ปีเก่ากลายสิล่วงแล้ว...ฮอดปีใหม่สิมายาม
ซายมาถามข่าวหา...ว่าอยู่ดีซำบายบ้อ...?
สุขทังกอ-พอทังเหง่า...สมควรเฮาหรือว่าบ่
มาห่วงนำคักกะด้อ ผู้ไกลบ้านผ่านอีสาน
บ้านเฮาแล้ง-ขอให้แห้งแต่น้ำ..ใจเลิงซุ่มม่วนมะโน..แหน่เด้อ
บ้านเฮาอึด-ขอให้ขาดแต่แนวกิน...แต่ทรัพย์สินอย่าขาดแบ้งค์
ซ่อยกันแพงเก็บเมี้ยนไว้...ส่งเมือ“อยาย”อีสานเก่า
พอเป็นทุนตุนเป็นเค้า..ไว้ซื้อข้าว-ใซ้จ่ายกิน
เซาสาเด้อ...ไผผู้มีโรคาต้อง อุก-ทุกข์-หมองบ่แซ่มซื่น
อุกนำวัน-กลั้นนำคืน...ขอให้เบยเบิกได้เกษมถ้วนคู่ซู่อัน
ทังอายุ...ขอให้ยืนยาวหมั่น-วรรณะสันสีสง่า
ให้พบพากับอ้าย-น้อง..ผองเฮา-ข่อยได้พ้อ-เห็น..แหน่เด้อ.
Bookmarks