หน้าที่ 3 จากทั้งหมด 23 หน้า หน้าแรกหน้าแรก 1234513 ... หน้าสุดท้ายหน้าสุดท้าย
กำลังแสดงผล 21 ถึง 30 จากทั้งหมด 229

หัวข้อ: อีสานลืม

Blogger
  1. #21
    หนุ่มธรรมสิริ
    Guest
    คนสมัยเดี๋ยวนี้ บ่อคือคนรุ่นเก่า
    คนสมัยสู่มื้อนี้ บ่อคือกี้เก่าหลัง
    ตั้งแต่กี้อดีตเก่าคราวลุน
    อินเตอร์เนตบ่อทันมี ไฮไฟร์ บ่อทันพ้อ
    การแต่งโตสมัยนั้น ประเพณีแบบเก่า
    ผู้หญิงนุ่งผ้าสิ่น ถุงพื้นล่ามตีน
    ซิ่นกะซิ่นหมี่เอื้อ ฟืมต่ำทำเอง
    ฝ้ายกะเข็นด้วยมือ เล่นหลาเฮานั้น
    มือเข็นฝ่ายพากันลงข่วง
    เข็นฝ้ายอยู่เดิ่นบ้าน ไฟใต้กะบ่อมี
    มีกะมีไฟตั้ง กองฝืนสุมต่อ
    เอาแสงเดือนอยู่ฟ้ามาใช้เจ้าซ่อยแสง
    อยู่กันเป็นคุ้ม ๆ ลงข่วงโฮมกัน
    กินข้างแลงแล้วลงโฮม หมู่ฝูงมาเต้า
    บ่อจักเด็กจักเฒ่า เอาแคนลงมาเป่า
    อีกทั้งแคนโอ่ย..ซ้ำ ซออู้กะโห่กัน
    ออกข่วงนั้น แล้วกะไปข่วงนี้ เลียนเลาะตบมือ
    ผู้เฒ่านอนเทิงซาน เหงี่ยงหูฟังไว้
    ประเพณีไทยแท้ บ่อคือกันหลายอย่าง
    ทางอีสานทุกถ้วนหน้าเป็นจั่งสี้แต่เก่าเดิม..เพิ่นว่า..น้อ..


  2. #22
    ลำน้ำมูล
    Guest
    พี่น้องเอ้ย.......เคยแถลงกล่าวก้ำค้ำว่าแกมผญา
    เป็นภาษาเพิ่งเฮียนมาแกมกล่าวเว้า
    มาขอมูลคำว้าเฒ่าพ่อทองแดงนี้แหล่ว
    มาขอแนวมูลมังทางแนวเฮียนฮู้ พ่อเอ้ย

  3. #23
    แบ่งปันความรู้และประสบการณ์ สัญลักษณ์ของ ทองแดง
    วันที่สมัคร
    Jul 2008
    ที่อยู่
    ศิษย์เก่าน้ำพองศึกษา จ.ขอนแก่น
    กระทู้
    166

    คำถาม และรอคำตอบ ตะเกียงเจ้าพายุ

    ทุกข์กะทนเด้อหล่า..อดสาซามพอลูกใหญ่
    แม่สิเอาปลา-ไก่ปิ้งมาเพียรเลี้ยงกล่อมถนอม
    บ้านเพิ่นกินข้าวพร้อม"ตะเกียง""ฮุ่ง-ลุก"ดี
    เฮียนเฮามีแต่"กะบอง"แม่สิคองคอย"ไต้"
    "ขุมขี่ยาง"พอหาได้"ขี้ขอนดอก"ยังมีอยู่
    แม่สิซื้อ"ตะเกียงเจ้าพายุ"ให้ดอกหล่าคำแก้วอย่าแอ่วหย๋อ
    ให้เจ้าคอยทางพ้อมื้อเซ้ามาพ่อสิต่าว
    พ่อไปซื้อ"ไส้ตะเกียง"กับ"น้ำมันก๊าด"ให้บักท้าว..เอามาไว้ใส่ตะเกียง
    Attached Thumbnails Attached Thumbnails คลิกเพื่อดูภาพขนาดใหญ่ & nbsp.

ชื่อ: index[2].jpg‎ & nbsp;
เข้าชม: 0 & nbsp;
ขนาด: 226.5 KB & nbsp;
ID: 5833  
    Attached Images Attached Images  
    แก้ไขครั้งสุดท้ายโดย ทองแดง; 08-03-2018 at 17:38.

