แซลม่อนนึ่งซีอิ๊ว...

[ติ๋ม เปอร์โย]

ตามคำเรียกร้องแฟนคลับครัวบ้านมหาเนาะจ้า ถามมาว่าบ่เห็นตั้งกระทู้ โดนแล้ว
บางคนกะว่า บ่กินข้าวแล้วตี้...แม่ครัวเบิดมุขกะเป็นเด๋หละ 555++กินข้าวอยู่จ้า แต่อาหารเดิมๆ
เฮ็ดมาเบิดเกือบทุกเมนูแล้วแหม๋จ้า...มื้อนี่พากินปลาทะเลน้ำลึกเนาะ แซลม่อนนึ่งชีอิ๊ว..

เครื่องปรุง...เอาตามที่มีหนี่หละ..ปลาแซลม่อนติ๋มมีแค่2ชิ้น...ขิงหั่นเส้น ต้นหอมหั่นท่อน
พริกแดง+ต้นขึ้นฉ่าย+ต้นกระเทียมฝรั่งหั่นเส้น
เกลือ ซีอิ๊วขาว พริกไทยป่นนิดหน่อยปรุงรส...ใส่เห็ดหอมหั่นนำเด้อจ้า คั่นหาได้...
ปลาวางลงถาด ปรุงรส ใส่ผักต่างๆ นำไปนึ่งจนสุก...

เสริ์ฟกับข้าวหุงฮ้อนๆ ที่ขาดบ่ได้คือตำหมากหุ่งจ้า....แซบดีคือกัน แล้วไปหนึ่งมื้อ....

[ไก่น้อย]

โอ่วว...อาหารอิสานอินเตอร์ อิหลี ....สุดยอดแล้วจ้าพี่ติ๋ม มื้อวานไก่น้อยเข้าป่า หาหน่อไม้ เกือบออกจากป่าบ่ได้พี่เอ้ย ...วินแดด 5555+ ได้หน่อไม้มา 3-4 กระสอบ คักอิหลีพี่ ว่างๆไก่สิลงรูปใหเบิ่งเด้อ (มีหลักฐาน 555+ )

[ตรี ศรีเมืองใหม่]

ปลาแซลม่อนนี้เนื้อมันสิคือปลาค่อบ้านเฮาบ่อน้องติ๋ม.. แนมเบิ่งเป็นตาแซบ คือสิบ่อคาวเน๊าะเนื้อปลาแซลม่อน(อ้ายเห็นแต่ในสารคดีฮั่นแล่ว อิอิๆๆ)

[ฝนหลวง]

บ่อมักขิงแมะเอื้อยติ๋มบ่อไส่ขิงได้บ่อคับ

กินกับตำหมากหุ่งวาติ อิอิ มาสิเข่ากัน

[หลานพระรถ]

อืมม...เป็นตาแซ่บคักเน๊าะ อันเครื่องเคียงฮั่นแม๊ะ...::)

[คนกบินทร์]

ให่กินนำแนเด้อเอื้อยเอ้ย เป็นตาแซ่บเนาะ
8)8);d;d

[ติ๋ม เปอร์โย]

น้องไก่จ๋า...ถ่าเบิ่งอยู่เด้อรูปคนไปหาหน่อไม้ เมื่อยแดดนั่น ขอจัจกระสอบแหน่ มักกินคือกันจ้า...
ซุปหน่อไม้ แกงหน่อไม้ ต้มจิ้มน้ำพริกกะปิ....

ทางนี่กะไปหาคือกันจ้า ได้มา3โล ซื้อมา เขาอัดปิ๊บส่งออก กะพอบ่ตายย่อนกะยังว่า

ปลานิลทอดกระเทียม พริกไทย รากผักชีโขลก เกลือ หมักไว้ แล้วกะทอด กินกับซุปหน่อไม้ แซบหลาย
แต่กับข้าวหุง บ่ค่อยกินข้าวเหนียวแล้วช่วงนี่นะจ้า...เผลอๆกินแต่ซุปหน่อไม้กับปลาทอดเล่นๆ
ขนาดว่าควบคุมอาหารเด๋หนี่::)
ปลาแซลม่อนนี่เนื้อออกมันๆจ้า บ่คาว ถ้าสดๆเนื้อออกหวานนิดหน่อย...แซบดีมักกิน
ได้จ้าน้องจง เขี่ยๆออกกะได้ขิงนะ บ่มักกะบ่ต้องใส่กะได้น้องหล่า...
ลองเฮ็ดกินเบิ่งเด้อจ้า ปลาอินเตอร์+ตำหมากหุ่ง แซบไปอีกแบบ8)

[หนุ่มลำซี]

เป็นตาแซบน้อพี่...บ่เคยลองกินเมิ่งจักเทียครับแวลม่อนนี่
งานพาแลงเอาขังไส่ถังพลาสติกมาฝากจักโตแนเด้อพี่ ::)

[คนเมืองขอน]

เอ....ปลาแซลม่อนนี่มันบ่แมนปลาน้ำจืดบ่ครับ เคยเบิ่งสารคดีเห็นมันอยู่นำแม่น้ำแล้วกะมีหมียืนถ่ากินอยู่สั่นดอกวา ถ้าเข้าใจผิดประการได๋กะขอโทขออภัยหลายๆเด้อครับ

[Queenie]

น่าอร่อยจัง คนไทยไปอยู่ที่ไหน ก็ ดัดแปลง เก่ง สามารถ ทำได้ ทุกอย่าง วันหลัง จะลองทำมั่ง ยินดีที่ได้ รู้จักนะคะ