อีสานลืม

[ทองแดง]

ติว่าเฮือนเฮาฮ้าง บ่หันหลังคืนบ้านเก่า..เฮาบ้อ
หรือว่าติพ่อแม่เฒ่า คำจาเว้าบ่หมื่นหู
หรือติปูปลานาน้ำ บ่มันนัวแซบอร่อย
จั่งปล่อยป๋าละถิ่ม บ่คืนโค้งอ่วยอีสาน
แม่หากหม่าข้าวไว้ นึ่ง-ปิ้น-ส่ายด้วยความหวัง
จอบนำทางว่าสิเห็น กะมืดแปนจนใจท้อ
นับมื้อรออยากเห็นหน้า ถามข่าวหาปานบ้าจ่ม
หรือติไง่ติลม..หรือติตม-ติแล้ง
...บ่แยงหน้าสู่อีสาน.....


ขอขอบคุณเจ้าของภาพ : Wuthinan Rattanaphaeng