กำลังแสดงผล 1 ถึง 6 จากทั้งหมด 6

หัวข้อ: ฮักเจ้าเอ้าอั่งทรวง

  1. #1
    แบ่งปันความรู้และประสบการณ์ สัญลักษณ์ของ ทองคำ
    วันที่สมัคร
    Jan 2007
    กระทู้
    140

    ฮักเจ้าเอ้าอั่งทรวง

    หล่านางเอ้ย แม่นเจ้าฮู้เมื่อข่าง ขิงแคงสิออกหน่อ บ่น้อ
    แม่นเจ้าฮู้เมื่อข้าง ขิงช้างสิป่งใบ บ่ฮู้
    อ้ายนี่หลงมักเจ้า เอ้าอั่งพอสิตาย
    มักนางหลายพอแฮง ค่ำแลงจนหลงฮ้อง
    เจ้ายังนอนในห้อง ปรางค์ทองบ่ฮู้เมื่อ แหน่ฤา
    ฮุ้ว่าทุกค่ำเช้า พี่ซายเฝ้าถ่าลัดทาง
    บ่เห็นนางแต่ละมื้อ คือฟ้าหม่นบ่มีแสง
    ตาเว็นแดงค่ำลง ได้ยืนงงส่องทางน้อง
    มีคนจองแล้วบ้อหล่า เจ้าคือซ่างบ่จา พอให้อ้ายทำใจแหน่
    หรือว่ามีแต่ชู้ แฟนเจ้านั่นอยู่ใส
    แก้มใหม่ๆคือเดือนแจ้ง แงงยามใด๋อ้ายโลดเป็นคิดฮ่ำ
    ตาอ่ำท่ำมองบักอ้าย พอตายเมี้ยนหลูดกะใจ
    เสียงใสๆคือคือเสียงฆ้อง บาดนางจามาเตี้ยงต่อ
    พอปานใจสิขาดดิ้น ละเมอเว่าอยู่ผู้เดียว
    แม่นบุญมีอ้ายขอเกี้ยว ขันฝากพะมัยมิตร แหน่ถ่อน
    ขอฝากไมตรีจิต แม่นนิดเดียวกะดีล้น
    คนเอ้ยคนซ่างงามโก้ โอเด้น้อ เจ้าผู้วาดค่องๆ
    เจ้าผู้นวลนาถน้อง สวรรค์แต้มแต่งลง
    คันแม่นปลงใจให้ บ่าวพี่ซายได้เข้าฮ่วม
    คันแม่นอ้ายได้อยู่ร่วม หมื่นปีพ้นอ้ายบ่ไล
    สิขอขอดน้องไว้ ในหัวใจบ่ให้ไผมาเตี่ยงต่อ
    สิขอห่อน้องไว้ ในใจอ้ายนี่ผู้เดียว นางเอ้ย


  2. #2
    นักปราชญ์เมืองอีสาน
    ศิลปินนักแต่ง ผญา
    สัญลักษณ์ของ ศรีสะท้าน
    วันที่สมัคร
    Aug 2006
    กระทู้
    4,311
    ลัดดีๆเด้ออาว ลัดบ่ดีออกป่องขาดเด้ผู้สาวนั่น ห่างซิงนำพร้อมซะเป็นหยังเหอ

  3. #3
    แบ่งปันความรู้และประสบการณ์ สัญลักษณ์ของ ทองคำ
    วันที่สมัคร
    Jan 2007
    กระทู้
    140
    คันแม่นห่างเอาได้ เทิงสิไล่เทิงสิห่างดางพร้อมใส่กัน พุ้นแหล่วข้าน้อย

  4. #4
    ผู้ช่วยผู้ใหญ่บ้านมหา สัญลักษณ์ของ sompoi
    วันที่สมัคร
    Mar 2007
    ที่อยู่
    japan
    กระทู้
    6,363
    บล็อก
    23
    บ่าวทองคำเอ๋ย.

    หวานวาจาหยดย้อย สำนําอ้อยกะบ่อป่านน้อ
    บ่าวผู่ดีต่างบ้าน เฮือนซานอยู่หม่องได๋
    ออนซอนเด้คำซาย สิตายย่อนพุ่นเด้อุ่น
    คั่นแม่นบุญหนุนยู้ ได่เคียงซู้คู่ซ้อนเด้น้อ.....

  5. #5
    แบ่งปันความรู้และประสบการณ์ สัญลักษณ์ของ ทองคำ
    วันที่สมัคร
    Jan 2007
    กระทู้
    140
    [media]สาวเอ้ย บ่าวทองคำคนผู้ฮ้าย หน้าก่ำซ้ำเทิงดำ
    บุรีรัมย์คือสถาน บ่อนเกิดมาแนมฟ้า
    แต่มาศึกษาก้ำ สารคามทางเมืองเก่า
    ตักศิลาเพิ่นเว้า เลยล่วงเข้าข่วงเรียน
    ตอนนี้ยังบ่ทันได้ตลอดเกลี้ยง เพียงยังอยู่ปีปลาย
    อายุกลายซาวสอง พวมบ่าวแวงทางน้อย
    ยังเตาะค่อยต่อย ผญาออยเอามาว่า
    หากมันผิดพลาดพลั้ง ขอทางเอื้อยให้ซ่อยกัน แหน่เด้อ[/media]

  6. #6
    แบ่งปันความรู้และประสบการณ์ สัญลักษณ์ของ ทองคำ
    วันที่สมัคร
    Jan 2007
    กระทู้
    140
    สาวเอ้ย บ่าวทองคำคนผู้ฮ้าย หน้าก่ำดอกเทิงดำ
    บุรีรัมย์ถิ่นสถาน บ่อนเกิดมาเบิ่งฟ้า
    แต่หากมาเรียนรู้ สารคามหม๋องเขาซ่า
    ตักศิลาเขตบ้าน สถานหม๋องบ่อนเฮียน
    ตอนนี้ยังบ่ทันสุดตลอดเมี้ยน ยังเรียนอยู่บ่ทันสุด
    แต่หากอยู่ปีปลาย มหาลัยใหญ่กว้าง
    แต่อยากลงข่วงเล่น เว่าจาผญาย่อย
    เลยมาหยอดน้ำอ้อย จาเว่าใส่ผู้สาว
    คันแม่นความผมเว่า มันเกินแห่งหม่องความจริง
    ขอโทษนำชายญิง อย่าถือจริงคำเว่า
    แนวผญากระผมเว่า หากมาแปลแต่งขึ้นใหม่
    บ่ถืกใจพวกสาวเจ้า กะอย่าเว่าว่าซาย เจ้าเอ้ย

กฎการส่งข้อความ

  • You may not post new threads
  • You may not post replies
  • You may not post attachments
  • You may not edit your posts
  •