หน้าที่ 24 จากทั้งหมด 24 หน้า หน้าแรกหน้าแรก ... 14222324
กำลังแสดงผล 231 ถึง 240 จากทั้งหมด 240

หัวข้อ: อีสานลืม

  1. #231
    แบ่งปันความรู้และประสบการณ์ สัญลักษณ์ของ ทองแดง
    วันที่สมัคร
    Jul 2008
    ที่อยู่
    ศิษย์เก่าน้ำพองศึกษา จ.ขอนแก่น
    กระทู้
    177

    คำถาม และรอคำตอบ ติ..หยัง ?

    ติว่าเฮือนเฮาฮ้าง บ่หันหลังคืนบ้านเก่า..เฮาบ้อ
    หรือว่าติพ่อแม่เฒ่า คำจาเว้าบ่หมื่นหู
    หรือติปูปลานาน้ำ บ่มันนัวแซบอร่อย
    จั่งปล่อยป๋าละถิ่ม บ่คืนโค้งอ่วยอีสาน
    แม่หากหม่าข้าวไว้ นึ่ง-ปิ้น-ส่ายด้วยความหวัง
    จอบนำทางว่าสิเห็น กะมืดแปนจนใจท้อ
    นับมื้อรออยากเห็นหน้า ถามข่าวหาปานบ้าจ่ม
    หรือติไง่ติลม..หรือติตม-ติแล้ง
    ...บ่แยงหน้าสู่อีสาน.....



    ขอขอบคุณเจ้าของภาพ : Wuthinan Rattanaphaeng
    ติ..หยัง ? ติ..หยัง ? ติ..หยัง ? ติ..หยัง ?

  2. #232
    แบ่งปันความรู้และประสบการณ์ สัญลักษณ์ของ ทองแดง
    วันที่สมัคร
    Jul 2008
    ที่อยู่
    ศิษย์เก่าน้ำพองศึกษา จ.ขอนแก่น
    กระทู้
    177

    เศร้าซึม น้ำแก่งท่วม

    จักว่าท่วมจักว่าแล้ง น้ำออกแก่งอุทกัง
    บาปปาปังซาวนาทุกข์ ทั่วทุกหนในแดนด้าว
    ข้าวพ้อฝนกลายเป็นท่วม กวมอีสานบ้านอีแม่
    เหลียวทางใด๋มีแต่น้ำ หนำซ้ำผ่องน้ำตา
    หวังเฮ็ดนาสิได้ข้าว ขนใส่เล้าเอาไว้สู่
    หมู่ลูกหลานเมือยามบ้าน ป่อนปันให้ได้สู่กิน
    จากแผ่นดินเป็นแผ่นน้ำ ชนละทามาล้นฝั่ง..พี่น้องเอ๊ย
    มันท่วมฮอดความหวัง..พังทะลายน้ำแก่งท่วม เหมิดความเว้าเซ็ดน้ำตา



    น้ำแก่งท่วม น้ำแก่งท่วม น้ำแก่งท่วม น้ำแก่งท่วม
    แก้ไขครั้งสุดท้ายโดย ทองแดง; 25-10-2019 at 06:32.

  3. #233
    แบ่งปันความรู้และประสบการณ์ สัญลักษณ์ของ ทองแดง
    วันที่สมัคร
    Jul 2008
    ที่อยู่
    ศิษย์เก่าน้ำพองศึกษา จ.ขอนแก่น
    กระทู้
    177

    ฟืม

    ฟืม ฟืม

    เจ้าผู้ฟืมซาวห้า ประสงค์หาถ่าหูก-กี่
    แข่วบ่ดีนับมื้อฮ้าง เพิ่นวางถิ่มบ่ใส่ใจ
    ไหมบ่กลาย-ฝ้ายบ่พ้อ สวย-หลอด-ต่ากะเพหัก
    จักสิมีไผเห็น เค่งเซียกตึงให้คือเค้า
    .................................
    มันละนับมื้อส่วย คนอีสานเอาเงินจ่าย...พี่น้องเอ๊ย
    หูกบ่บาย-ไนบ่ต้อง บ่อึดหม่องสิท่องหา
    เห็นแต่แขนฝาไว้ ให้ลูกหลานได้หลิงหล่ำ
    ฟืมบ่ต่ำ-ขิดบ่ฮู้ รอขู๋ถิ่มซาดเก่าเดิม



    ฟืม
    แก้ไขครั้งสุดท้ายโดย ทองแดง; 07-11-2019 at 10:16.

