มื้อวันเสาร์น้องหลิน ได้เข้ามาเมืองอุบลกะเลยนัดแนะกันกับ อ้ายคนบ้านๆ อาจารย์หนุ่มน้อย น้องหลิน และน้องหล่อร้อยเมตร ว่าสิไปกินแจ่วฮ้อนกันพอ 6 โมงแลงกะเลยหาฮ้านแซ่บๆอยู่แถวๆตลาดดอนกลางบรรยากาศกะใช้ได้ เลยเก็บภาพมาฝากจ้า
ผักเพิ่น สด สะอาด
..เนื้อกะสด พร้อมทั้งยำผ้าขี้ริ้วจ้า ตอนแรกกะมี แจงกะน้องหลิน ไปฮอดก่อน เลยสั่งอาหารไว้ก่อน พร้อมทั้ง..น้องๆ 285 กลมนึ่ง อิอิ..
หม้อแม่นาค..โอ๊ะ หม้อแจ่วฮ้อนจ้า
อ้ายคนบ้านๆเพิ่นมานำหลานชาย ว่าซั่น อิอิ..ช่วยเบิ่งแนจ้าว่าแม่นสำเนาถูกต้องบ่
จั๊กน่อยอาจารย์หนุ่มน้อยเพิ่นกะมาฮอดจ้า..ส่วนน้องหล่อร้อยเมตรบ่มาจ้อยคาดว่าคึสิมั่วหน้าฮ้านหมอลำอยู่หน้าบิ๊กซีพู้นล่ะ ฮ่าๆ
กินกันไป คุยนัวหัวม่วนกันไปตามประสาไทเฮา แล้วกะแยกย้ายกันเมือบ้านจ้า
ขอบคุณ อาจารย์หนุ่มน้อย อ้ายคนบ้านๆ และน้องหลิน ที่มาตุ้มโฮมให้คุ้มไทอุบลมีสีสรรค์เด้อจ้า อยากพ้อพี่น้องอีกหลายๆท่านที่อยู่ในเมืองอุบลและใกล้เคียงมาพบปะกับหลายๆคนจ้าอบอุ่นดี..เทื่อหน้าพ้อกันใหม่เนาะจ้า
Bookmarks