หน้าที่ 1 จากทั้งหมด 2 หน้า 12 หน้าสุดท้ายหน้าสุดท้าย
กำลังแสดงผล 1 ถึง 10 จากทั้งหมด 12

หัวข้อ: ผญาสอนหญิง

  1. #1
    ผู้ช่วยผู้ใหญ่บ้านมหา
    มิสบ้านมหา 2012
    สัญลักษณ์ของ ติ๊กต็อค
    วันที่สมัคร
    Mar 2007
    กระทู้
    2,065
    บล็อก
    3

    พบปะพูดคุย ผญาสอนหญิง

    นางเอ้ย....

    ฮู้ว่าแหโตน้อย อย่าไปหว่านวังเลิก
    ถ่าหว่านเอาปลามันงอยบ่อนวังมันตื้น
    ฮู้ว่าไถไกล้ไม้อย่าไปฮ้ายให้ควาย
    ฮู้ว่าปลาบ่หลายอย่าไปฮ้ายให่ถ่ำ
    ฮู้ว่าตะเว็นค่ำอย่าไปฮ้ายลูกฮ้ายผัว
    คันเล่นโบกเสียหัว อย่าไปหากวนซาวบ้าน
    ฮู้ว่าโตขี้ค้านอย่าเฮ็ดนาไกล้ทาง
    ฮู้ว่าโต สิ่น บาง อย่าไปยืนสื่อแดด
    ฮู้ว่ารถบ่มีเบรคอย่าไปขี้ไต่คันแท
    ฮู้ว่านมโตแป อย่าสิลืมฟองน้ำ ..ว่าเด้นาง


    ผญาสอนหญิงผญาสอนหญิงผญาสอนหญิง
    :heart: ไทอุบล คนเมืองนักปราชญ์:heart:

    http://up.how2phin.com/pictures/a46ce89bb69277bd7b1a2f0912d7cb05.gif

  2. #2
    "ฮู้ว่านมโตแป อย่าสิลืมฟองน้ำ ..ว่าเด้นาง"

    อย่ามาหลอกลวงชาวบ้านเถาะครับ เขาสิคิดเกินความจริง อิอิอิอิ เว่าเล่น
    เสียดายความดีที่มีให้
    เสียดายหัวใจและเวลา
    เสียดายที่ที่โดนหลอกตลอดมา
    เสียดายคุณค่าความจริงใจ

  3. #3
    ดูแลตรวจสอบเนื้อหา สัญลักษณ์ของ โป้ยก่าย
    วันที่สมัคร
    Jun 2007
    กระทู้
    1,603
    แนวหมากต้องบ่ห่อนหล่นไกลกก
    คือจั่งแนวผมดกบ่ห่อนมีหัวล้าน
    เป็นหญิงนี้ธรรมเนียมให้คือไก่
    เมี้ยนไซไว้ดีแล้วโตเจ้าจั่งค่อยไป
    เป็นหญิงนี้ธรรมเนียมคือนกเจ่า
    ยามเมื่อขึ้นสู่ฟ้าขาวจ้าจั้งนกยาง
    คันสิทำการสร้างทางใด๋ให้เจ้าฮิ้น
    อย่าได้เห็นแกใกล้กินกล้วยหม่มคำ
    อันว่าซาวพี่น้องของไผให้คอยเบิ่ง
    อย่าสะเบิดเอิ้งเติ้งคือเผิ่งอยู่สูง นางเอ้ย
    จงเอาชนะในความยาก มิฉะนั้นความยากจะชนะท่าน

  4. #4
    ร่วมถ่ายทอดความรู้สู่สังคม สัญลักษณ์ของ บ่าวตี๋ คนหล่อฝั่งซี
    วันที่สมัคร
    Jul 2008
    ที่อยู่
    พนมไพรเด้ออาว
    กระทู้
    197
    ผัวเมียนี่กูมึงอย่าได้ว่า ข่อยและเจ้า...อิหยังต่อไปบุ้นี่ไผฮู้กะเติมให่บ่าวแนเด้อคะรับ อิอิ บัดท่าได้เป็นหมอสูตรนำเพิ่น อิอิอิอิ

  5. #5
    ศึกษาหาความรู้ สัญลักษณ์ของ popot
    วันที่สมัคร
    Nov 2007
    กระทู้
    5

