กำลังแสดงผล 1 ถึง 4 จากทั้งหมด 4

หัวข้อ: ฝากผญาฮอดอ้าย

  1. #1
    ผู้ช่วยผู้ใหญ่บ้านมหา
    มิสบ้านมหา 2012
    สัญลักษณ์ของ ติ๊กต็อค
    วันที่สมัคร
    Mar 2007
    กระทู้
    2,197
    บล็อก
    3

    รอบยิ้มพิมใจ ฝากผญาฮอดอ้าย

    อ้ายเอ้ย....

    ...ได้ยินเสียงกาเวาฮ้อง....ยุงทองฮ้องแอ่ว.....

    ....ได้ยินเสียงแจ้ว ๆ..... ฟังแล้วม่วนหู......

    ...เฮ็ดให่คิดฮอดซู้.....ผู้อยู่ทางไกล....

    ..จิตอาลัยความฮัก...ห่างเหินเดินด้าว....

    ...กลางคืนหนาวเย็นจ้อย...ลมวอยๆ พัดผ่าน...

    ....ห่างมานาน..เป็นห่วงแต่เจ้าผู้เคยเว้า...แม่นต่อกัน

    ...แม่นมีหยังเขตกั้น....พรากข้างฮามฮ้างไป....

    ....ความฮักยังอยู่ใน...หัวใจน้องคือเก่า...เด้ออ้ายเอ้ย


  2. #2
    นักปราชญ์เมืองอีสาน
    ศิลปินนักแต่ง ผญา
    สัญลักษณ์ของ ศรีสะท้าน
    วันที่สมัคร
    Aug 2006
    กระทู้
    4,311
    คึดฮอดซู้คนอยู่ทางไกล ว่าฤานาง
    คึดฮอดไผนอคำแม่นคึดนำผู้ใดน้อง
    หรือแม่นลองกลอนเหล่นเห็นนกกาผญาจ่าย
    คันแม่นคึดฮอดอ้ายคือหายฮ้างห่างเหิน
    ไกลเกินปากกูกเอิ้นยามเดินดุ่งมันเดียวดาย
    ยามเดือนหงายลมวอยพี่หากคอยฝันพ้อ
    กลางคืนนอเย็นจ้อยสองมือคอยตุ้มผ้าห่ม
    ความคึดเถิงหากบ่ม้มระทมท้อต่อพะอวน

  3. #3
    ผู้ช่วยผู้ใหญ่บ้านมหา
    มิสบ้านมหา 2012
    สัญลักษณ์ของ ติ๊กต็อค
    วันที่สมัคร
    Mar 2007
    กระทู้
    2,197
    บล็อก
    3

    พบปะพูดคุย

    ...อ้ายศรีเอ้ย....

    ......ผัดแต่เหลียวเห็นหน่าวาจาต้านต่อ.....
    ....ตั้งแต่ผัดได้พ้อ...ใจหลดคิดอยากได้....
    ....ไปไว้ฮวมเคียง ...หมอน....แท้เด้อ้าย
    ....น้องมาเห็น...ซายจนว่าเก้อ...แม่นแฟนเพิ่น หรือจั่งได๋.....
    ....น้องอยากขอจองซั่นเด้อ้าย...ให่เอ็นดูน้องไว้แหน่....
    .....อยากได้เป็นเขยเฒ่าแม่...ทางอุบล พู้น.....
    ........พอได้แหน่บ่...อ้ายเอ้ย...(t (t

    .
    .
    .
    เจิ๊ดดด ยืมซื่อ อาจารย์ศรี ก่อนเด้อ อั่นที่จริง กะอยากใส่ซื่อผุลังคน หั่นละ ตะว่าย้านถึกฆ้อน (t ::) ::)

  4. #4
    ร่วมถ่ายทอดความรู้สู่สังคม สัญลักษณ์ของ จ๊ะเอ๋
    วันที่สมัคร
    Jul 2007
    ที่อยู่
    อุดรซิตี้
    กระทู้
    500
    พี่ติ๊ก น้องขอฝากให้ผุลังคนนำแนได้บ่จ้า เอาของเอื้อยนิหล่ะ 8)8)

กฎการส่งข้อความ

  • You may not post new threads
  • You may not post replies
  • You may not post attachments
  • You may not edit your posts
  •