  4. #234
    แบ่งปันความรู้และประสบการณ์ สัญลักษณ์ของ ทองแดง
    วันที่สมัคร
    Jul 2008
    ที่อยู่
    ศิษย์เก่าน้ำพองศึกษา จ.ขอนแก่น
    กระทู้
    177

    โฮงมูนมัง

    โฮงมูนมัง โฮงมูนมัง โฮงมูนมัง โฮงมูนมัง

    เจ้าผู้มูนมังเค้า โบราณเฮาอดีตก่อน...เจ้าเอ้ย
    เพิ่นบ่ฮอนฮ่ำใซ้ มากองไว้ถ่าหล่ำหลิง
    เคยจับติงบายคว้า สมัยใหม่มาบ่คึดต่อ
    เอามาถ้อนพอได้ฮู้ วิถีบ้านแต่ย่านหลัง

    มันกะพังสูญเสี่ยง เหลือแต่เพียงอดีตเก่า..พี่น้องเอ๊ย
    พอได้ซี้ให้เห็น-พอยกเป็นให้อ้าง อีสานสร้างพ่อแม่เดิม
    มันกะเศร้ากะฮ้าง ฮอยเลือนลางทางหย่างเก่า..พี่น้องเอ๊ย
    คนบ่สืบฮอยตา-คนบ่วาฮอยเฒ่า
    ....กะเหมิดเหง่าฮากเน่าตาย..



    โฮงมูนมัง
    แก้ไขครั้งสุดท้ายโดย ทองแดง; 17-12-2019 at 10:44.

  5. #235
    แบ่งปันความรู้และประสบการณ์ สัญลักษณ์ของ ทองแดง
    วันที่สมัคร
    Jul 2008
    ที่อยู่
    ศิษย์เก่าน้ำพองศึกษา จ.ขอนแก่น
    กระทู้
    177

    อ่านข่าวออนไลน์ ลูกอีสาน 3

    ลูกอีสาน 3 ลูกอีสาน 3 ลูกอีสาน 3

    แม่นสิทุกข์ยากฮ้าย กะชีวิตของซาวนา
    พ่อแม่พากระทำการ สู้หมั่นดู๋อีดูเด้
    สองมือกำความหวังไว้ เมื่อยปานใด๋บ่ปากจ่ม
    เอาอดีตไว้นำตม..สิ งม-หาฝันวาดไว้...เอามาให้พ่อแม่โต
    คอบว่าดินภาคพื้น ภูมิแผ่นอีสานเฮา
    มันเอ้าอุกคณานับ ถ้าขาดสินเงินตราใซ้
    มันบ่คือคนเฒ่า โบราณเฮาพ่อกับแม่...แล้วเด้
    จั่งได้หนีออกคว้า ไปตายหน้าเผื่อแสวง.
    Attached Images Attached Images  

  6. #236
    แบ่งปันความรู้และประสบการณ์ สัญลักษณ์ของ ทองแดง
    วันที่สมัคร
    Jul 2008
    ที่อยู่
    ศิษย์เก่าน้ำพองศึกษา จ.ขอนแก่น
    กระทู้
    177

    ความเยือกเย็น หน้าพระไม้..

    หน้าพระไม้.. หน้าพระไม้.. หน้าพระไม้..

    แม่นบ่งานคือฮูปแต้ม กะแก้มป่องพุงโล..อยู่เด้
    หาเลี้ยงโตตามประสา เอิ้นวิถีของซาวบ้าน
    หากินหมานไผสิสู้ เกินว่าดู๋บ่อึดอยาก
    แนวใส่ปากฝากใส่ท้อง บ่อึดหม่องสิท่องหา
    เจ้าผู้งามคือพระไม้ กะคงไคได้คือแต่ง..เจ้าหน้อ
    จักแลงงายเงินจ่ายซื้อ จนแอวโซ้งบัดฮ่่าถือ
    มันบ่คือพะอวนข่อย คนอีสานหากินอยาก
    ฝากกับ"หมาน"ทังโชคช่วย....เอา"ดู๋"เข้าน้าวใส่กัน


    (ขอบคุณเจ้าของภาพ)
    Attached Images Attached Images  

  7. 25-01-2020, 06:53


  8. #237
    แบ่งปันความรู้และประสบการณ์ สัญลักษณ์ของ ทองแดง
    วันที่สมัคร
    Jul 2008
    ที่อยู่
    ศิษย์เก่าน้ำพองศึกษา จ.ขอนแก่น
    กระทู้
    177

    เขียนไดอารี่ กาเหวา..ฮ้อง

    กาเหวา..ฮ้อง กาเหวา..ฮ้อง กาเหวา..ฮ้อง

    เหมิดเก็บเกี่ยวฤดูสิ้น ไง่แล้งดินอีสานเก่า
    เดือนสามมากาเหวาฮ้อง หาอ้ายน้องผู้ต่างแดน
    ว่าเหมันต์จวบหม่อแล้ว สังบ่เล่าเจ้าคืนคอน
    บินหนีดอนนอนเฟือยดง ไปอยู่พงกำแพงอ้อม
    ......................