    ชอบจ้า

    ชอบมากเลยจ้าปอจ้า

  6. #6
    ดูแลตรวจสอบเนื้อหา สัญลักษณ์ของ โป้ยก่าย
    วันที่สมัคร
    Jun 2007
    กระทู้
    1,603
    กระทู้ต้นฉบับโดยคุณ บ่าวตี๋ คนหล่อฝั่งซี
    ผัวเมียนี่กูมึงอย่าได้ว่า ข่อยและเจ้า...อิหยังต่อไปบุ้นี่ไผฮู้กะเติมให่บ่าวแนเด้อคะรับ อิอิ บัดท่าได้เป็นหมอสูตรนำเพิ่น อิอิอิอิ

    ผัวเมียนี้กูมึงอย่าได้ว่ามีข้อยและเจ้าถะผองเฒ่าชั่วชีวัง
    ฝัวเมียนี้อื้อหืออย่าได้ว่ามีแต่จ๋าและจ้าหวานจ้อยอะหร่อยหู
    ให้เป็นคนผู้ฮู้ตามฮีดครองเฮียนตรึกตรองคิดถ่อยคำจาต้าน
    จงเอาชนะในความยาก มิฉะนั้นความยากจะชนะท่าน

  7. #7
    Super Moderator
    Guide & Photographer
    สัญลักษณ์ของ เจ้าซายน้อย
    วันที่สมัคร
    Sep 2007
    ที่อยู่
    อยู่ในใจเสมอ
    กระทู้
    1,412
    อย่าสุฟ้าวใจฮ้อน กินเหิ่มก่อนสุก
    มันสิพาเฮาทุกข์ น้ำตานางสิรินย้อย
    ให้ตั้งใจเรียนเอาไว้ การศึกษาให้จบก่อน
    อย่าสุฟ้าวใจฮ้อน เอาผัวซ้อนก่อนวัย
    การมีคู่บ่ควรหล่า มันบ่ทันเถิงเวลา ใจเจ้าอย่าฟ้าวด่วน
    อนาคตเจาสิม้วน มืดมนแท้แก้บ่ทัน ซั่นแล้ว
    เกิดเป็นหญิงให้รักนวลสงวนไว้ ของดีโตเอาไว้แหน่
    อย่าสุได้แท่แล่ เสนอให้แก่เขา
    เขาได้แล้ว เขากะสิทิ้ม น้ำตานาง กะสิพังหยาบย่าง
    อกสิเพแตกม้าง หาผัวซ้อนกะบ่มี
    สิ่งดีดีที่โบราณเพิ่นสอนไว้ ให้นางฮ่ำคะนิงหวน
    สิ่งบ่ควรอย่าสุทำ สิอัปอายน้อขายหน้า
    พ่อแม่เทิงลุงป้า อาวอาเพิ่นสิหน่าย
    สิ่งอับอายขายหน้าเจ้า อย่าเอาเข้าฮ่วมวงศ์
    ให้เจ้าทรงใจหมั่น ประพฤติดีตามฮีต
    อย่าได้คิดไผ่ฮ้าย สิขายหน้าเผ่าสกุล ...ซั่นแล้ว นางเอ้ย

  8. #8
    ฮู้ว่ารถบ่มีเบรคอย่าไปขี้ไต่คันแท ::)::) ลองไปขี่เบิ่งทั่วขันบ่หัวสักโลด อิอิอิ:g
    ...เปรียบแม่เช่น โคมทองของชีวิต

    ช่วยชี้ทิศ ช่วยนำทาง ช่วยสร้างสรรค์

    ให้ความรัก ให้ความรู้ ชูชีวัน

    ลูกจึงมั่นกตัญญูบูชาคุณ..........เพื่อแม่ แพ้บ่ได้

  9. #9
    Super Moderator
    Guide & Photographer
    สัญลักษณ์ของ เจ้าซายน้อย
    วันที่สมัคร
    Sep 2007
    ที่อยู่
    อยู่ในใจเสมอ
    กระทู้
    1,412
    ปิดโรงเรียนผัดพากันเฮ็ดหัวแดงย้อม ย่างคอมมอมโชว์ร่างตามทางปานฝรั่ง
    จักว่าหยังเป็นหยัง ภาษาอังกฤษกะบ่ได้พอก้อย โอ้ย...นางน้อยเว้าบ่เป็น
    มากรรมเวรแท้น้อสังมาอยากอวดโอ้ แต่งโตโชว์อ้างของเก่า
    ฝาหนมครกกะบ่เท่า โอ้ย...ข้อยมาอุกอั่งเอ้าหมู่นักเรียน...แท้น้อ...พี่น้องเอ้ย

  10. #10
    ศิลปิน นักร้อง นักแสดง สัญลักษณ์ของ ไอ้เก่ง คนเลย
    วันที่สมัคร
    Feb 2008
    กระทู้
    176

    อัน ๆ ให้สอนนำแหน่เด้อ.......คือบ่น้อบาดนี้....

