยู่
    japan
    กระทู้
    5,708
    บล็อก
    23
    อั่นพี่น้องเอ้ย อะแฮม! ตกสมัยทุกวันนี้โลกีย์บ่คือก่อน
    เกิดภาวะโลกฮ้อนสุมข่อนเข้าดั่งไฟ
    (นัก)วิชาการบอกไว้สาเหตุใหญ่เรือนกระจก
    คาร์บอนไดฯมีเทน(ฮก)ปกห่อกุมคุมไว้
    บ่มีทางระบายให้ไปเถิงบรรยากาศ
    โลกะธาตุเกิดฮ้อนเข็งข่อนคั่งคา
    เป็นปัญหาจากควันไหม้อุตสากรรมทั้งรถแล่น
    นับเป็นแสนปล่อยขึ้นฟ้านภากว้างบ่ส่วงเซา
    เพิ่นพาไขบอกเว้าสาเหตูก๊าซเรือนกระจก
    มัน(หุ้มยก)ปิดบังบ่ระเหยยเผยได้
    เฮ็ดจั่งไดทางแก้ให้มาแสหาทางซ่อย
    ก่อนโลกเฮาสิหมิ่งม้อยแฮงฮ้อนก่อนกาล ฯ

    ...หึยยย...เอก โท ฮั่น ..สอนเขาอยู่จ้อยๆๆดอกน้องติ๋ม.....
    มองต่าง..อย่างปลง

  10. #10
    นักปราชญ์เมืองอีสาน
    ศิลปินนักแต่ง ผญา
    สัญลักษณ์ของ ศรีสะท้าน
    วันที่สมัคร
    Aug 2006
    กระทู้
    4,179
    กระทู้ต้นฉบับโดยคุณ sompoi
    อั่นพี่น้องเอ้ย อะแฮม! ตกสมัยทุกวันนี้โลกีย์บ่คือก่อน
    เกิดภาวะโลกฮ้อนสุมข่อนเข้าดั่งไฟ
    (นัก)วิชาการบอกไว้สาเหตุใหญ่เรือนกระจก
    คาร์บอนไดฯมีเทน(ฮก)ปกห่อกุมคุมไว้
    บ่มีทางระบายให้ไปเถิงบรรยากาศ
    โลกะธาตุเกิดฮ้อนเข็งข่อนคั่งคา
    เป็นปัญหาจากควันไหม้อุตสากรรมทั้งรถแล่น
    นับเป็นแสนปล่อยขึ้นฟ้านภากว้างบ่ส่วงเซา
    เพิ่นพาไขบอกเว้าสาเหตูก๊าซเรือนกระจก
    มัน(หุ้มยก)ปกปิดบังบ่ระบายเผยได้
    เฮ็ดจั่งไดทางแก้ให้มาแสหาทางซ่อย
    ก่อนโลกเฮาสิหมิ่งม้อยแฮงฮ้อนก่อนกาล ฯ

    ...หึยยย...เอก โท ฮั่น ..สอนเขาอยู่จ้อยๆๆดอกน้องติ๋ม.....
    ขออนุญาตอ้างถึงหน้าเดียวกันนี้หล่ะ ซังคนบ่เข้าใจ เขาแต่งไว้ถืกแล้ว เอก โท สัมผัสหน่ะ หืยย หล่วง

    อั่นพี่น้องเอ้ย อะแฮม! ตกสมัยทุกวันนี้โลกีย์บ่คือก่อน
    เกิดภาวะโลกฮ้อนสุมข่อนเข้าดั่งไฟ
    (นัก)วิชาการบอกไว้สาเหตุใหญ่เรือนกระจก
    คาร์บอนไดฯมีเทนปกห่อกุมคุมไว้
    บ่มีทางระบายให้ไปเถิงบรรยากาศ
    โลกะธาตุเกิดฮ้อนเข็งข่อนคั่งคา
    เป็นปัญหาจากควันไหม้อุตสากรรมทั้งรถแล่น
    นับเป็นแสนปล่อยขึ้นฟ้านภากว้างบ่ส่วงเซา
    เพิ่นพาไขบอกเว้าสาเหตูก๊าซเรือนกระจก
    มันห่อปกปิดบังบ่ระบายเบิยได้
    เฮ็ดจั่งไดทางแก้ให้มาแสหาทางซ่อย
    ก่อนโลกเฮาสิหมิ่งม้อยแฮงฮ้อนก่อนกาล ฯ

    เป็นบ่นานสิบปีได้ปีสามสามบันทึกว่า
    ความฮ้อนเกิดแผดกล้าสามปีนั้นที่อ่านเห็น
    ปีสามสามเพิ่นเน้นสามแปดกับสี่ศูนย์
    ฮ้อนพอกพูนมหาศาลสังเกตุการณ์เห็นพ้อ
    จั่งอยากขอเชิญท่านเอาโวหารผญาหย่อย
    มาแต่งตอยตื่มต้านประสานสร้อยซ่อยกัน
    เห็นสำคัญปัญหานี้แนววิธีไผมีซ่อย
    เห็นแก่ยุวชาติน้อยผู้หลังหล้าเมื่อลุน
    พอเป็นบุญสนองน้าวยามคราวโลกลำบาก
    จั่งบ่ยากบาดหล้าเหิงล้าเล่าบ่ทัน แท้แหลวฯ
    วรรณคดีล้ำลำนำเอื้อนเอ่ย เขยภาษาพากษ์เว้าลาวพื้นกล่าวไกล

หน้าที่ 1 จากทั้งหมด 2 หน้า 12 หน้าสุดท้ายหน้าสุดท้าย

กฎการส่งข้อความ

  • You may not post new threads
  • You may not post replies
  • You may not post attachments
  • You may not edit your posts
  •