หน้าที่ 2 จากทั้งหมด 24 หน้า หน้าแรกหน้าแรก 123412 ... หน้าสุดท้ายหน้าสุดท้าย
กำลังแสดงผล 11 ถึง 20 จากทั้งหมด 240

หัวข้อ: อีสานลืม

  1. #11
    แบ่งปันความรู้และประสบการณ์ สัญลักษณ์ของ ทองแดง
    วันที่สมัคร
    Jul 2008
    ที่อยู่
    ศิษย์เก่าน้ำพองศึกษา จ.ขอนแก่น
    กระทู้
    177

    ดูวีดีโอ YouTube ออนไลน์ ควายตู้น้อยรำพัน...

    ควายตู้น้อยรำพัน... ควายตู้น้อยรำพัน... ควายตู้น้อยรำพัน...

    "กรรมใด๋เด้มาบีฑาข้าน้าวจ่อง
    พ่อผุ้ข้าถืกค่าวค้องจูงไปค้าอยู่ท่าไท
    แม่ผุ้ข้า..เขาหากขันล่ามไว้แล้วปาดยายเป็นซิ้นต่อน
    ปล่อยข้าฮอนฮ่ำไฮ้น้ำตาย้อยบ่หล่ำหลิง
    ยามเวียกใซ้ไถจ่องลากเทิงเกียน
    ขี้อยู่เฮียนยังเป็นปุ๋ยเพิ่นเคยคุยว่าคุณล้น
    บาดเครื่องยนต์เข้ามาใซ้ผัดลืมควายบ่เตื้องต่อ
    ขายพ่อแม่ผุ้ข้าแล้ว..มื้อใด๋แหล่วสิแม่นโต"




    ควายตู้น้อยรำพัน...
    แก้ไขครั้งสุดท้ายโดย ทองแดง; 28-10-2019 at 16:50.

  2. #12
    Queenie
    Guest
    ม่วนหลาย ๆ อ่านแล้ว ได๋ความรู้สึกมาก ๆ เว้ามาก็คิดฮอด น้อ บรรยากาศ ตอนเด็กน้อย ... เขียนย่อเป็นค่ะ ยอย่องนะคะ อนุรักษ์ไว้นะคะประเพณีบ้าเฮ้า

  3. #13
    แบ่งปันความรู้และประสบการณ์ สัญลักษณ์ของ ทองแดง
    วันที่สมัคร
    Jul 2008
    ที่อยู่
    ศิษย์เก่าน้ำพองศึกษา จ.ขอนแก่น
    กระทู้
    177

    ดูวีดีโอ YouTube ออนไลน์ แม่โพสพ

    แม่โพสพ แม่โพสพ แม่โพสพ


    "แม่หากเลี้ยงใหญ่แล้ว ผัดลืมหล่าพระคุณหลัง
    กินปะทังชีวิต บ่คิดเห็นแต่พอน้อย
    สิกิน"กอย-มัน"แก้ หยังสิคือเจ้ากินแม่
    มาเฮ็ดบาปแม่แท้ เอาขายค้าแลกค่าเงิน
    ยามใด๋ฟ้าฮ้องแล้ง เมฆบ่อ่วยฝนบ่มา
    แม่บีบน้ำตาเป็นน้ำนม ให้บ่มเหลืองเป็นฮวงไว้
    ย้านแต่ไทประซาเซื้อ ขอดหิวซ้ำอดอยาก
    บัดได้ตกใส่ปาก-บัดได้ฝากใส่ท้อง คองคุณข้าวบ่เหล่าเห็น"
    Attached Images Attached Images  
    แก้ไขครั้งสุดท้ายโดย ทองแดง; 23-09-2019 at 17:58.

