กำลังแสดงผล 1 ถึง 10 จากทั้งหมด 10

หัวข้อ: เหมิดแฮงใจ

  1. #1
    ดูแลตรวจสอบเนื้อหา สัญลักษณ์ของ โป้ยก่าย
    วันที่สมัคร
    Jun 2007
    กระทู้
    1,619

    เหมิดแฮงใจ

    ธาราล้นไหลนองโถมทั่งพี่น้องเอ้ย
    นั่งกอดเข้าก้มหน้าอุราเศร้าบ่วาย
    สายชลไหลอาบท้วมเฮือนซานบ้านซ่อง
    หลุโตนเด้พี่น้องเฮือนห้องจุ่มจม
    ไฮ่นาสวนมาหล่มจมลงชลน้ำแก่ง
    เหมิดแฮงใจแล้วเทื่อนี้บ่มีหม่องเพิ่งพา
    ทุนเฮ็ดนาเป็นหนี้ ธ.ก.ส.มาอุกอั่ง
    เหมิดความหวังแล้วเทื่อนี้เต็มทีข้อยกะซ่างเป็น พี่นัองเอ้ย


  2. #2
    เป็นแฮงใจให้อ้ายฮักเสมอจ้า...ซำบายดีบ่อ้ายจารย์ กินข้าวแล้วยังน้อ....

  3. #3
    Super Moderator
    Guide & Photographer
    สัญลักษณ์ของ เจ้าซายน้อย
    วันที่สมัคร
    Sep 2007
    ที่อยู่
    อยู่ในใจเสมอ
    กระทู้
    1,550

    เศร้าซึม

    ฝนตกมาน้ำกะท่วม ไหลมารวมท่อนทางลุ่ม
    เจ้าของบ้านได้นั่งกลุ้ม น้ำรุมเข้าแม่นเจิ่งนอง
    โลกตัดขาดจากพี่น้อง เทิงน้ำไฟกระบองปิดซี่หลี่
    ถนนหนทางที่เคยดี กะเลยมาขาดฮ้าง หย่อนน้ำม้างให้หมุ่นเพ พี่น้องเอ้ย

  4. #4
    ร่วมถ่ายทอดความรู้สู่สังคม สัญลักษณ์ของ หลานพระรถ
    วันที่สมัคร
    Aug 2008
    ที่อยู่
    เมืองพระรถธานี, ชลบุรี
    กระทู้
    379
    แฮงใจ...เติมด้วยกำลังใจ
    แฮงกาย...เติมด้วยพลาหาร
    หมั่นเติม...แฮงใจด้วยใจ
    แล้วแฮงใจ...สิบ่มีวันหมด
    สู้ๆๆ...จ้าอ้าย



  5. #5
    ร่วมถ่ายทอดความรู้สู่สังคม สัญลักษณ์ของ หนุ่มลำซี
    วันที่สมัคร
    Jun 2008
    ที่อยู่
    เมืองปลาเค็ม
    กระทู้
    628
    เป็นตาหลุโตนพี่น้องชาวไฮ่ชาวนาครับปีนี้น้ำแฮงคับ
    โทรเมือบ้านตอนเช้านี่เพิ่นบอกวาน้ำสิถ่วมบ้านเฮาแล้วเด้อบักหำ
    ไจแทบสลายพี่น้องเอ้ย..เหลียโตนผู้เฒ่าสองเฒ่าครับ
    เฮ็ดนามายากๆ กะสิมาถึกน้ำท่วมหนีเหมิด บ่เหลือจักอย่าง
    เหลือแต่หนี้ ธกส คิดเมิ่งแล้วกะสะท้อนไจน้อพี่น้อง

  6. #6
    Queenie
    Guest
    อ้าย โป้ยก่าย..... แต่งกล่อนม่วน ค่ะ น่าเหงใจ พี่น้องทางบ้านน้อ ฝนดี กะท่วม บ่ตกกะบ่ได้ เฮ็ดนา บ่มีหยั่งพอดี

  7. #7
    แบ่งปันความรู้และประสบการณ์ สัญลักษณ์ของ ศรีเวฬุคามมุนี
    วันที่สมัคร
    Aug 2008
    กระทู้
    64
    ฟังเสียงข่าวป่าวฮ้อง ว่าน้ำนองไหลล่อง
    ไหลล้นคลองห้วยเค้า ทั่งโถมเข้าขอกคาม
    ผู้เพิ่นอยู่ใกล้น้ำ เลยหน้าก่ำโทมนา
    ทั้งเคหาคาเม ถืกพัดเภท์พังล้ม ฯ

