อยู่เมืองนอกคั่นบ่ดัดแปลงเฮ็ดกิน อดตายอย่างเดียวจ้าพี่น้อง...อันนี่แทนบวบผัดไข่เด้อจ้า...
แซบคือกันคั่นไผมักบวบผัดไข่ ซูกินีนี่จะกรอบ หวานกว่าบวบนิดหน่อย แต่ติ๋มว่าแซบกว่าบวบเด๋...
ที่สำคัญ4หน่วย10เหรียญเดนมาร์ก ประหยัดอีกต่างหาก5555++
เอ้าลองเบิ่งเนาะจ้า...เครื่องปรุง ซูกินี1ลูก ปลอกเปลือกบ่ปอกกะได้ อ่อนอยู่ ล้างน้ำหั่นเป็นชิ้น
ไข่ไก่2ฟอง กระเทียมสับ เกลือ น้ำมันหอย ซีอิ๊วขาว ปรุงรส น้ำมันโอลีฟออยนิดหน่อย....
ตั้งกระทะใส่น้ำมันนิดหน่อย ผัดกระเทียมสับพอหอม ใส่ซูกินีที่หั่นไว้ ผัดพอสลดปรุงรส
กันไปไว้ขอบกระทะ ตอกไข่ลงไป ยีไข่ให้กระจาย เอาซูกินีลงคลุกๆ ตักใส่จาน บ่ต้องชิมดอก แซบแล้ว::)
เสริ์ฟกับข้าวมันปูหุงฮ้อนๆ พร้อมพริกน้ำปลา1ถ้วยน้อยๆ บ๋าแล้วไปมื้อหนึ่งเนาะพี่น้อง อิอิ
ต่อไปติ๋มสิไปอบรม14มื้อเด้อจ้า ไปเช้า เย็นกลับ ขับรถไปเอง100กว่ากิโลเมตร ไกลเติบ
ติ๋มคือสิบ่ได้ดัดแปลงอาหารไทย-อีสานอินเตอร์ให้เบิ่งอีก...ถึงบ้านกะสลบแล้วหละติ๋มว่า
พ่ออินางเฮ็ดหยังให้กินกะสิได้กินอันนั่นหละจ้า...บ่มีแฮงแม้กระทั่งติเขา::)
พี่มิกญี่ปุ่น เฮ็ดต่อเด้อจ้าพี่...เจ๊ปุ้ยจักหน่อยกะกลับไทยเนาะ...น้องต้นอ้อเด้อจ้า ติ๋มสิถ่าชิมแล้วบาดทีหนี่...8)
Bookmarks