  4. #14
    แบ่งปันความรู้และประสบการณ์ สัญลักษณ์ของ ทองแดง
    วันที่สมัคร
    Jul 2008
    ที่อยู่
    ศิษย์เก่าน้ำพองศึกษา จ.ขอนแก่น
    กระทู้
    177

    อายหน้าแดง ไพหญ้า

    ไพหญ้า ไพหญ้า ไพหญ้า

    เฮือนเฮาเคยมุงหญ้า หลังคาซ้ำผั่นฮั่ว
    พ่อไปคว่าหาเกี่ยวหญ้า หัวนาพุ้นฮ่อมหว่างดอน
    เกี่ยวมาแล้วกะเล่าถ้อน ตากแดดเฮิ่มเหลืองดี
    ไม้ไผ่มีมาโฮมกัน "เคีย-หวาย"พันเป็น"ไพ"ไว้
    เพิ่นหากเอิ้น"ไพหญ้า" โบราณมาเคยได้เพิ่ง
    มุงทางเทิงได้เพิ่งใต้ พออยู่ได้บัดฮ่าฝน
    ยามแดดมาได้ลี้ซ้น ให้อยู่ซุ่มกินเย็น
    บัดนี้เห็นแต่สังกะสี ว่ามันดีกว่าของพื้น



    ไพหญ้า
    แก้ไขครั้งสุดท้ายโดย ทองแดง; 28-10-2019 at 17:30.

  5. #15
    แบ่งปันความรู้และประสบการณ์ สัญลักษณ์ของ ทองแดง
    วันที่สมัคร
    Jul 2008
    ที่อยู่
    ศิษย์เก่าน้ำพองศึกษา จ.ขอนแก่น
    กระทู้
    177

    Picpost ดูรูปภาพ เถียงนา

    เถียงนา เถียงนา เถียงนา เถียงนา


    เถียงนาน้อยงอย แคมทางเจ้าสร้างก่อ
    พ้อแต่ลมผ่านต้อง ระอองเอ้าป่าข้าวเขียว
    ฮอดหน้าเกี่ยวเพิ่นบ่ซ้น เอารถเกี่ยวแทน"เคียว-ขอ"
    บ่ได้พอนั่งเซาเถียง ย้านมันเปียงทางซิ้น
    ตั้งแต่กี้..เคยแขนอู่ลูกไว้ ปากผั่นอ่อยทังออย
    ให้เจ้าคอยเบิ่งหลาน อย่าหลูดหลวมเด้อเจ้า
    ซู่มื้อนี้..เห็นแต่เฟียงกับตอข้าว เอิ้นถามกันอยู่ว่อน-ว้อน
    ปลวกกินเจ้าหล่อนแล้วบ่..เสายังหมั่นหรือว่าใด๋



    เถียงนา
    แก้ไขครั้งสุดท้ายโดย ทองแดง; 28-10-2019 at 17:24.

  6. #16
    ดูแลตรวจสอบเนื้อหา สัญลักษณ์ของ หนุ่มเหงาคนไกลบ้าน
    วันที่สมัคร
    May 2008
    กระทู้
    2,307
    ซุเมื่อนี่อีสานเฮาเปลี่ยนไป คิดฮอแต่ก่อนหลังน้อครับตำข้าว บ่อใด่ใรงสี ลงแขกเกี่ยวข้าวซุเมือนี้จ้างเขา เอารถเกี่ยวกะมี ...........

  7. #17
    แบ่งปันความรู้และประสบการณ์ สัญลักษณ์ของ ทองแดง
    วันที่สมัคร
    Jul 2008
    ที่อยู่
    ศิษย์เก่าน้ำพองศึกษา จ.ขอนแก่น
    กระทู้
    177

    ดูวีดีโอ YouTube ออนไลน์ บ่วงบักหอย

    บ่วงบักหอย บ่วงบักหอย บ่วงบักหอย

    อีสานเฮาเคยยากไฮ้ ดินแห้งไง่เป็นผง
    ผ้าเอ้ทรงงามถือ ว่าบ่มีพอด้าม
    จักว่าข้าวและน้ำ ปูปลากินซิ้นต่อน
    มันคอนแคนอึดยากฮ้าย ก็อยู่ได้ตามกะเยิม
    ยามกินแกงเอาะอ่อมจ้ำ คันน้ำล่วงทรงมันหลาย
    แจกบ่วงยายไว้คอย"ซด" มาซ่างนัวเอาเหลือฮ้าย
    "งุม"จากฝายหนองห้วย ทรงส่วยแหลมเอิ้นว่า"บ่วง"
    ซุ่มื้อป่วงเปลี่ยนเป็น"ซ้อน" บ่ออนซอนซ้ำ"บ่วงบักหอย"



    บ่วงบักหอย
    แก้ไขครั้งสุดท้ายโดย ทองแดง; 28-10-2019 at 17:49.