  8. #8
    Super Moderator
    Guide & Photographer
    สัญลักษณ์ของ เจ้าซายน้อย
    วันที่สมัคร
    Sep 2007
    ที่อยู่
    อยู่ในใจเสมอ
    กระทู้
    1,550
    ฝนหลงฟ้า ชลธาหลงฝั่ง
    ไหลถั่งโถมหมู่บ้าน เป็นตาย่านอีหลี
    ทุกมื้อนี้ ข่าวหน้าหนึ่งหนังสือพิมพ์
    อ่านแล้วหลงสะเทือนใจ อุทกภัยผลาญบ้าน
    เฮือนและซานสูญสิ้น โคลนหรือดินน้ำทะลัก
    ภรรยาสุดที่ฮัก พ่อแม่ทั้งลูกเต้า จมน้ำต่อตา
    แต่มื้อวานยังพ้อหน้า คุยม่วนสนุกกัน
    เดิ๊กข่อนนอนกะกำลังฝัน เงียบงันเย็นจ้อย
    ประชาชนหลายร้อย บ่มีไผสิฮู้เมื่อ
    งัวควายเป็ดไก่เย้า หมาเฒ่ากะเหล่านอน
    คราวสิเกิดเดือดฮ้อน ผีป่าสวาปาม
    ฟ้าคำรามระงมฝน หมู่คนกะหลับสิ้น
    ฝนตกรินบ่ยอมเอื้อน แนมหาเดือนกะมืดมิด
    เมโฆปิดบ่เปิดฟ้า ฝนกะบ้าอยู่บ่ถอง
    เดชะบุญของพี่น้อง ผองถิ่นดินไทยแลนด์
    แหม่นสิแสนความทุกข์ กะผ่านไปจนม้ม
    ความระทมน้ำตาย้อย พ่อเฮาคอยซับบ่อย่า
    องค์ราชาเทิดไท้ ลูกขอไหว้นบคุณ

  9. #9
    ดูแลตรวจสอบเนื้อหา สัญลักษณ์ของ โป้ยก่าย
    วันที่สมัคร
    Jun 2007
    กระทู้
    1,619
    ฝนฮวยโห่งไหลลงทามเป็นน้ำแก่ง
    บัดฮ่ายามฟ้าแล้งสังมาแห่งไง่ดิน แท้น้อ
    บ่มียามสูญสิ้นมวลมนุษย์โลกา
    เวทนาทนทุกข์เผ่าผองมูลเซื้อ
    เหลือแต่ดำนาไว้ไถโพนขุดก้น
    ฝนเลยมาซะล้างนาน้อยได้จุ่มจม
    ว่าสิหนีให้ม่มหนี้เก่า ธ.ก.ส.
    พอได้มีเงินทุนผัดเล่าสูญเสียซ้ำ
    จักแม่นกรรมหยังฮ้ายแต่ปีกลายฝนบ่หยาด
    ไถคาดดำไว้แล้วมาตายแห่งเคิ่งกลาง
    อุกหลายเด้พอปานมีแนวค้างคาคอแค้นจ่อล่อ
    บ่มีแนวสิจ่ายหนี้ยังมีเบี้ยเข้าทับถม
    สมหัวใจพออยากขายนาถิ่มไปเกาหลีนำเพิ่น
    ไปหาเงินรับจ้างสตางค์แบงค์ต่างแดน
    วางเงินแสนให้นายหน้าบัดกลับมาย่านมือเปล่า
    เห็นเขาลือซ่าเว้าให้เขาต้มจนเปลื่อยตาย

  10. #10
    ยุบ้านผมเฮ้ดนาแล้วบ่มีฮอดน้ำ ได้สูบน้ำใส่ข้าว พอใกล้สิได้เกี่ยวจักน้ำมาแต่ทางได๋ ไหลมาบ่พออาทิตย์ท่วมข้าวเบิดเลยแมะ จักสิเฮ้ดแนวได่คือกันละคับ ...ถึงเฮาสิบ่เหลือหยังแล้ว แต่ว่าเฮากะยังเหลือครอบครัว...(เอามาจากโฆษณา) อิอิอิ:)::)

กฎการส่งข้อความ

  • You may not post new threads
  • You may not post replies
  • You may not post attachments
  • You may not edit your posts
  •