  4. #24
    แบ่งปันความรู้และประสบการณ์ สัญลักษณ์ของ ทองแดง
    วันที่สมัคร
    Jul 2008
    ที่อยู่
    ศิษย์เก่าน้ำพองศึกษา จ.ขอนแก่น
    กระทู้
    166

    โกรธแล้วน่ะ วอนฟ้า...

    ศรี..ศรี ผุ้ข้าแหงนวอนฟ้าให้ฝนฮ่ำลงมา
    ได้เฮ็ดนาไถฮุดซุ่มป่าดงพงอ้อ
    ขออย่าได้อึด-ขอด-อยากอาหารกินซิ้นต่อน
    เทิงหมู่"มอน""ม่วง""มี่"ให้เขียวสะอื้นบ่งใบ
    ยามอยากได้ปากคอบว่าเทิงออย
    หากว่าคอยบ่มีฝนบัดว่าเป็นนำฟ้า
    ข้าวจากนาขึ้นเล้าแล้วปาน"มันแกว"เอิ้นสั่งไฮ่
    ตั้งแต่"ไม้คันหลาว"กะซัดถิ่ม..ปีหน้าสิค่อยหา..
    Attached Images Attached Images  
    แก้ไขครั้งสุดท้ายโดย ทองแดง; 08-03-2018 at 17:33.

  5. #25
    แบ่งปันความรู้และประสบการณ์ สัญลักษณ์ของ ทองแดง
    วันที่สมัคร
    Jul 2008
    ที่อยู่
    ศิษย์เก่าน้ำพองศึกษา จ.ขอนแก่น
    กระทู้
    166

    ดูวีดีโอ YouTube ออนไลน์ ปลา

    ปลา ปลา

    เหลียวเมฆาไหลย้วยฟ้าฝนอ่วยหยาดฮวยฮำ
    หมู่อีสานกระทำการแต่ง"มอง"ลง"ซ้อน"
    จัก"ปลายอน""ซิว""สร้อย""เซียม""แปบ"คอยสิลง"หลี่"
    "กะแยง"มี"ขี้เ-่ย"พร้อม"ปื่ง""กด""ค้าว"หมู่ท่าว"เคิง"
    จักฮู้เปิงแปงเอียบไว้หากได้ฮ่อมวังมันหลาย
    ฮู้จักยายไทฝูงหมู่พ่อลุงอาวน้า
    "เข็ง""ก่า""ตอง""หลาด""นาง"บ้อนได้ป่อนปันกันสู่
    ซุ้มื้อนี้...เหลือให้ดูแต่ฮูปไว้ ย้อนเงินใซ้ได้จ่ายกิน
    Attached Images Attached Images  
    แก้ไขครั้งสุดท้ายโดย ทองแดง; 08-03-2018 at 17:24.

  6. #26
    แบ่งปันความรู้และประสบการณ์ สัญลักษณ์ของ ทองแดง
    วันที่สมัคร
    Jul 2008
    ที่อยู่
    ศิษย์เก่าน้ำพองศึกษา จ.ขอนแก่น
    กระทู้
    166

    ปลา 2

    อ้ายหากคองคอยถ่าจาก"วังปลา"ตั้งท่า
    จนว่าปลาแพร่ลูกเต้าเหลียวหาเจ้ากะเปล่าแปน
    จักไปอยู่ด่านแคว้นขงเขตทางใด๋
    บ่าวพี่ซายแฮ่งคึดนำห่วงละเมอกระสันเพ้อ
    คึดอยากมีจดหมายน้อยฝากปลาไปถามข่าว..เบิ่งเด้
    หรือว่าสาวมีใหม่ซ้นจั่งปิดส่นเสี่ยงบัง
    ความกก..ย้านแต่ปลาคะนำน้ำบ่สนวังเตื้องต่อ
    ความปลาย..ย้านพะนอวาทเว้าเฮาข่อยบ่ค่องคือ
    Attached Images Attached Images  
    แก้ไขครั้งสุดท้ายโดย ทองแดง; 08-03-2018 at 17:42.

  7. #27
    แบ่งปันความรู้และประสบการณ์ สัญลักษณ์ของ ทองแดง
    วันที่สมัคร
    Jul 2008
    ที่อยู่
    ศิษย์เก่าน้ำพองศึกษา จ.ขอนแก่น
    กระทู้
    166

