ไปทำงาน5มื้อ กินแต่อาหารฝรั่งหล่อยเบิดเอาโลด...บ่มีแฮงหลายติ๋มกะเลยป่นปลาทูกินก่อนไปทำงานจ้า...
กินอาหารไทยไปทำงานยามใด๋...หละเป็นใบ้ยามนั่น...ย่านเขาได้กลิ่นปลาแดกซั่นแหล่ว::)
นั่งยิ้มอยู่เบิดค่ำ...เอิ๊กกกกส์ๆ
เฮ็ดง่ายจ้า ขั่วพริก กระเทียม หอมแดง คั่นสิจี่เอากะบ่มีไฟเตาถ่านเนาะ
ต้มปลาทูโตเดียวพอ...มีหมากเขือเหี่ยวอยู่กเลยต้มลงไปนำ...ใส่ปลาแดกหลายๆเด้อ หอมดี
พอสุกกะตำพริก กระเทียม หอมแดง ปลาทูแกะเอาแต่เนื้อ ตำใสกัน ใส่หมากเขือลงไปตำนำเด้อจ้า...
ปรุงรสด้วยน้ำต้มปลาแดกหั่นหละ กรองเอาก้างออกก่อนแหน่หละ ใส่ผักหอมต่างๆเท่าที่มีหละจ้า
ปรุงรสตามมักหละจ้า
กินกับส้มผัก คั้นเองเด้อ มา มาพี่น้องกินข้าวนำกัน บ่มีข้าวเหนียวดอกจ้า กินแล้วไปทำงานย่านหลับ::)
มื้อนี่หยุดงาน จักสิกินหยัง เบิดมุขแฮง ไผมีไอเดียร์ดีๆกะเอามาแบ่งปันกันแหน่จ้า...
อ้างข้อความนี้
Bookmarks