ตั้งแต่บ่สบายมาติ๋มบ่เคยโทรกลับบ้านหาพ่อกับแม่เลย...ย่านเพิ่นถามแล้วหาคำตอบให้เพิ่นบ่ได้...บ่อยากให้ผู้เฒ่าเป็นห่วงนะจ้า..
มื้อนี่อาการกะเริ่มดีขึ้นหลายแล้วกะเลยโทรหาเพิ่น...ถืกด่าเลยว่าเป็นหยังคือหายไปซื่อๆ พ่อแม่คึดนำ...เป็นจังซั่นไป...
พ่อกะฝันบ่ดีลูกมาหาแล้วมีแต่ไห้..ถามกะบ่ปาก...พะนะ...กะเลยเว้าให้เพิ่นฟังหลายอย่าง...
สุดท้ายกะมาลงความทุกข์ความยากตั้งแต่10กว่าปีคืนหลัง...1ในเมนูที่แม่เคยเฮ็ดให้กินกะพล่าเนื้อ...
แบบใส่ผักเข้าไปนำ...บ่อยากคึดเลยว่านั่นเป็นกับข้าวยามทุกข์ยาก...เนื้อนิดเดียว ผักซะหลาย...แต่แซบคัก...แม่กะบอกว่าอยากกะเฮ็ดกินซะตั๊ว มาสิยาก อิอิ
มาเบิ่งเครื่องปรุง เนื้อย่างพอน้ำตกหั่นเป็นชิ้นบางๆ แต่ติ๋มขอย่างจนสุกกะแล้วกันเนาะ
แตงฝานเอาแต่เนื้อขยำเกลือให้นิ่ม หน่อไม้สดหั่นเป็นชิ้นต้มให้จืดติ๋มใส่แครอทพอเป็นสีสรรค์นิดหนึ่ง
หอมแดงซอย,ผักชีฝรั่ง,ผักชี,ใบสะแหน่ หั่นเตรียมไว้ พริกป่น,ข้าวคั่ว
ปรุงรส น้ำปลา,น้ำปลาแดก,น้ำหมากนาว ผงชูรสนิดหน่อย...คลุกทุกอย่างให้เข้ากัน ชิมรสตามใจผู้กินจ้า
ตักใส่จาน..กินกับข้าวเหนียวกะได้ ข้าวจ้าวกะได้ แล้วกะผักสดต่างๆตามแต่สิหาได้หละเนาะ
ลูกสาวเป็นผู้ซ่อยเฮ็ดกับข้าว...เชิญแซบเด้อจ้าพี่น้อง
มื้อวานนี่มาลีน่ากะเฮ็ดก๋วยเตี๋ยวเลี้ยง...น้ำซุปใช้ซุปก้อนเอา...ต้มแล้วกะใส่หอมใหญ่+ก้านเซเลอลี่ น้ำตาลกรวด
ถ้วยแรกติ๋มปรุงให้เป็นก๋วยเตี๋ยวหมูต้มยำ....
เดิกๆมาก๋วยเตี๋ยวลูกชิ้นหมู...หัดให้ลูกปั้นลูกชิ้น ปั้นไปบ่นไปเทิงเหนียวเทิงเย็น หนาวมือ พะนะ::)
Bookmarks