กำลังแสดงผล 1 ถึง 4 จากทั้งหมด 4

หัวข้อ: โดนนานจั่งมาจวบ

  1. #1
    แบ่งปันความรู้และประสบการณ์ สัญลักษณ์ของ ทองคำ
    วันที่สมัคร
    Jan 2007
    กระทู้
    140

    โดนนานจั่งมาจวบ

    เจ้าเอ้ย เจ้าผู้หงษ์คำผ่าย บ่ได้กายมาผ่าน เด้น้อ
    เจ้าผู้บ้านต่างบ้าน นานแล้วจั่งพบกัน
    ผญากลอนกล่าวบั้น หยอกกันไปตามหว่าง
    บ่าวทองคำกลับมาบ้าง สิขออ้างทางกลอน
    ป่อนเป็นบั้งน้ำจั่น หันใส่สาวเบิ่งจักหน่อย
    หมู่สาวใหญ่สาวน้อย อย่าหันจ้อยอ่วยหนี
    บ้านมหาหม๋องนี่ สถานที่เคยส่งสาร
    กลอนใด๋ดีกลอนใด๋หวาน เอาส่งนางคราวกี้
    เฮายังมีใจหมั่น ว่าฮวมกันสิขันต่อ น้องเอ้ย
    ว่าสิมาพบพ้อ เฮือนหลังนี้บ่อยเคย
    บัดนี้ไปเว่าเย้ย เฉลยตอบกลอนไผ
    หรือเจ้าไลลาซาย ผู้เคยถามแล้วบ้อน้อง



  2. #2
    ผู้ช่วยผู้ใหญ่บ้านมหา สัญลักษณ์ของ sompoi
    วันที่สมัคร
    Mar 2007
    ที่อยู่
    japan
    กระทู้
    6,363
    บล็อก
    23
    โอ้หนอ..บ่าวทองคำเอ๋ย

    ดนแล่วบ่มาก่ายบ่มาบ่ายแว่นำ
    แม่นเจ้าหลงทางกําดอกด่าวแดนได๋
    คนผู่ฮ่ายอดสาไว่ขอเว่านำแน่ะเด๋อ
    เทื่อไว่เจอผู่ดีส้อย..สาวสำน้อยซั่นดอกหวา
    อดส่าว่านำเว่า..ผญาเจ้าออนซอนหลาย..นั่นแหลว

  3. #3
    ดูแลตรวจสอบเนื้อหา สัญลักษณ์ของ ตะวันนา
    วันที่สมัคร
    Aug 2006
    กระทู้
    1,612

    ....ว่าโอนอ....
    แม่นบ่ได้พ้อหน้า........เพียงเห็นคำเว่าจา......ของญาอ้ายในมื้อเก่า
    บ่เคยลืมอ้ายเคยเว่า......คำแว่วหวานมื้อนั้น......ยังสะท้านอยู่ในทรวง
    หือย้อนดวงชะตานี้.........ขีดอ้ายหนีบ่เว่าแว่.......ขอเพียงแต่มากล่าวเว่า
    กะคลายเศร้าส่วงหาย.......หลายวันเดือนผ่านพ้น......ยังเวียนวนเข้าถามข่าว
    คันอ้ายบ่าวได้คิดพ้อ........ให้มาจ้อแม่นผญา...........เด้ออ้ายคำเด้อ.........

  4. #4
    แบ่งปันความรู้และประสบการณ์ สัญลักษณ์ของ ทองคำ
    วันที่สมัคร
    Jan 2007
    กระทู้
    140
    แมน่มาจาเว่า แต่ใจเผฮากะยังห่วง กันตั้ว
    แม่นว่าบ่ได้ร่วมใจนี่หากห่วงนำ

    เป็นนำการงานยากหลายอันมันดึงจ่อง
    คิดเห็นมวลพี่น้องทางบ้านอยู่บ่เซา

    แต่หากว่าผมนี่บ่ทันเฒ่ายังศึกษาบ่ทันล่วง
    งานกะหลายเหลือร่วงเลยหายหน้านานโดน

กฎการส่งข้อความ

  • You may not post new threads
  • You may not post replies
  • You may not post attachments
  • You may not edit your posts
  •