ควายกับคนอีสาน

[jack_sarakham]

เมื่อนี่ผมมานำเสนออาชีิพดังเดิมพี่น้องเฮ้าเด้อครับ เด็กน้อยบางคนอาจจะบ่ทันเห็นควายอยู่ใต้ล้างบ้าน ย้อนว่าอีพ่อขายเหมิดแล้ว ยุคสมัยกะเปลี่ยนไปครับ ชาวบ้านเฮ้าใช้ควายเหล็กไถนาแทนอีตู้บักตู้ ซ้ำบ่หน่ำเดียวนี่นั้งเถิงคูโบต้าราคาแสนแพง กะน่าเห็นใจครับ เฮ็ดนานิยากคักกัวซิได้ข้าวจักถังหนึ่งนิ ตอนนี้เศรษฐกิจพอเพียงกะเริ่มได้รับความสนใจหลายครับ ย้อนว่าพ่อหลวงของเฮ้านี่ละ ส่วนบักตู้หรือบ่ตู้กะตามซางกะเริ่มมีคนหันกลับมาใช้หลายขึ้น เหตุผลหนึ่งกะเพราะว่าน้ำมันแพงครับ น่าลองกลับมาลองเบิ่งคือกันเนอะส่วนที่อยากแนะนำกะคือการเฮ็ดฟาร์มบักตู้เฮ้านี่ละครับ เป็นอาชีพที่น่าสนใจท่าทำเลดี มีน้ำให้นอน ผลตอบแทนกะอยู่ที่จัดการครับ ตะกะถือว่าพอสมควรกะคือพอเพียงนั้นเองครับ นี่กะเป็นช่องทางหนึ่งสิเฮ้าสิได้ซ้อยกันอนุรักษ์และรักษาสัตว์คู่บ้านคู้นาเฮ้าไว้ครับ ไผ่มีความรู้หรือความเห็นกะทิ่มไว้ในกระทู้ได้ครับ ขอบคุณครับ

[หนุ่มเมืองกาญจน์]

การเอิ้นควาย จะเอิ้นตาม ลักษณะของควาย มีการเอิ้นหลายแบบ นำกัน เช่น

-ควายบักเถิก ( ตัวผู้ ) ส่วนโตแม่บ่ได้เอิ้นว่า อีควายเด๋ สิเอิ้นว่าควายโต แม่ซื่อๆ
-ควายเผือก ( สีขาว ) กะสิเอิ้น ควายด่อน
-ควายเขาสั้น บักตู้ (ตัวผู้) อีตู้ (ตัวเมีย)
-ควายเขายาว บักเขาเล
-ลูกควาย กะเอิ้นว่า ควายน้อย
-ควายเป็นสัด กะสิเอิ้น แม่เซิง
-ควายที่มี สีขาวอยู่หน้าผาก หางดอก ริมฝีปากล่างมีสีขาว หรือเอิ้นว่าปากคาบแก้ว สิเป็นพญาควาย ผู้ได๋มีควายแบบนี้สิเป็นศิริมงคล ถ่ามีอย่างเดียว บ่ครบ สาม สิบ่ดี
/
/
/
ส่วนกระผม ยามสูนให้เมีย บางครั้งกะสิเอิ้นว่า..........

[jack_sarakham]

>> <<.
โตนี่ชนะอันดับหนึ่งแกรนแชมป์ของงานประกวดสัตว์ของกรมปศุสัตว์ปีนี้ครับ งามคักอยากได้หลาย ผู้ใดมีงามๆแบบนี้บอกแน่เด้อครับซิเอาไปเป็นพ่อพันธุ์ ฝากทุกคนดูแลควายบ้านเฮ้าแน่เด้อครับ โตงามๆกะจงไว้แน่8)(t

[หลานพระรถ]

สวยงามมากๆ คะ ความสวยงามนี้หมายความถึง
1. วิถีความเป็นอยู่ที่พอเพียง
2. รูปพรรณกระบือสวยงามดีคะ
แถวเมืองชลบุรี จะเลี้ยงเพื่อประกวดกันมากกว่าใช้งาน
แล้วแข่งขันกันในวันออกพรรษา ชลบุรีจึงมีคำขวัญว่า
" ทะเลงาม ข้าวหลามอร่อย อ้อยหวาน จักรสานดี ประเพณีวิ่งควาย" จ้า
ควายที่สวยๆ ส่วนใหญ่จะเลี้ยงกันที่ อ.บ้านบึงคะ :g

[บ่าวกุดชุม]

ควายไทย เป็นตาแข็งแรงดีเนาะ เหลียวเบิ่งเหลี่ยมยุบยุบอยู่แมะ::)

[krieng]

ก้นงามเป็นตาฆ่าน้อ

[หนุ่มน้อยเมืองเพชร]

เข้าตากรรมการทุก ๆ ตัวครับผม จากภาพถ่ายมาให้ชม
แต่อย่าให้ภาพด้านบน ต้องหายไปจากท้องทุ่งนานะครับ
ต้องช่วย ๆ กันอนุรักษ์ไว้นะคร๊าฟ8)8)

[ฝนหลวง]

เข้าตากรรมการทุก ๆ ตัวครับผม จากภาพถ่ายมาให้ชม
แต่อย่าให้ภาพด้านบน ต้องหายไปจากท้องทุ่งนานะครับ
ต้องช่วย ๆ กันอนุรักษ์ไว้นะคร๊าฟ8)8)

หนุ่มน้อยเมืองเพชรแมนไปหามาแต่สัยอีกละนิ ยังมียุบ่อแบบนี่

[jack_sarakham]

สู่มื่อนี่กะยังมีครับในการใส่ควายเฮ็ดงาน ผมไปบ่แม่นยามนากะเลยได้แต่รูปควายแถกฮุ่น (กำจัดวัชพืช) มาสู่กันเบิ่ง หาเบิ่งยากคือกันครับ แต่ยังมีในบางพื้นที่ เป็นการประหยัดค่าจ้างแรงงาน ป้องกันการใช้ยาฆ่าหญ้าซึ่งเดี๋ยวนี้คนใส่กันหลายครับอันตรายหลาย แค่เดิ่นหน้าบ้านกะคร้านเสียหญ้าฉีดยาเฉย รูปหมู่นี้ถ่ายอยู่โคราชครับ รูปสุดท้ายเป็นควายตู้ครับกับแม่ใหญ่หนูหริ่งเล่าเลี้ยงชีวิตนำควายตู้เล่านี้ละ คู่บุญคู่บารมีเล่า เมื่อหลังซิเอารูปมาให้เบิ่งอีกครับ

[jack_sarakham]

เอานี่เอาควายหาเบิ่งยากมาให้เบิ่งอีกครับ มีดาวกระจาย กับตู้เผือก





ไผ่มีแปลงๆกะเอามาให้เบิ่งแน่เด้อครับ::)