    ว่าตุ๋เอ๊ย...เมือเถิดเอ้ย กลับถิ่นเก่าเนาว์อีสาน
    ถิ่มเฮือนซานมานานโดน ลืมว่าตน-คนไกลบ้าน
    หรืออีสานบ้านเฮาเศร้า เสียงกาเหวา..เจ้าบ่ม่วน
    มาฮ้องกวนเกาะกูกเอิ้น เซินอ้ายน้องอ่วยอีสาน


    ขอบคุณเจ้าของภาพ
    Attached Images Attached Images  

  9. #238
    แบ่งปันความรู้และประสบการณ์ สัญลักษณ์ของ ทองแดง
    วันที่สมัคร
    Jul 2008
    ที่อยู่
    ศิษย์เก่าน้ำพองศึกษา จ.ขอนแก่น
    กระทู้
    177

    Picpost ดูรูปภาพ บืน

    บืน บืน บืน

    เห็นสองมือกำน้อยน้อย เจ้าหากค่อยจับ-บาย...หล่าเอ๊ย
    สื่อความหมายกลายความใน ระหว่างใจกับจน-แค้น
    แสนลำบากทวีโอ้ พ่อแม่โตหากคึดต่อ
    พอได้ส่วงเวียกใซ้ ปันปุนให้ซ่อยแฮง
    เห็นสองมือทังสองข้าง สิคลำทางยามเติบใหญ่
    จักสิบาย-กำ-แบไว้ กี่ล้านครั้งจั่งสิเถิง
    มันโดน-เหิงแต่นานแล้ว อีสานเฮาได้เพาะบ่ม
    ยามใด๋เซคะลาดล้ม บืนไปหน้า..เจ้าอย่าถอย..เด้อหล๊า


    บืน

  10. #239
    แบ่งปันความรู้และประสบการณ์ สัญลักษณ์ของ ทองแดง
    วันที่สมัคร
    Jul 2008
    ที่อยู่
    ศิษย์เก่าน้ำพองศึกษา จ.ขอนแก่น
    กระทู้
    177

    อ่านข่าวออนไลน์ มูนอีสาน

    มูนอีสาน มูนอีสาน

    เกิดเป็นคนอีสานนี้ มันลำบาก-อุปสรรค..หลายหน้อ
    จักสิมีไผเห็น มาจอบแนมแกมออยเว้า
    มีแต่เขาหมิ่นเหยียดเย้ย เสียดประนามหยามหยันใส่
    มาเหลือใจ..ยามคึดเห็นพ้อหน้า ผู้ถ่าจ้องฮ่องผญา


    ....11 ปีกว่ามาแล้วเด้....
    ทองแดงขุดป่าไม้ ถางป่าไผ่ให้เป็นสวน
    แม่นสิแสนตอตัน กะท่าวฟันจนเหมิดเกี้ยง
    หวังแต่เพียง...สืบมูนมังไว้ ให้ลูกหลานบ้านอีพ่อ
    พอได้เว้าสู่อ้ายน้อง ยามฮอดหม่องคึดบ่เห็น


    อีกอันหนึ่ง..อ้ายหากปุนแปงไว้ วิธีแต่งผญาเฮา
    เอาที่มันธรรมดา ให้ลูกหลานได้เฮียนฮู้
    ทังหมู่ครูนักปราชญ์เจ้า เอาไปจาพาสืบต่อ
    ซ่อยกันสืบฮอยตา.....ซ่อยกันวาฮอยพ่อ
    ทองแดงกะดีใจล้น..คนเห็นเหง้าเค้าเงี่ยนโต


    ไผอยากศึกษา..วิธีการประพันธ์วรรณกรรมท้องถิ่นอีสานแนวใหม่/ ติดต่อ..ทองแดง tongdang3317@hotmail.com...ครับ

    มูนอีสาน มูนอีสาน มูนอีสาน
    แก้ไขครั้งสุดท้ายโดย ทองแดง; 17-03-2020 at 04:51.

  11. #240
    แบ่งปันความรู้และประสบการณ์ สัญลักษณ์ของ ทองแดง
    วันที่สมัคร
    Jul 2008
    ที่อยู่
    ศิษย์เก่าน้ำพองศึกษา จ.ขอนแก่น
    กระทู้
    177
    คิดฮอดแท้หน้อ..หัวใจสิขาด

หน้าที่ 24 จากทั้งหมด 24 หน้า หน้าแรกหน้าแรก ... 14222324

Tags for this Thread

กฎการส่งข้อความ

  • You may not post new threads
  • You may not post replies
  • You may not post attachments
  • You may not edit your posts
  •