  8. #18
    แบ่งปันความรู้และประสบการณ์ สัญลักษณ์ของ ทองแดง
    วันที่สมัคร
    Jul 2008
    ที่อยู่
    ศิษย์เก่าน้ำพองศึกษา จ.ขอนแก่น
    กระทู้
    177

    มีรูปภาพประกอบ หนังสือใบลาน

    หนังสือใบลาน หนังสือใบลาน หนังสือใบลาน หนังสือใบลาน


    มูนอีสานตั้งแต่เค้า บอกเล่าเป็นคำสอน
    แบ่งเป็น"ตอน"เป็น"ผูก""มัด" จัดฮี่เฮียงไว้ดีแท้
    หมวดพระธรรมไขแก้ ปาปังทางโลกลุ่ม
    ทังหมู่ซุมเวียกบ้าน ให้เห็นถ้านฮ่อมคดี
    เพิ่นหากเอา"เหล็กจาร"จี้ เขียนใส่ใน"ใบลาน"
    "จาร"เป็นตัวหนังสือ ทัง"ตัวธรรม""ตัวไทน้อย"
    ซุ่มื้อนี้..มันหากมีคนหน่อย ไปเปิดไขได้เขยอ่าน
    ของมันแนวคู่บ้าน บ่เห็นซ้ำป่องคดี



    หนังสือใบลาน
    แก้ไขครั้งสุดท้ายโดย ทองแดง; 28-10-2019 at 17:15.

  9. #19
    ศึกษาหาความรู้ สัญลักษณ์ของ พิณแก้วเก้า
    วันที่สมัคร
    Dec 2007
    กระทู้
    4
    โอนอ พี่น้องเอ้ย
    พอได้เห็นคำต้าน ขานไขดาระดาษ
    ส่ำเห็นแนวชาติเซื้อ ซุมเจ้าหมู่อีสาน

    เห็นตำนานเหมิดแจ้ง ที่แปงปันปั้นต่อ
    เห็นโตก่อแต่งตั้ง เมืองบ้านปราชญ์กวี

    เห็นเหล็กซี กวีไท้ ปัญญาแหลมเกินขนาด
    เห็นนักปราชญ์ เก่ายั้ง ยังอยู่ร่วม ฮ่วมสมัย

    เจ้าผู้เป็นปราชญ์แท้ แวมาใหม่แหน่เด้อศิลป์
    แวมาให้ยลยิน ถิ่นอีสานที่สูงล้ำ
    แวมากำใจข้า เอาภูมิปัญญามาเผื่อแผ่
    เอาของจริงแท้ๆ มาแป๋ไว้ใส่มโน ข่อยเบิ่งดู้ อาจารย์เอ้ย

  10. #20
    แบ่งปันความรู้และประสบการณ์ สัญลักษณ์ของ ทองแดง
    วันที่สมัคร
    Jul 2008
    ที่อยู่
    ศิษย์เก่าน้ำพองศึกษา จ.ขอนแก่น
    กระทู้
    177

    บ้านมหาโพสต์

    อาหังข้า..อย่าเป็นโทษปาปัง...กับทองแดงเด้อ
    ยังผู้เข้าใจผิดคิดเป็นจารย์เมธีเฒ่า
    ย้อนผู้ข้ายังตื้นปัญญาเบาโลดเอ้าอั่ง
    ทังบ่ทันได้บวชซ้ำสังไปเอิ้นใส่ยศสูง
    33 ปีอายุหล่าขอมาฮ่วม"บ้านมหา"
    ขอขมาฮ่ามันผิดอย่าคิดหยันหยามเย้ย
    ซ่อยกันเขยวาจาต้านขานคำมาโผดลูกแหน่
    สิค่อยปรับแต่งแก้..ซุมหมู่เจ้าให้กล่าวสอน...เอาเด้อ
    แก้ไขครั้งสุดท้ายโดย ทองแดง; 30-06-2009 at 21:31.

หน้าที่ 2 จากทั้งหมด 24 หน้า หน้าแรกหน้าแรก 123412 ... หน้าสุดท้ายหน้าสุดท้าย

Tags for this Thread

กฎการส่งข้อความ

  • You may not post new threads
  • You may not post replies
  • You may not post attachments
  • You may not edit your posts
  •