กำลังแสดงผล 1 ถึง 10 จากทั้งหมด 10

หัวข้อ: พล่าเนื้อ,ก๋วยเตี๋ยวลูกชิ้นหมู

  1. #1

    พล่าเนื้อ,ก๋วยเตี๋ยวลูกชิ้นหมู


    พล่าเนื้อ,ก๋วยเตี๋ยวลูกชิ้นหมู
    ตั้งแต่บ่สบายมาติ๋มบ่เคยโทรกลับบ้านหาพ่อกับแม่เลย...ย่านเพิ่นถามแล้วหาคำตอบให้เพิ่นบ่ได้...บ่อยากให้ผู้เฒ่าเป็นห่วงนะจ้า..
    มื้อนี่อาการกะเริ่มดีขึ้นหลายแล้วกะเลยโทรหาเพิ่น...ถืกด่าเลยว่าเป็นหยังคือหายไปซื่อๆ พ่อแม่คึดนำ...เป็นจังซั่นไป...
    พ่อกะฝันบ่ดีลูกมาหาแล้วมีแต่ไห้..ถามกะบ่ปาก...พะนะ...กะเลยเว้าให้เพิ่นฟังหลายอย่าง...
    สุดท้ายกะมาลงความทุกข์ความยากตั้งแต่10กว่าปีคืนหลัง...1ในเมนูที่แม่เคยเฮ็ดให้กินกะพล่าเนื้อ...
    แบบใส่ผักเข้าไปนำ...บ่อยากคึดเลยว่านั่นเป็นกับข้าวยามทุกข์ยาก...เนื้อนิดเดียว ผักซะหลาย...แต่แซบคัก...แม่กะบอกว่าอยากกะเฮ็ดกินซะตั๊ว มาสิยาก อิอิ

    พล่าเนื้อ,ก๋วยเตี๋ยวลูกชิ้นหมู

    มาเบิ่งเครื่องปรุง เนื้อย่างพอน้ำตกหั่นเป็นชิ้นบางๆ แต่ติ๋มขอย่างจนสุกกะแล้วกันเนาะ
    แตงฝานเอาแต่เนื้อขยำเกลือให้นิ่ม หน่อไม้สดหั่นเป็นชิ้นต้มให้จืดติ๋มใส่แครอทพอเป็นสีสรรค์นิดหนึ่ง
    หอมแดงซอย,ผักชีฝรั่ง,ผักชี,ใบสะแหน่ หั่นเตรียมไว้ พริกป่น,ข้าวคั่ว
    ปรุงรส น้ำปลา,น้ำปลาแดก,น้ำหมากนาว ผงชูรสนิดหน่อย...คลุกทุกอย่างให้เข้ากัน ชิมรสตามใจผู้กินจ้า

    พล่าเนื้อ,ก๋วยเตี๋ยวลูกชิ้นหมู

    ตักใส่จาน..กินกับข้าวเหนียวกะได้ ข้าวจ้าวกะได้ แล้วกะผักสดต่างๆตามแต่สิหาได้หละเนาะ
    ลูกสาวเป็นผู้ซ่อยเฮ็ดกับข้าว...เชิญแซบเด้อจ้าพี่น้อง

    พล่าเนื้อ,ก๋วยเตี๋ยวลูกชิ้นหมู
    มื้อวานนี่มาลีน่ากะเฮ็ดก๋วยเตี๋ยวเลี้ยง...น้ำซุปใช้ซุปก้อนเอา...ต้มแล้วกะใส่หอมใหญ่+ก้านเซเลอลี่ น้ำตาลกรวด
    ถ้วยแรกติ๋มปรุงให้เป็นก๋วยเตี๋ยวหมูต้มยำ....

    พล่าเนื้อ,ก๋วยเตี๋ยวลูกชิ้นหมู
    เดิกๆมาก๋วยเตี๋ยวลูกชิ้นหมู...หัดให้ลูกปั้นลูกชิ้น ปั้นไปบ่นไปเทิงเหนียวเทิงเย็น หนาวมือ พะนะ::)
    แก้ไขครั้งสุดท้ายโดย ติ๋ม เปอร์โย; 19-06-2011 at 23:41.