    ...ประเพณี แหม่งิงนี้ ธรรมเนียมให้มันค่อง
    ตีนผมให้หล่ำเกี้ยง ตืนซิ่นให้เปิดเผย

    ...ไผ๋บ่เคยมีซู้ การมีผัวนั่นดีแหน่
    ซันขาขึ้นแท้แล้ นอนเวนแล้ว จั่งค่อยกิน

    ...ยาเสพติด เอาเบิดสิ้นเทิงบุหรี่ มวนกัญชา
    มาสูพากันมา ขึ้นสวรรค์ เทวากว้าง

    ...บ่เคยหวงโตเนื้อ ไผ๋สิบายบ่เคยหว่า
    มีแต่คำหว่าได้ค่ะ มีแต่คำหว่า ได้ค๊ะ ทางนี้แม่นบ่ขีน

    ...ความสนุกบ่เคยสิ้น เงินแม่มีให้นับ
    แม่นสิจับ บายหยัง สั่งเอามาได้

    ...ไผ๋อยากลองมาเป็นคู่ เป็นขาบ่เคยหว่า
    เทิงบ้านไกลบ้านใกล้ มอไซค์น้อย สิส่งถึง

    ...เว้ามาแล้วสิต้องทึ่ง นั่นคืออดีตหนู
    แต่หว่ายามนี้ดู๊ เบิ่งม่องได๋ กะบ่ได้

    ...เทิงตุ่มลายตามเนื้อ ไผ๋เห็นไผ๋กะส่า
    ลูกแม่มันนั่นน่ะ ลูกแม่มันนั่นหนา ปากมีไว้บ่สั่งสอน

    ...อย่าสุหว่าแม่นางถ่อน นางเองนี่มันซั่ว
    หลงความสุขส่วนตัว ส่วนน้ำตาแม่นั่น เป็นเพียงภาพ ที่ลบเลือน

    ...เอาแต่ใจหมู่เพื่อน เป็นฝูงคืออิโหลป่า
    แม่นได้กินอิ่มแล้ว เหลียวหลังนั่น แม่นบ่มี

    ...การเกิดมาในชาตินี้ เสียทีความมักง่าย
    มาเสียดายคักแท้ เวลานั่น บ่ต่าวคืน

    ...ฟังแต่เสียงแม่สะอื้น ฮ้องไห้แม่นฮ่ำฮอน
    ยามสิเอนการ เพิ่นเสียบสาย น้ำเกลือไว้

    ...มาเหลือใจให้หมู่เพื่อน หมู่ฝูงที่เคยม่วน
    ตอนนี้มีแต่ แม่ ล้วน ๆ คำคิงให้ อยู่สุแลง

    ...บัดสิตายค่อยฮู้แจ้ง แม่สั่งสอนประเสริฐค่า
    คำได๋ที่แม่หว่า มาล้ำค่าจริงแท้ กว่าคำย้องดอกหมู่ฝูง

    ...หากผู้ได๋อยากรุ่ง อย่ามาเฮ็ดคือโตฉัน
    ให้มันเป็นบทเรียน ที่ซั่วทราม บทสุดท้าย

    ...บ่อยากอายสิมาเว้า ให้รุ่นน้องเอา เป็นโตอย่าง
    บ่อนได๋ดี...เป็นคติให้เก็บไว้ ..พอส่งให้...เป็นเม็ดบุญ....นี่แหล่ว...
    ท่องคำว่าทำใจ

หน้าที่ 1 จากทั้งหมด 2 หน้า 12 หน้าสุดท้ายหน้าสุดท้าย

กฎการส่งข้อความ

  • You may not post new threads
  • You may not post replies
  • You may not post attachments
  • You may not edit your posts
  •