    เศร้าซึม อีพ่อ

    ตาเว็นตกค่ำค้อยเจ้าน้อยหน่อก่อเซื้อไข
    ไปอยู่ไสหน๋อคำแพงค่ำแลงลงคึดเห็นเจ้า
    ปล่อยป๋าลูกให้สองเฒ่าเฝ้าอยู่เฮือนถ่าอีพ่อ
    บ่หลูโตนลูกบ่ท้าวเทิงหย๋อไห้เกี่ยใส่แอว
    ยามพ่อแม่ตายมอดเมี้ยนลูกเจ้าใหญ่เป็นบ่าว-สาว
    เขาสิไสลืมเปิงจูมจีหาคะนองเต้น
    จักสิเห็นลูกหล่ากลับคืนนา..เลี้ยงหลานดอกแทนพ่อ
    ออนซอนหน้อซุมอีสานซู่มื้อนี้..คราวกี้ว่าบ่เห็น



    (ลิขสิทธิ์โดย ทองแดง ห้ามเผยแพร่เพื่อแสวงหากำไร)
    tongdang3317@gmail.com
    อีพ่ออีพ่อ
    แก้ไขครั้งสุดท้ายโดย ทองแดง; 08-03-2018 at 18:11.

  8. #28
    Super Moderator
    Guide & Photographer
    สัญลักษณ์ของ เจ้าซายน้อย
    วันที่สมัคร
    Sep 2007
    ที่อยู่
    อยู่ในใจเสมอ
    กระทู้
    1,465
    โอน้อ....ออนซอนเด้
    ออนซอนภูมิผญาเจ้า อิสานเฮาสืบแต่เก่า
    อ้ายทองแดงเพิ่นมาเว่า ปรัชญาเค้าแต่เก่าหลัง
    ของมูลมังแต่เก่ากี้ สมัยนี้บ่มีเห็น
    อ้ายกะเขียนมาโพสต์ อนุชนได้เรียนรู้...คักแท้เด้

    แม่นนอนเขียนอยู่ตูบฮ่างหลังเก่านั่นบ่น้อ อ้ายเอย

  9. #29
    แบ่งปันความรู้และประสบการณ์ สัญลักษณ์ของ ทองแดง
    วันที่สมัคร
    Jul 2008
    ที่อยู่
    ศิษย์เก่าน้ำพองศึกษา จ.ขอนแก่น
    กระทู้
    166

    จาก..ตูบต่อเล้า

    ขอขอบคุณเด้อท่านที่จาไถ่ถามหา
    หลายเวลาคืนจรได้ห่างหนีไกลเว้น
    คึดอยากเห็นเฮือนไม้เลยเข้าดงพงป่า
    ป๋าบ่อนตูบต่อเล้าให้เนาว์ถ่าอยู่คอง
    ส่องเข้าเขตป่าไม้ดาระดาษดงขวาง
    พ่องภูผาซันสูงฮ่อมหินในด้าว
    คันสิซาวฟันทื้นอยู่โดนย้านมันค่ำ
    เทิงคึดนำพี่น้อง"บ้านมหา"อยู่ก้ำพี้..ปานนี้อยู่จั่งใด๋
    จักสิได้ขอทานไม้ปันแหน่เด้อ...ไผมีแหน่
    พอเฮ็ดตะแคร่ไว้ตูบเล้าให้หมู่เจ้าได้แวะยาม
    ปันแหน่เด้อ...ไผผู้มีข้าวน้ำปารมีเจ้านั้นค่อง
    ปันทองแดง
    ไว้ใส่ท้อง...พอมีแฮงเว้ากล่าวผญา
    Attached Images Attached Images  
    แก้ไขครั้งสุดท้ายโดย ทองแดง; 08-03-2018 at 18:06.

  10. #30
    นักปราชญ์เมืองอีสาน
    ศิลปินนักแต่ง ผญา
    สัญลักษณ์ของ ศรีสะท้าน
    วันที่สมัคร
    Aug 2006
    กระทู้
    4,231
    เฮือนมหาคือดงกว้าง สกุณาเข่าซ้นเพิ่ง
    ภูผาเพิงป่าไม้ ไพรกว้างสิกล่าวเกิน
    ขึ้นโคกเยิ้น กกก่อกอกาง
    มีหมู่ยางกะยูงดง เขตขงพงด้าว
    มีหมู่กาวแกมก้าว ทาวใบไลแบ่ง
    ซุมสะแบงซาดซ้อน สะออนเด้ดอกดวง
    แผ่ฮ่มกว้างกะบกบาก ลำสูง แท้นอ
    ปลายลำคุงเทียมเขา ยอดเลาแซมซ้อน
    เห็นออนซอนสะออนโอ้ โอนอมาพ้อเบิ่ง
    หลงฮ่ำเพิงเมื่อหน่า มหาบ้านท่านเอ้ยฯ

Tags for this Thread

กฎการส่งข้อความ

  • You may not post new threads
  • You may not post replies
  • You may not post attachments
  • You may not edit your posts
  •