  2. #2
    Super Moderator สัญลักษณ์ของ ไก่น้อย
    วันที่สมัคร
    Aug 2006
    ที่อยู่
    นครโคราช
    กระทู้
    5,310
    บล็อก
    8
    สิแม่นคือเพิ่นว่าเนาะพี่ ยามม่วน ยามสนุกคึดฮดหมู่ ยามทุกข์ ยามยากคึดฮอดพ่อ คิดฮอดแม่ ....
    ..เป็นการเพิ่มความสัมพันธ์ในครอบครัวนำเนาะพี่ ส่อยกันเฮดแนวกินแม่กะลูก น่ารักดีจ้า ... 8)

  3. #3
    น้ำลายไหลเลยจ้า...อิอิอิ มาให้กินจักแนะก๋วยเตี๋ยวนี่แมะ ถ้ามีเส้นใหญ่จะแจ่มเลยนะ ... วันหยุดชวนอ้ายพลเฮ็ดก๋วยเตี๋ยวกันกะนะ ....อยากกินจังเลย

  4. #4
    แบ่งปันความรู้และประสบการณ์ สัญลักษณ์ของ bootchai
    วันที่สมัคร
    Mar 2008
    กระทู้
    141

    ดูวีดีโอ YouTube ออนไลน์

    ขอกินนำจักคนแหน่เด้อ หิวแฮง

  5. #5
    ท่องเวบ สัญลักษณ์ของ pui.lab
    วันที่สมัคร
    Jul 2006
    ที่อยู่
    โสดไม่มีใครเอา หรือว่าเราไม่เอาใคร
    กระทู้
    10,172
    บล็อก
    9
    กินนำแน๊ เฮ็ดเองบ่แซบ (t

  6. #6
    ร่วมถ่ายทอดความรู้สู่สังคม สัญลักษณ์ของ หนุ่มลำซี
    วันที่สมัคร
    Jun 2008
    ที่อยู่
    เมืองปลาเค็ม
    กระทู้
    628
    แวะมาซิมแล้วเด้อ .....::)

  7. #7
    ฝ่ายบริหารระดับสูง สัญลักษณ์ของ ตรี ศรีเมืองใหม่
    วันที่สมัคร
    Apr 2006
    ที่อยู่
    หนุ่มอุบล คนศรีเมืองใหม่
    กระทู้
    4,876
    พอดีนั้นละ... เอาพล่าเนื้อมาฉลองตําแหน่งใหม่น้องติ๋มเลย.. อิอิๆๆ ยินดีด้วยกับตําแหน่งใหม่เด้อน้องติ๋ม

  8. #8
    ดูแลตรวจสอบเนื้อหา สัญลักษณ์ของ ฝนหลวง
    วันที่สมัคร
    Feb 2008
    กระทู้
    1,444
    เป็นตาเอาไปแก้มเบียร์คักคับคือสิแซบ...:g:g:g

  9. #9
    Membership renewed สัญลักษณ์ของ Sweet_M
    วันที่สมัคร
    Oct 2007
    ที่อยู่
    USA
    กระทู้
    1,243
    มาพ้อพอดีเลย ได้แนวกินแล้วบาดนี้ อิอิ

  10. #10
    ร่วมถ่ายทอดความรู้สู่สังคม สัญลักษณ์ของ นิลมณีหยก
    วันที่สมัคร
    Aug 2007
    กระทู้
    763
    โฮ เอื้อยนิเฮ็ดกับข้าวเก่งอีหลีเนาะ แถมยังเป็นตาแซบอีต่างหาก อิจฉานี่เห็นแล้วอยากกินก๋วยเตี๋ยวแต่ว่า ตุ๊กเฮ็ดกินบ่เป็นแมะเอื้อยติ๋ม :g

Tags for this Thread

กฎการส่งข้อความ

  • You may not post new threads
  • You may not post replies
  • You may not post attachments
  • You may not edit your posts
  •