กำลังแสดงผล 1 ถึง 4 จากทั้งหมด 4

หัวข้อ: ผญา ปรัชญาการดำเนินชีวิต ของคนอี่สาน 3

  1. #1
    ดูแลตรวจสอบเนื้อหา สัญลักษณ์ของ โป้ยก่าย
    วันที่สมัคร
    Jun 2007
    กระทู้
    1,619

    ผญา ปรัชญาการดำเนินชีวิต ของคนอี่สาน 3

    ผญาเว้าสาวมักสิจ่ายกันในสถานที่ ที่สาวๆไปซุมนุมกันหลายๆ
    ซึ่งสถานที่นั้นเอิ้นว่า ลงข่วง อิอิ การลงข่วงคือการที่สาวๆสมัยนั้นนั้น
    ไปปั่นฝ่าย หรือเข็นฝ่าย เอิ้นว่าลงข่วงเข็นฝ่าย ส่วนหลายสิเป็นยามกลางคืน
    (สาวๆโฮมกันเข็นฝ่าย) นับว่าเป็นโอกาสดีของผู้บ่าวทั้งหลาย บ่าวทิต บ่าวจารย์
    บ่าวเซีบง ส่วนมากกะสิเป่าแคน ดีดพิณตามความสามารถของผู้บ่าวทั้งหลาย
    คำจีบกันสมัยนั้นกะสิเริ่มต้นด้วยคำผญาตามที่กล่าวมาแล้ว ฝ่ายสาวกะสิเว้า
    จ่ายผญาภาษาฮัก โต้ตอบกันด้วยท่วงทีทำนองไพเราะเสนาะโสดอ่อนหวาน
    หรือบางเทื่อกะมีการกระแทกแดกดันกันตามสถานะการณ์ โดยฝ่ายชาย
    อาจสิตัดพ้อค้วยเซิงวาทะเสียดสีด้วยการหึงหวงหรือลองใจกัน
    หรือถ้าจ่ายปริศนาภาษาฮักกะสิถูกโต้ตอบกันไปตามสถานะการณ์นั้นๆ
    ส่วนมากผู้บ่าวกะสิเอ้ยด้วยการถามข่าวเป็นอันดับแรก เช่นการถามข่าวว่า....



    โปรดติดตามตอนต่อไปนะจ้ะ


  2. #2
    นักปราชญ์เมืองอีสาน
    ศิลปินนักแต่ง ผญา
    สัญลักษณ์ของ ศรีสะท้าน
    วันที่สมัคร
    Aug 2006
    กระทู้
    4,311
    ฮ่วยท่าน หมอ สหาย มาคือบ่ลงโฮมกันไว้กระทู้เดียวกันโลด คือยายกันไว้ปานพูดซี้นแท้ มันสิบ่เปลืองตู้ เปลืองหม่องไว้บ้อ หรือจั่งใด (เสนอแนะดอกหวา) ย้านนำหาอ่านบ่พ้อซั้นดอกหวา อิ อิ

  3. #3
    ดูแลตรวจสอบเนื้อหา สัญลักษณ์ของ โป้ยก่าย
    วันที่สมัคร
    Jun 2007
    กระทู้
    1,619
    เฮาเฮ็ดแล้วหมอ ท่าน เซี้ยว สหาย
    มันบ่ได้แมะ จักมันเป็นนำหยัง กะยังว่า จับใจความได้หม่องเดียว
    ว่า ซอรี่ ว่าสั้นหมอ ใจเฮากะว่าสิเฮ็ดไว้หม่องเดียวนั้นหละ

  4. #4
    ดูแลตรวจสอบเนื้อหา สัญลักษณ์ของ โป้ยก่าย
    วันที่สมัคร
    Jun 2007
    กระทู้
    1,619
    ต่อไปนี้เป็นโตอย่างบางตอนที่ได้นำมาให้ท่านทั้งหลายได้อ่าน
    ฝ่ายสาวถามฝ่ายซายก่อน

    สาวถาม อ้ายเอ้ย แม่นเจ้าเนาหนห้อง สถานถิ่นเมืองใด๋ อ้ายเอ้ย
    ใจประสงค์สังน้อ จั้งด่วนมาทางพี่

    บ่าวตอบ นางเอ้ย อ้ายนี้เนาในห้องหนองคายคำก้ำบ้านอยู่ พุ้นแหล่ว
    ใจประสงค์อยากได้ซู้ กะเลยล้ำล่วงมา น้องเอ้ย


    สาวตอบ อ้ายเอ้ย น้องนี้ย่านหลายเด้ ย่านแต่เกลี้ยงแต่นอกทางในเป็นหมาเดื้อ
    ย่านแต่เกลี้ยงปากบั้งขังข้อปากกระทอนั้นแหล่ว


    บ่าวตอบ หล้าเอ้ย อ้ายนี้เกลี้ยงฮอดใน ใสฮอดกระดูก
    เกลี้ยงฮอดลูกอ่อนน้อยหลานสิห้อยกะบ่มี นั่นแหล่ว


    สาวตอบ อ้ายเอ้ย อย่ามาตกกล้าไว้เพิงโพนให้น้ำแซ่
    อย่ามาหว่านกล้าไว้ในน้ำให้ปลวกกิน หลายถ่อน


    บ่าวตอบ น้องเอ้ย ซาติที่ซายแข็งกล้า วาจาต้องหมั่นเที่ยง
    ความเว้าหลุดออกจากปากว่าแล้วหากเป็นแท้เรื่องจริง ตั้วนาง


    มีการโต้ตอบกันไปมาตามโตอย่างที่แสดงไว้นี้หละครับ
    ผญาความฮักเกี้ยวพาราสีมีอยู่เป็นจำนวนหลาย กระจัดกระจายอยู่กับ
    ผู้เฒ่าคนเก่าคนแก่ ตามที่ต่างๆในทางภาคอี่สาน ผู้ข้าโป้ยก่ายได้เก็บรวบรวม
    หลายหม่องมาโฮมไว้บ่อนเดียว โดยจัดรวมเป็นผญาฮัก ฝ่ายหญิง ฝ่ายชาย
    เพื่อสิได้สะดวกในการศึกษาคันคว้าของอนุชนสืบต่อไป



Tags for this Thread

กฎการส่งข้อความ

  • You may not post new threads
  • You may not post replies
  • You may not post attachments
  • You may not edit your posts
  •